章节 | 全民台语圣经汉罗经文 | 注释 |
16:1 | In扛上帝ê约柜,hē tī大卫kā它搭ê布棚内,mā献烧祭kah平安祭tī上帝ê面前。 | 注释 串珠 字典 原文 典藏 |
16:2 | 大卫献烧祭kah平安祭了后,to̍h用上主ê名kā人民祝福。 | 注释 串珠 原文 典藏 |
16:3 | Koh分hō͘以色列ê群众,无论男女,ta̍k人hō͘ in一块饼,一块肉kah一块葡萄饼。 | 注释 串珠 字典 原文 典藏 |
16:4 | 大卫派几nā个利未人tī上主ê约柜前服事,来记念感谢,oló上主—以色列ê上帝。 | 注释 串珠 字典 原文 典藏 |
16:5 | 做头ê是亚撒,第二个是撒迦利雅,koh有雅薛、Se-mi-la-mo͘t 、耶悦、玛他提雅、以利押、比拿亚、俄别以东、耶利,弹瑟弹琴,只有亚撒phah大声ê铙钹。 | 注释 串珠 字典 原文 典藏 |
16:6 | 祭司比拿亚kah雅哈悉tiāⁿ-tiāⁿ tī上主ê约柜前pûn鼓吹。 | 注释 串珠 字典 原文 典藏 |
16:7 | Hit日,大卫起头定tio̍h用亚撒kah伊ê兄弟来感谢上主。 | 注释 串珠 原文 典藏 |
16:8 | O-ló ê歌(诗 105:1-15;96:1-13;106:1,47-48)Lín tio̍h感谢上主,求叫他ê名,tī万民ê中间宣扬他ê所做。 | 注释 串珠 原文 典藏 |
16:9 | Tio̍h ǹg他吟诗,ǹg他唱歌oló,谈论他一切奇妙ê所行。 | 注释 串珠 原文 典藏 |
16:10 | Tio̍h因为他ê圣名来夸口;chhōe上主ê人,心内tio̍h欢喜。 | 注释 串珠 原文 典藏 |
16:11 | Tio̍h 走chhōe上主kah他ê权能,tiāⁿ-tiāⁿ chhōe他来见他ê面。 | 注释 串珠 原文 典藏 |
16:12 | 他ê奴仆以色列ê kiáⁿ孙,他所拣雅各ê kiáⁿ孙, | 注释 串珠 原文 典藏 |
16:13 | Lín tio̍h数念他所做奇妙ê tāichì,kah他ê神迹,kah他ê嘴判断ê话。 | 注释 串珠 原文 典藏 |
16:14 | 他是上主—咱ê上帝,全地lóng有他ê判断。 | 注释 串珠 原文 典藏 |
16:15 | Tio̍h记念他ê约,直到永远;他所吩咐ê话,直到万代, | 注释 串珠 原文 典藏 |
16:16 | to̍h是kah亚伯拉罕所立ê约,tùi以撒所chiù ê chōa。 | 注释 串珠 原文 典藏 |
16:17 | 他koh kā chitê约对雅各定tio̍h做律例,对以色列定tio̍h做永远ê约, | 注释 串珠 原文 典藏 |
16:18 | 讲:我ē kā迦南地赏赐hō͘你,做lín产业ê份额。 | 注释 串珠 原文 典藏 |
16:19 | 当时,lín ê人丁有限,数额少少,koh tī hia做出外人; | 注释 串珠 原文 典藏 |
16:20 | in tùi chit族行到hit族,tùi chit国行到别个人民。 | 注释 串珠 原文 典藏 |
16:21 | 他无容允啥人欺负in,为tio̍h in ê缘故谴责君王, | 注释 串珠 原文 典藏 |
16:22 | 讲:M̄-thang摸tio̍h我受抹油ê,mā m̄ thang pháiⁿ款待我ê先知! | 注释 串珠 原文 典藏 |
