| 章节 | 全民台语圣经汉罗经文 | 注释 |
| 33:1 | 偤大王玛拿西(王下21：1-9)玛拿西坐位ê时十二岁，tī耶路撒冷做王共五十五年。 | 注释 串珠 原文 典藏 |
| 33:2 | 伊行上主所看做pháiⁿ ê tāichì，学外邦人所行可恶ê tāichì，to̍h是上主tī以色列ê面前所赶出ê。 | 注释 串珠 原文 典藏 |
| 33:3 | 因为伊ê老父希西家所毁坏ê山头坛伊koh起起来，koh为hiahê巴力起坛，做亚斯她录，koh敬拜天顶ê万象来kā它服事。 | 注释 串珠 字典 原文 典藏 |
| 33:4 | Tī上主ê殿内起几nā个坛，上主bat kí chitê殿讲：「我ê名ē永远tī耶路撒冷。」 | 注释 串珠 字典 原文 典藏 |
| 33:5 | 伊tī上主ê殿ê两 个院内，为tio̍h天顶ê万象起坛。 | 注释 串珠 字典 原文 典藏 |
| 33:6 | Koh tī便欣嫩ê山谷，hō͘伊ê kiáⁿ儿经过火，koh看兆头、用法术、施巫术、用跳童ê、请司公，行真chē上主所看做pháiⁿ ê tāichì，激他受气。 | 注释 串珠 原文 典藏 |
| 33:7 | Koh tī上主ê殿内，chhāi伊所造雕刻ê像，chit间殿是上主bat对大卫kah伊ê kiáⁿ所罗门kí伊来讲：「Chit间殿kah耶路撒冷to̍h是我tī以色列众支族中间所拣ê，我beh安置我ê名tī hia，直到永远。 | 注释 串珠 字典 原文 典藏 |
| 33:8 | 以色列人若执守来行我一切所命令in ê，to̍h是我托摩西所传一切ê法度、律例kah礼仪，我to̍h无koh移徙in ê脚，来离开我所定tio̍h hō͘ lín祖先ê地。」 | 注释 串珠 原文 典藏 |
| 33:9 | 玛拿西迷惑tòa tī偤大kah耶路撒冷ê人民，致使in所行pháiⁿ比上主tī以色列人ê面前所灭ê列国，koh khah伤重。 | 注释 串珠 原文 典藏 |
| 33:10 | 玛拿西悔改上主吩咐玛拿西kah伊ê人民，总是，in无beh听。 | 注释 串珠 原文 典藏 |
| 33:11 | 所以，上主hō͘亚述王ê军长来kā in攻击，用钩á钩tio̍h玛拿西，用铜链kā伊缚起来，押到巴比伦。 | 注释 串珠 字典 原文 典藏 |
| 33:12 | 伊tī患难ê时，就恳求上主—伊ê上帝，koh tī伊ê祖先ê上帝ê面前非常谦卑。 | 注释 串珠 原文 典藏 |
| 33:13 | 伊求叫上帝，上主准伊所求，听伊ê祈祷，hō͘伊tńg来耶路撒冷，犹原坐伊ê国位，玛拿西chiah知上主是上帝。 | 注释 串珠 原文 典藏 |
| 33:14 | Chit时了后，玛拿西tī大卫ê城外起墙，tī基训ê西pêng，tī山谷内，到鱼门ê门口，围se̍h俄斐勒，墙起真高，koh设立军长tī偤大hiahê坚固ê城内。 | 注释 串珠 字典 原文 典藏 |
| 33:15 | Koh tùi上主ê殿除去hiahê外邦ê神明kah偶像，koh tī上主殿ê山kah耶路撒冷所起hiahê坛，lóng hiat去城外。 | 注释 串珠 字典 原文 典藏 |
| 33:16 | Koh起上主ê祭坛，tī坛顶献谢恩祭kah感谢祭，命令偤大人服事上主—以色列ê上帝。 | 注释 串珠 字典 原文 典藏 |
| 33:17 | 总是，人民犹原tī山头坛献祭，独独献hō͘上主—伊ê上帝niā-niā。 | 注释 串珠 字典 原文 典藏 |
| 33:18 | 玛拿西统治ê结束(王下21：17-18)玛拿西其他ê tāichì kah伊对上主祈祷ê话，以及先见奉上主—以色列ê上帝ê名对伊讲hiahê话，lóng记tī以色列chiahê王ê记录。 | 注释 串珠 原文 典藏 |
| 33:19 | 伊ê祈祷kah上主án怎允准伊，伊bōe谦卑以前ê罪过kah过失，以及起山头坛，设立hiahê亚舍拉kah雕刻偶像hiahê所在，lóng记tī Ho-chái ê史记。 | 注释 串珠 字典 原文 典藏 |
| 33:20 | 玛拿西kah伊ê祖先同困，埋葬tī kakī ê宫内。伊ê kiáⁿ亚扪续接伊做王。 | 注释 串珠 原文 典藏 |
| 33:21 | 偤大王亚扪(王下21：19-26)亚扪坐位ê时二十二岁，tī耶路撒冷做王经过两年。 | 注释 串珠 原文 典藏 |
| 33:22 | 伊行上主所看做pháiⁿ ê tāichì，学伊ê老父玛拿西所做ê，亚扪祭祀伊ê老父玛拿西所造hiahê雕刻ê偶像，来kā伊服事。 | 注释 串珠 字典 原文 典藏 |
| 33:23 | 无tī上主ê面前kakī 谦卑，亲像伊ê老父玛拿西ê kakī 谦卑。Chitê亚扪ná来ná犯罪。 | 注释 串珠 原文 典藏 |
| 33:24 | 伊ê人臣背叛伊，tī王宫内kā伊thâi死。 | 注释 串珠 原文 典藏 |
| 33:25 | 总是，人民thâi死hiahê背叛亚扪王ê人，人民to̍h设立伊ê kiáⁿ约西亚续接伊做王。 | 注释 串珠 原文 典藏 |