| 章节 | 全民台语圣经全罗经文 | 注释 |
| 26:1 | Hōng-hiàn Lông-sán-bu̍t" Lí lâi-kàu Siōng-chú — lí ê Siōng-tè só͘ siúⁿ-sù hō͘ lí chò sán-gia̍p ê tē, sêng-chiap lâi tòa tī hia, | 注释 串珠 卢俊义 康来昌 原文 典藏 |
| 26:2 | chiū tio̍h tùi Siōng-chú — lí ê Siōng-tè siúⁿ-sù hō͘ lí ê tē, kā só͘ siu-sêng ta̍k hāng khí-thâu se̍k ê lông-sán-bu̍t, the̍h tām-po̍h, hē tī kheng-.ni̍h, khì Siōng-chú — lí ê Siōng-tè só͘ beh kéng-soán an-tì I ê miâ ê só͘-chāi. | 注释 串珠 卢俊义 康来昌 字典 原文 典藏 |
| 26:3 | Τio̍h khì kìⁿ tong-sî chò chè-si ê, kā i kóng, ' Góa kin-á-ji̍t tùi Siōng-chú — lí ê Siōng-tè kóng bêng, góa í-keng lâi-kàu Siōng-chú tùi lán ê chó͘-sian chiùchōa siúⁿ-sù hō͘ lán ê tē. ' | 注释 串珠 卢俊义 康来昌 原文 典藏 |
| 26:4 | " Chè-si chiū tùi lí ê chhiú chiap hit kheng, lâi hē tī Siōng-chú — lí ê Siōng-tè ê tôaⁿ chêng. | 注释 串珠 卢俊义 康来昌 字典 原文 典藏 |
| 26:5 | Lí tio̍h tī Siōng-chú — lí ê Siōng-tè ê bīn-chêng kóng, ' Góa ê chó͘-sian sī chi̍t-ê teh beh sí ê A-lâm lâng, lo̍h-khì Ai-gi̍p tī hia kià-kha. Lâng-gia̍h chió-chió tī hia chiâⁿ-chò chi̍t-ê tōa koh kiông ê kok, lâng-gia̍h koh chē. | 注释 串珠 卢俊义 康来昌 原文 典藏 |
| 26:6 | Ai-gi̍p lâng pháiⁿ khoán-thāi goán, kā goán khó͘-to̍k, kiò goán chò khó͘-kang. | 注释 串珠 卢俊义 康来昌 原文 典藏 |
| 26:7 | Τùi hit sî khí, goán ai-kiû Siōng-chú — goán chó͘-sian ê Siōng-tè, Siōng-chú ū thiaⁿ tio̍h goán ê siaⁿ, khòaⁿ tio̍h goán ê thòng-khó͘, goán ê lô-khó͘, goán ê siū ap-pek, | 注释 串珠 卢俊义 康来昌 原文 典藏 |
| 26:8 | Siōng-chú chiū ēng tōa koân-lêng ê chhiú, kah chhun-chhut ê chhiú-kut, kah tōa koh thang kiaⁿ ê tāichì, kah sîn-jiah, kî-sū, chhōa goán chhut Ai-gi̍p, | 注释 串珠 卢俊义 康来昌 原文 典藏 |
| 26:9 | koh chhōa goán lâi-kàu chit só͘-chāi, kā chit-ê tē siúⁿ-sù hō͘ goán, to̍h-sī lâu leng kah bi̍t ê tē. | 注释 串珠 卢俊义 康来昌 原文 典藏 |
| 26:10 | Lí khòaⁿ, chit-ê tē khí-thâu se̍k ê, Siōng-chú ah, Lí só͘ siúⁿ-sù góa ê, góa taⁿ í-keng tòa-.lâi. ' " Αū-lâi lí tio̍h kā i hē tī Siōng-chú — lí ê Siōng-tè ê bīn-chêng, tī Siōng-chú — lí ê Siōng-tè ê bīn-chêng, kā I kèng-pài. | 注释 串珠 卢俊义 康来昌 原文 典藏 |
