章节 | 全民台语圣经汉罗经文 | 注释 |
40:1 | 约瑟为监友解梦Chiahê tāichì以后,埃及王ê酒政kah厨房长得罪in ê主—埃及王。 | 注释 串珠 康来昌 原文 典藏 |
40:2 | 法老受气伊hit两 个人臣,to̍h是酒政长kah厨房长。 | 注释 串珠 康来昌 原文 典藏 |
40:3 | 伊kā in关tī侍卫长府内ê监,to̍h是约瑟受关ê所在。 | 注释 串珠 康来昌 字典 原文 典藏 |
40:4 | 侍卫长kā in交带约瑟,伊to̍h侍候in;in to̍hti7监内有做伙一段时间。 | 注释 串珠 康来昌 原文 典藏 |
40:5 | 受关tī监内ê埃及王ê酒政长kah厨房长,两人仝一暝各梦见一个梦,lóng照in各自梦tio̍h ê意义来解梦。 | 注释 串珠 康来昌 原文 典藏 |
40:6 | 到天光,约瑟入去in hia,看tio̍h in有忧闷ê款式。 | 注释 串珠 康来昌 原文 典藏 |
40:7 | 约瑟to̍h问法老两 个人臣,to̍h是kah伊平平关tī主人府内ê,讲:「今á日lín án怎面带忧容?」 | 注释 串珠 康来昌 原文 典藏 |
40:8 | In kā约瑟讲:「阮ta̍k人梦见一个梦,无人thang解梦。」约瑟kā in讲:「解梦kám m̄是在tī上帝?请lín kā我讲。」 | 注释 串珠 康来昌 原文 典藏 |
40:9 | 酒政to̍h对约瑟说明伊ê梦,讲:「我tī梦中看tio̍h有一欉葡萄树tī我ê面前, | 注释 串珠 康来昌 字典 原文 典藏 |
40:10 | 树顶有三支树枝teh puh芛,开花,然后结一葩一葩成熟ê葡萄。 | 注释 串珠 康来昌 字典 原文 典藏 |
40:11 | 法老ê杯tī我ê手内,我to̍htheh8葡萄,tī法老ê杯内捏,然后kā杯phâng交法老ê手。」 | 注释 串珠 康来昌 字典 原文 典藏 |
40:12 | 约瑟kā伊讲:「你ê梦是ánne解:三支to̍h是三日, | 注释 串珠 康来昌 原文 典藏 |
40:13 | koh三日,法老会举起你ê头,回复你ê官职。法老ê酒杯会犹原hē tī你ê手内,亲像早前你做伊ê酒政。 | 注释 串珠 康来昌 字典 原文 典藏 |
40:14 | 你若得志ê时,tio̍h ē记得我,施恩hō͘我,tī法老ê面前替我讲一声,救我出chitê监。 | 注释 串珠 康来昌 原文 典藏 |
40:15 | 我实在是tùi希伯来人ê地hông卖来chia ・ê,我tī chia mā无做出啥物m̄ tio̍h ê tāichì,thang hō͘ in kā我关落监。」 | 注释 串珠 康来昌 字典 原文 典藏 |
40:16 | 厨房长看tio̍h梦解了好,to̍h kā约瑟讲:「我mā tī我ê梦中看见,tī我ê头壳顶有三筐煏ê饼, | 注释 串珠 康来昌 字典 原文 典藏 |
40:17 | 顶面hit筐有贮法老所食ta̍k种煏ê物,有鸟来啄我头壳顶筐内ê物。」 | 注释 串珠 康来昌 字典 原文 典藏 |
40:18 | 约瑟应伊讲:「你ê梦是ánne解:三筐是三日, | 注释 串珠 康来昌 字典 原文 典藏 |
40:19 | koh三日,法老ē hō͘你ê头壳离开你,kā你吊tī柴顶,ē有飞鸟来啄你身躯ê肉。」 | 注释 串珠 康来昌 字典 原文 典藏 |
40:20 | 到第三日,是法老ê生日,伊为众人臣排设宴席,tī chiahê人臣ê面前,抬举酒政长kah厨房长。 | 注释 串珠 康来昌 原文 典藏 |
40:21 | 伊hō͘酒政长回复官职,伊犹原ē tang3phâng杯来tī法老ê手; | 注释 串珠 康来昌 字典 原文 典藏 |
40:22 | 总是,伊kā厨房长吊起来,tútú照约瑟所kā in解梦ê。 | 注释 串珠 康来昌 原文 典藏 |
40:23 | M̄ koh,酒政长无带念tio̍h约瑟,竟然kā伊bē记得。 | 注释 串珠 康来昌 原文 典藏 |