章节 | 全民台语圣经汉罗经文 | 注释 |
4:1 | 圣殿ê器具(王上7:23-51)伊koh造一座铜坛,长二十肘,阔二十肘,高十肘。 | 注释 串珠 字典 原文 典藏 |
4:2 | Koh铸一个铜海,款式是圆ê,koân五肘,tùi chit pêng到hit-pêng ê距离十肘,圆环三十肘。 | C注释 注释 串珠 字典 原文 典藏 |
4:3 | 它ê下面有瓠á ê款围teh,每肘十粒,来围hitê铜海,瓠á有两chōa,铸铜海ê时顺续铸ê。 | 注释 串珠 字典 原文 典藏 |
4:4 | 铜海挂tī十二只铜牛ê顶面,三只ǹg北,三只ǹg西,三只ǹg南,三只ǹg东;铜海hē tī牛ê顶面,牛尾ǹg内面。 | 注释 串珠 字典 原文 典藏 |
4:5 | 铜海厚一巴掌,它ê墘亲像杯á ê墘,ná亲像百合花ê款式,thang贮三千罢特。 | 注释 串珠 字典 原文 典藏 |
4:6 | Koh造十个盆,hē五个tī正pêng,五个tī倒pêng,thang tī hit内面洗献烧祭所用ê物;独独铜海是hō͘祭司thang洗。 | 注释 串珠 字典 原文 典藏 |
4:7 | Koh照in ê体式造十个金ê灯台,hē tī殿内,五个tī正pêng,五个tī倒pêng。 | 注释 串珠 字典 原文 典藏 |
4:8 | Koh造十块桌hē tī殿内,五块tī正pêng,五块tī倒pêng,koh创一百块金碗; | 注释 串珠 字典 原文 典藏 |
4:9 | Koh起造祭司ê院kah大院,以及院门,用铜安装hiahê门。 | 注释 串珠 字典 原文 典藏 |
4:10 | 用铜海hē tī殿ê正pêng,to̍h是东南pêng。 | 注释 串珠 字典 原文 典藏 |
4:11 | 希南koh造盘、托á kah碗。Án-ne,希南为所罗门王tī上帝ê殿所做ê工lóng完成。 | 注释 串珠 字典 原文 典藏 |
4:12 | to̍h是两支柱kah hiahê盘,kah柱顶两 个柱斗,kah盖柱顶两 个柱斗ê盘ê网, | 注释 串珠 字典 原文 典藏 |
4:13 | koh有石榴四百粒,安置tī两 个网;每ê网有石榴两chōa,盖tī柱顶两 个柱斗ê盘。 | 注释 串珠 字典 原文 典藏 |
4:14 | Koh造hiahê座kah座顶ê盆, | 注释 串珠 字典 原文 典藏 |
4:15 | 铜海一个kah它下面ê牛十二只。 | 注释 串珠 字典 原文 典藏 |
4:16 | 伊ê老父希南用光iāⁿ-iāⁿ ê铜,kā所罗门王为上主ê殿做盘、托á、肉叉kah ta̍k种ê器具。 | 注释 串珠 字典 原文 典藏 |
4:17 | 王tī约旦河ê平原,疏割kah Cha-le-thàn ê中间,tī黏土ê地铸成ê。 | 注释 串珠 原文 典藏 |
4:18 | Án-ne,所罗门做hiahê一切ê器具真chē,铜ê轻重bē tàng算。 | 注释 串珠 原文 典藏 |
4:19 | 所罗门mā造上主殿内所有ê器具kah金ê坛,kah排列饼hiahê桌, | 注释 串珠 字典 原文 典藏 |
4:20 | 以及纯金ê灯台kah它ê灯,thang照例点tī后殿ê头前。 | 注释 串珠 字典 原文 典藏 |
4:21 | 它ê花、它ê灯kah钳lóng是金ê,koh是足成ê金; | 注释 串珠 字典 原文 典藏 |
4:22 | koh用纯金做剪刀、盘、匙kah火鼎。讲tio̍h厝ê门路,伊ê内面ê至圣所ê门kah厝ê门,to̍h是殿ê门,lóng是金ê。 | 注释 串珠 字典 原文 典藏 |