| 26:11 | Lí kah Lē-bī lâng, í-ki̍p lín tiong-kan ê chhut-gōa lâng, tio̍h in-ūi Siōng-chú — lí ê Siōng-tè só͘ siúⁿ-sù hō͘ lí kah lí ê ka-koàn it-chhè ê hok-hūn lâi hoaⁿ-hí. | 注释 串珠 卢俊义 康来昌 原文 典藏 |
| 26:12 | " Ta̍k pái kàu tē-saⁿ nî, to̍h-sī cha̍p hūn thiu chi̍t hūn ê nî, lí thiu só͘-ū lông-sán-bu̍t ê cha̍p-hūn chi-it, pun hō͘ Lē-bī lâng, chhut-gōa lâng kah ko͘-jî, kóaⁿ-hū, hō͘ in tī lí ê siâⁿ mn̂g, thang tit tio̍h chia̍h pá. | 注释 串珠 卢俊义 康来昌 字典 原文 典藏 |
| 26:13 | Lí koh tio̍h tī Siōng-chú — lí ê Siōng-tè ê bīn-chêng, kóng, ' Góa í-keng tùi góa ê chhù the̍h-chhut sèng-mi̍h, koh hō͘ Lē-bī lâng, chhut-gōa lâng kah ko͘-jî, kóaⁿ-hū, sī chiàu lí só͘ bēng-lēng góa it-chhè ê kài-bēng. Lí ê kài-bēng góa lóng bô hoān-.tio̍h, mā bô bē kì-.tit. | 注释 串珠 卢俊义 康来昌 原文 典藏 |
| 26:14 | Ki-song ê sî, góa m̄ bat chia̍h hiahê sèng-mi̍h; bô chheng-khì ê sî, góa mā m̄ bat the̍h khí-lâi chia̍h, mā bô ēng lâi chò tùi sí-lâng ê chè-mi̍h. Góa chun-thàn Siōng-chú — góa ê Siōng-tè ê ōe, lóng sī chiàu Lí it-chhè só͘ bēng-lēng góa ê lâi kiâⁿ. | 注释 串珠 卢俊义 康来昌 原文 典藏 |
| 26:15 | Kiû Lí tùi thiⁿ-téng, tùi Lí tòa ê sèng-só͘, àⁿ lo̍h-lâi khòaⁿ, sù-hok Lí ê chú-bîn — I-su-la-el lâng kah Lí só͘ siúⁿ-sù hō͘ goán ê tē, chiàu Lí só͘ tùi goán ê chó͘-sian chiùchōa ê, to̍h-sī lâu leng kah bi̍t ê tē. '" | 注释 串珠 卢俊义 康来昌 原文 典藏 |
| 26:16 | Siōng-chú Sèng-kiat ê Chú-bîn" Kin-á-ji̍t, Siōng-chú — lí ê Siōng-tè bēng-lēng lí kiâⁿ chiahê lu̍t-lē kah hoat-tō͘, só͘-í, lí tio̍h chīn-sim chīn-sèng chip-siú, lâi chiàu ánne kiâⁿ. | 注释 串珠 卢俊义 康来昌 原文 典藏 |
| 26:17 | Kin-á-ji̍t, lí sêng-jīn Siōng-chú chò lí ê Siōng-tè, it-tēng ē kiâⁿ I ê tō-lō͘, siú I ê lu̍t-lē, kài-bēng kah hoat-tō͘, chun-thàn I ê ōe. | 注释 串珠 卢俊义 康来昌 字典 原文 典藏 |
| 26:18 | Siōng-chú kin-á-ji̍t mā sêng-jīn lí chò I kakī te̍k-pia̍t ê chú-bîn, chiàu I só͘ èng-ín lí ê, hō͘ lí siú I it-chhè ê kài-bēng, | 注释 串珠 卢俊义 康来昌 原文 典藏 |
| 26:19 | koh hō͘ lí tī êng-kng, miâ-siaⁿ, chun-kùi, pôaⁿ-kòe I só͘ chhòng-chō bān-kok ê jîn-bîn, hō͘ lí kui tī Siōng-chú — lí ê Siōng-tè, chò sèng-kiat ê chú-bîn, chiàu I só͘ kóng ê. " | 注释 串珠 卢俊义 康来昌 原文 典藏 |