16:23 | 全地lóng tio̍h ǹg上主唱歌!日日传报他ê救恩。 | 注释 串珠 原文 典藏 |
16:24 | Tī列邦ê中间讲起他ê荣光,Tī 万民ê中间讲起他奇妙ê所做。 | 注释 串珠 原文 典藏 |
16:25 | 因为上主做大,应该受极大ê oló;他tī众神明ê顶面,应该受敬畏。 | 注释 串珠 原文 典藏 |
16:26 | 因为列邦ê神明lóng是虚假,独独上主创造chiahê天。 | 注释 串珠 字典 原文 典藏 |
16:27 | Tī他ê面前有尊贵kah威严,Tī他ê所在有权能kah欢喜。 | 注释 串珠 原文 典藏 |
16:28 | 人民中ê ta̍k族,lín tio̍h kā权能荣光,归hō͘上主,归hō͘上主! | 注释 串珠 原文 典藏 |
16:29 | Kā他ê名所应该得tio̍h ê荣光归hō͘上主,带礼物来到他ê面前;Tio̍h用圣洁ê打扮敬拜上主。 | 注释 串珠 原文 典藏 |
16:30 | 全地tī他ê面前phi̍h-phi̍h chhoah,世界坚固bē摇动。 | 注释 串珠 原文 典藏 |
16:31 | 愿天欢喜,地快乐;tī列邦中tio̍h讲:上主做王! | 注释 串珠 原文 典藏 |
16:32 | 愿海kah其中所充满ê lóng出大声;愿田园kah其中所有ê lóng快乐。 | 注释 串珠 原文 典藏 |
16:33 | Hit时,树林内ê树木ē tī上主ê面前出欢喜ê声,因为他来beh审判全地。 | 注释 串珠 原文 典藏 |
16:34 | Lín tio̍h感谢上主;因为他是好,他ê慈爱永远tī ・leh。 | 注释 串珠 原文 典藏 |
16:35 | Tio̍h讲:拯救阮ê上帝,求祢救阮,聚集阮,救阮脱离列邦ê人,thang hō͘阮祝谢祢ê圣名,掠祢ê受oló做大欢喜。 | 注释 串珠 原文 典藏 |
16:36 | Tio̍h oló上主,以色列ê上帝,tùi永远到永远。人民lóng讲:阿们!koh oló上主。 | 注释 串珠 原文 典藏 |
16:37 | Tī耶路撒冷kah基遍敬拜大卫留亚撒kah伊ê兄弟tī上主ê约柜前,tiāⁿ-tiāⁿ 服事tī约柜前,照ta̍k日ê工所tio̍h做ê。 | 注释 串珠 字典 原文 典藏 |
16:38 | Koh留俄别以东 kah in ê兄弟六十八人,以及耶杜顿ê kiáⁿ俄别以东kah何萨做顾门ê; | 注释 串珠 字典 原文 典藏 |
16:39 | mā留祭司撒督kah伊ê兄弟所有ê祭司,tī基遍koân ê所在,上主ê会幕前; | 注释 串珠 字典 原文 典藏 |
16:40 | thang tī烧祭ê坛顶,ta̍k日早暗献烧祭hō͘上主,照上主命令以色列人ê律法一切所记载ê。 | 注释 串珠 字典 原文 典藏 |
16:41 | kah in做阵ê有希幔、耶杜顿 kah其他受拣选记名ê,thang感谢上主,因为他ê慈爱永远tī ・leh。 | 注释 串珠 原文 典藏 |
16:42 | Kah in做阵ê有希幔kah耶杜顿,是用鼓吹kah铙钹,以及上主ê乐器,来和hiahê唱歌ê。耶杜顿ê kiáⁿ孙是做顾门ê。 | 注释 串珠 字典 原文 典藏 |
16:43 | 就ánne,众人ta̍k人tńg去in ê家;大卫mā tńg去,kā伊ê家祝福。 | 注释 串珠 原文 典藏 |