| 章节 | 全民台语圣经全罗经文 | 注释 |
| 4:1 | Bô-oh-chuh Chhōa Lù-thuhBô-oh-chuh chiūⁿ-kàu siâⁿ mn̂g, chē tī hia, tú-hó Bô-oh-chuh só͘ kóng hit-ê chhin-cho̍k tùi hia kòe. I chiū tùi hit-ê lâng kóng, " Bó͘ lâng, chhiáⁿ lí oat-lâi chia chē. " I chiū oat-khì hia chē. | 注释 串珠 康来昌 字典 原文 典藏 |
| 4:2 | Bô-oh-chuh koh tùi pún-siâⁿ ê tiúⁿ-ló tiong kiò cha̍p-ê lâng lâi, kā in kóng, " Chhiáⁿ lín tòa chia chē. " In chiū chē lo̍h-.lâi. | 注释 串珠 康来昌 原文 典藏 |
| 4:3 | Bô-oh-chuh tùi hit-ê chì-chhin kóng, " Tùi Mô͘-ap tē tńg-.lâi ê Na-o-mih, taⁿ beh bē i hit hūn ê hn̂g, sī pún-lâi sio̍k lán ê a-hiaⁿ E-li-me-le̍k ê; | 注释 串珠 康来昌 原文 典藏 |
| 4:4 | Góa ê ì-sù sī beh thong-ti lí kóng, tio̍h tī chiahê chē-.leh ê lâng ê bīn-chêng kah góa ê jîn-bîn ê tiúⁿ-ló ê bīn-chêng kóng hō͘ bêng, lí nā beh sio̍k, chiū kā i sio̍k-hôe; lí nā m̄-sio̍k, chiū kóng hō͘ góa chai, in-ūi lí í-gōa bô pa̍t lâng thang kā i sio̍k-hôe; pâi tē-jī ê to̍h-sī góa. " I ìn kóng, " Góa beh kā i sio̍k-hôe. " | 注释 串珠 康来昌 原文 典藏 |
| 4:5 | Bô-oh-chuh kóng, " Lí tùi Na-o-mih ê chhiú bé hit hūn hn̂g ê ji̍t, mā tio̍h chhōa sí-lâng ê bo͘ — Mô͘-ap ê chabó͘ kiáⁿ Lù-thuh, thang lâi kiàn-li̍p sí-lâng ê miâ tī i ê sán-gia̍p. " | 注释 串珠 康来昌 原文 典藏 |
| 4:6 | Hitê chì-chhin ê kóng, " Góa bē tàng sio̍k i, khióng-kiaⁿ ē gāi tio̍h góa kakī ê sán-gia̍p. Góa sio̍k gia̍p ê koân, lí thang chò lí the̍h-.khì, in-ūi góa bē tàng kā i sio̍k-hôe. " | 注释 串珠 康来昌 原文 典藏 |
| 4:7 | Chá-chêng tī I-su-la-el tiong, nā beh koat-tēng siáⁿ-mi̍h sū, á-.sī sio̍k-hôe, á-.sī kau-ōaⁿ, chi̍t-ê lâng tio̍h thǹg ê hō͘ lēng-gōa hit-ê lâng. I-su-la-el lâng lóng ēng chit-ê chò chèng-kì. | 注释 串珠 康来昌 字典 原文 典藏 |
| 4:8 | Hitê chì-chhin tùi Bô-oh-chuh kóng, " Lí kā i bé khí-.lâi. " I chiū thǹg kakī ê ê. | 注释 串珠 康来昌 字典 原文 典藏 |
| 4:9 | Bô-oh-chuh kā tiúⁿ-ló kah chèng lâng kóng, " Lín kin-á-ji̍t chò kiàn-chèng, kiàn-nā sio̍k E-li-me-le̍k, kiàn-nā sio̍k Ki-liân, Má-lûn ê, góa lóng tùi Na-o-mih ê chhiú bé-.lâi. | 注释 串珠 康来昌 原文 典藏 |
