| 章节 | 全民台语圣经全罗经文 | 注释 |
| 23:1 | Ta-bi̍t Kiù Ke-i-lah SiâⁿŪ lâng pò Ta-bi̍t kóng, " Lí khòaⁿ, Hui-lī-sū lâng phah Ke-i-lah, chhiúⁿ tiūⁿ-tiâⁿ. " | 注释 串珠 卢俊义 字典 原文 典藏 |
| 23:2 | Ta-bi̍t chiū mn̄g Siōng-chú kóng, " Góa thang khì phah hiahê Hui-lī-sū lâng á m̄ thang? " Siōng-chú kā Ta-bi̍t kóng, " Lí thang khì phah Hui-lī-sū lâng, kiù Ke-i-lah. " | 注释 串珠 卢俊义 原文 典藏 |
| 23:3 | Tòe Ta-bi̍t ê lâng kā i kóng, " Lán tī Iô-tah tē chia siōng-chhiáⁿ ū kiaⁿ-hiâⁿ, hô-hòng khì Ke-i-lah phah Hui-lī-sū lâng ê kun-tūi? " | 注释 串珠 卢俊义 原文 典藏 |
| 23:4 | Ta-bi̍t koh mn̄g Siōng-chú, Siōng-chú ìn kóng, " Lí khí-.lâi, lo̍h-khì Ke-i-lah, in-ūi Góa beh kā Hui-lī-sū lâng kau tī lí ê chhiú. " | 注释 串珠 卢俊义 原文 典藏 |
| 23:5 | Ta-bi̍t kah tòe i ê lâng khì Ke-i-lah kah Hui-lī-sū lâng kau-chiàn, chhiúⁿ in ê chengseⁿ, kā in thâi-sí chin chē lâng. Án-ne, Ta-bi̍t chín-kiù tòa tī Ke-i-lah ê jîn-bîn. | 注释 串珠 卢俊义 字典 原文 典藏 |
| 23:6 | A-hi-mé-le̍k ê kiáⁿ A-bi-a-thal cháu-khì-kàu Ke-i-lah kìⁿ Ta-bi̍t ê sî, chhiú-.ni̍h tòa chè-si ho̍k lo̍h-.khì. | 注释 串珠 卢俊义 字典 原文 典藏 |
| 23:7 | Ū lâng kā Sàu-lô kóng, " Ta-bi̍t lâi-kàu Ke-i-lah. " Sàu-lô kóng, " Siōng-chú kā i kau tī góa ê chhiú, in-ūi i ji̍p-khì ū mn̂g koh ū chhòaⁿ ê siâⁿ, ē koaiⁿ tiâu tī hit lāi-bīn. " | 注释 串珠 卢俊义 字典 原文 典藏 |
| 23:8 | Sàu-lô chiū chio-chi̍p chèng lâng beh khì kau-chiàn, lo̍h-khì kàu Ke-i-lah, ûi-khùn Ta-bi̍t kah tòe i ê lâng. | 注释 串珠 卢俊义 原文 典藏 |
| 23:9 | Ta-bi̍t chai-iáⁿ Sàu-lô siat kè-bô͘ beh hāi i, chiū kā A-bi-a-thal kóng, " Lí tòa chè-si ho̍k lâi. " | 注释 串珠 卢俊义 字典 原文 典藏 |
| 23:10 | Ta-bi̍t kóng, " Siōng-chú — I-su-la-el ê Siōng-tè ah, Lí ê lô͘-po̍k khak-si̍t thiaⁿ tio̍h Sàu-lô ài beh lâi Ke-i-lah, beh ūi tio̍h góa ê iân-kò͘ bia̍t chit-ê siâⁿ. | 注释 串珠 卢俊义 原文 典藏 |
| 23:11 | Ke-i-lah lâng beh kā góa kau tī i ê chhiú á-bô? Sàu-lô ē chiàu Lí ê lô͘-po̍k só͘ thiaⁿ tio̍h ê lo̍h-lâi á-bô? Siōng-chú — I-su-la-el ê Siōng-tè ah, kiû Lí chí-sī Lí ê lô͘-po̍k. " Siōng-chú kóng, " Sàu-lô ē lo̍h-.lâi. " | 注释 串珠 卢俊义 原文 典藏 |
| 23:12 | Ta-bi̍t koh mn̄g kóng, " Ke-i-lah lâng kám ē kā góa kah tòe góa ê lâng kau tī Sàu-lô ê chhiú? " Siōng-chú kóng, " In ē kā lí kau hō͘ i. " | 注释 串珠 卢俊义 原文 典藏 |
| 23:13 | Ta-bi̍t kah tòe i ê lâng chha-put-to ū la̍k pah, chiū tùi Ke-i-lah chhut-hoat, khì in só͘ beh khì ê só͘-chāi. Ū lâng kā Sàu-lô kóng, " Ta-bi̍t í-keng tùi Ke-i-lah tô-cháu. " Sàu-lô chiū bô chhut-.khì. | 注释 串珠 卢俊义 原文 典藏 |
| 23:14 | Ta-bi̍t tī Khòng-iáTa-bi̍t tòa tī hong-iá ê siâⁿ-pó, tiāⁿtiāⁿ tī Ji-hu khòng-iá ê soaⁿ-tē. Sàu-lô ta̍k ji̍t chhōe i, chóng-.sī, Siōng-tè bô kā Ta-bi̍t kau tī i ê chhiú tiong. | 注释 串珠 卢俊义 原文 典藏 |