| 4:10 | Góa koh chhōa Má-lûn ê bó͘ — Mô͘-ap ê chabó͘ kiáⁿ Lù-thuh chò góa ê bó͘, thang kiàn-li̍p sí-lâng ê miâ tī i ê sán-gia̍p, hō͘ sí-lâng ê miâ bô tī i ê hiaⁿ-tī tiong kah i ê pún-siâⁿ tn̄g-choa̍t. Lín kin-á-ji̍t chò kiàn-chèng. " | 注释 串珠 康来昌 字典 原文 典藏 |
| 4:11 | Tī siâⁿ mn̂g teh chē hiahê chèng lâng kah tiúⁿ-ló kóng, " Goán chò kiàn-chèng, goān Siōng-chú hō͘ ji̍p lí ê ke ê chabó͘ lâng, chhin-chhiūⁿ kiàn-li̍p I-su-la-el ê chú-bîn — La̍h-khel kah Le-ah nn̄g lâng. Koh goān lí tī E-hu-la̍t chò hô-kia̍t, tī Bia̍t-lé-hèm chò ū miâ-siaⁿ ê lâng. | 注释 串珠 康来昌 字典 原文 典藏 |
| 4:12 | Mā goān lí ê ke tùi Siōng-chú chiá tio̍h chit-ê chabó͘ kiáⁿ só͘ beh siúⁿ-sù hō͘ lí ê kiáⁿ-sun, chiâⁿ-chò chhin-chhiūⁿ Tha-mal kā Iô-tah só͘ seⁿ ê Hoa-lè-suh ê ke. " | 注释 串珠 康来昌 原文 典藏 |
| 4:13 | Bô-oh-chuh kah I ê Kiáⁿ-sunChiū ánne, Bô-oh-chuh chhōa Lù-thuh chò bó͘ kah i tâng-pâng liáu-āu, Siōng-chú hō͘ i hoâi-īn seⁿ chi̍t-ê kiáⁿ. | 注释 串珠 康来昌 原文 典藏 |
| 4:14 | Hiahê chabó͘ lâng tùi Na-o-mih kóng, " Siōng-chú sī eng-kai oló ê, in-ūi I kin-á-ji̍t bô pàng-sak lí, tì-sú lí bô chì-chhin ê lâng. Goān chit-ê gín'á tī I-su-la-el tiong tit tio̍h miâ-siaⁿ. | 注释 串珠 康来昌 原文 典藏 |
| 4:15 | I ē hôe-ho̍k lí ê cheng-eng, hōng-ióng lí ê nî lāu, in-ūi seⁿ i ê, to̍h-sī lí hit-ê thiàⁿ lí ê sim-pū; tùi lí lâi kóng, pí chhit-ê kiáⁿ iáu khah hó ê! " | 注释 串珠 康来昌 原文 典藏 |
| 4:16 | Na-o-mih phō hit-ê gín'á, hē tī i ê heng chêng, chhin-chhiūⁿ lāu-bú teh kā i io. | 注释 串珠 康来昌 原文 典藏 |
| 4:17 | Chhù-piⁿ hiahê chabó͘ lâng chiū kā i hō-miâ, kóng, " Na-o-mih ū tit tio̍h gín'á à! " Chiū kā i hō-miâ kiò-chò O͘-biat; i sī I-é-sái ê lāu-pē, I-é-sái sī Ta-bi̍t ê lāu-pē. | 注释 串珠 康来昌 原文 典藏 |
| 4:18 | Hoa-lè-suh ê kiáⁿ-sun kì tī ē-té: Hoa-lè-suh seⁿ He-chú-lóng; | 注释 串珠 康来昌 原文 典藏 |
| 4:19 | He-chú-lóng seⁿ Lâm, Lâm seⁿ A-mí-ná-tap; | 注释 串珠 康来昌 原文 典藏 |
| 4:20 | A-mí-ná-tap seⁿ Ná-sòng, Ná-sòng seⁿ Sal-mòng; | 注释 串珠 康来昌 原文 典藏 |
| 4:21 | Sal-mòng seⁿ Bô-oh-chuh, Bô-oh-chuh seⁿ O͘-biat; | 注释 串珠 康来昌 原文 典藏 |
| 4:22 | O͘-biat seⁿ I-é-sái, I-é-sái seⁿ Ta-bi̍t. | 注释 串珠 康来昌 原文 典藏 |