| 23:15 | Ta-bi̍t chai-iáⁿ Sàu-lô í-keng chhut-lâi teh siàu-siūⁿ i ê sèⁿ-miā. Hit sî, Ta-bi̍t tī Ji-hu ê khòng-iá, tòa tī chhiū-nâ lāi. | 注释 串珠 卢俊义 原文 典藏 |
| 23:16 | Sàu-lô ê kiáⁿ Io-ná-than chhut-hoat, khì hit-ê chhiū-nâ lāi kìⁿ Ta-bi̍t, hō͘ i khò Siōng-tè lâi kian-kò͘. | 注释 串珠 卢俊义 原文 典藏 |
| 23:17 | Chiū kā i kóng, " M̄-bián kiaⁿ! Góa ê lāu-pē Sàu-lô ê chhiú chhōe lí bē tio̍h; lí ē chò I-su-la-el ông, góa ē chò lí ê jī-chhiú. Chit-ê tāichì góa ê pē Sàu-lô í-keng chai-iáⁿ " | 注释 串珠 卢俊义 原文 典藏 |
| 23:18 | Chiū ánne, nn̄g lâng tī Siōng-chú ê bīn-chêng kiat iok. Ta-bi̍t tòa chhiū-nâ, Io-ná-than tńg-khì i ê chhù. | 注释 串珠 卢俊义 原文 典藏 |
| 23:19 | Ji-hu lâng chiūⁿ-khì Gi-be-at kìⁿ Sàu-lô, kóng, " Ta-bi̍t kám m̄-sī tòa tī goán hia, bih tī chhiū-nâ lāi ê siâⁿ-pó, tī Iâ-sī-bûn lâm pêng ê Hap-ki-la̍h soaⁿ? | 注释 串珠 卢俊义 原文 典藏 |
| 23:20 | Ông, chhiáⁿ lí chiàu lí ê sim só͘ ì-ài ê lo̍h-.khì, kā i kau tī ông ê chhiú sī goán ê tāichì. " | 注释 串珠 卢俊义 原文 典藏 |
| 23:21 | Sàu-lô kóng, " Goān Siōng-chú sù-hok hō͘ lín, in-ūi lín khó-liân góa. | 注释 串珠 卢俊义 原文 典藏 |
| 23:22 | Chhiáⁿ lín tńg-.khì, koh tāi-seng chún-pī, siông-sè chai, thàm-khòaⁿ i kiâⁿ-ta̍h ê só͘-chāi, siáⁿ lâng khòaⁿ tio̍h i tī hia, in-ūi ū lâng kā góa kóng, i chin káu-koài. | 注释 串珠 卢俊义 原文 典藏 |
| 23:23 | Só͘-í, lín tio̍h cha-khòaⁿ i só͘-ū bih ba̍t ê só͘-chāi, tò tńg-lâi kā si̍t-chêng kā góa kóng, góa chiū beh kah lín khì. I nā tī chit-ê kéng lāi, góa beh tī Iô-tah ê chèng chng-thâu kā i chhōe chhut-.lâi. " | 注释 串珠 卢俊义 原文 典藏 |
| 23:24 | In chiū chhut-hoat, tāi-seng Sàu-lô khì-kàu Ji-hu. Ta-bi̍t kah tòe i ê lâng tòa tī Ma-óng ê khòng-iá, tī Iâ-sī-bûn lâm pêng ê A-la̍h-bah. | 注释 串珠 卢俊义 原文 典藏 |
| 23:25 | Sàu-lô kah tòe i ê lâng khì chhōe i; ū lâng kā Ta-bi̍t kóng, i chiū lo̍h-khì kàu chio̍h-pôaⁿ, tòa tī Ma-óng ê khòng-iá. Sàu-lô thiaⁿ-.tio̍h, chiū tī Ma-óng ê khòng-iá jiok Ta-bi̍t. | 注释 串珠 卢俊义 原文 典藏 |
| 23:26 | Sàu-lô kiâⁿ tī soaⁿ ê chit pêng, Ta-bi̍t kah tòe i ê lâng kiâⁿ tī soaⁿ ê hit-peng. Ta-bi̍t kín-kip kiâⁿ, siám-phiah tī Sàu-lô ê bīn-chêng, in-ūi Sàu-lô kah tòe i ê lâng teh sì-bīn ûi Ta-bi̍t kah tòe i ê lâng, beh lia̍h in. | 注释 串珠 卢俊义 原文 典藏 |
| 23:27 | Ū sù-chiá lâi pò Sàu-lô kóng, " Lí tio̍h kóaⁿ-kín tńg-.lâi, in-ūi Hui-lī-sū lâng chhim-hoān lán ê kéng-kài. " | 注释 串珠 卢俊义 原文 典藏 |
| 23:28 | Chiū ánne, Sàu-lô bô koh jiok Ta-bi̍t, tńg-khì tí-te̍k Hui-lī-sū lâng. In-ūi ánne, hit-ê só͘-chāi ê miâ kiò-chò Se-la̍h-hap-má-hi-lô-kiat（ Chù, Hi-bú-lâi bûn hoat-im, ì-sù sī, " Keh-lī ê chio̍h-pôaⁿ ". ）. | 注释 串珠 卢俊义 原文 典藏 |
| 23:29 | Ta-bi̍t tùi hia chiūⁿ-.khì, tòa tī Ian-ge-tih ê siâⁿ-pó. | 注释 串珠 卢俊义 原文 典藏 |