| 章节 | 全民台语圣经全罗经文 | 注释 |
| 13:1 | Thàm-á Khì Thàm Ka-nân Tē( SBK 1: 19-33)Siōng-chú hoan-hù Mô͘-se kóng, | 注释 串珠 康来昌 原文 典藏 |
| 13:2 | " Lí tio̍h chhe lâng khì thàm-khòaⁿ Góa só͘ sù hō͘ I-su-la-el lâng ê Ka-nân tē, tio̍h tùi in chó͘-sian ta̍k chi-cho̍k tiong-kan kok chhe chi̍t-ê lâng, lóng sī tī in tiong-kan chò siú-léng ê. " | 注释 串珠 康来昌 原文 典藏 |
| 13:3 | Mô͘-se chiū chiàu Siōng-chú ê bēng-lēng, tùi Pa-lân ê khòng-iá chhe in khì, in lóng sī I-su-la-el lâng ê cho̍k-tiúⁿ. | 注释 串珠 康来昌 原文 典藏 |
| 13:4 | In ê miâ kì tī ē-té: sio̍k Lū-biān ê chi-cho̍k, Cha̍k-khul ê kiáⁿ Siam-mu-ah. | 注释 串珠 康来昌 原文 典藏 |
| 13:5 | Sio̍k Si-miān ê chi-cho̍k, Hô-lī ê kiáⁿ Sia-hoat. | 注释 串珠 康来昌 原文 典藏 |
| 13:6 | Sio̍k Iô-tah ê chi-cho̍k, E-hun-neh ê kiáⁿ Ka-le̍p. | 注释 串珠 康来昌 原文 典藏 |
| 13:7 | Sio̍k It-sa-kal ê chi-cho̍k, Iô-sé-huh ê kiáⁿ Í-ka. | 注释 串珠 康来昌 原文 典藏 |
| 13:8 | Sio̍k E-hu-laim ê chi-cho̍k, Nùn ê kiáⁿ Hô-se-a. | 注释 串珠 康来昌 原文 典藏 |
| 13:9 | Sio̍k Biān-iá-mín ê chi-cho̍k, La̍h-hu ê kiáⁿ Phàⁿ-thê. | 注释 串珠 康来昌 原文 典藏 |
| 13:10 | Sio̍k Che-bú-lông ê chi-cho̍k, So-tí ê kiáⁿ Ka-tia̍p. | 注释 串珠 康来昌 原文 典藏 |
| 13:11 | Sio̍k Má-ná-se ê chi-cho̍k, Chu-ji ê kiáⁿ Ga̍t-tí. | 注释 串珠 康来昌 原文 典藏 |
| 13:12 | Sio̍k Tàn ê chi-cho̍k, Ga-má-lī ê kiáⁿ Am-mí-el. | 注释 串珠 康来昌 原文 典藏 |
| 13:13 | Sio̍k A-sel ê chi-cho̍k, Mî-khá-el ê kiáⁿ Se-thiap. | 注释 串珠 康来昌 原文 典藏 |
| 13:14 | Sio̍k Ná-hu-tha-lím ê chi-cho̍k, Po̍k-se ê kiáⁿ Ná-pí. | 注释 串珠 康来昌 原文 典藏 |
| 13:15 | Sio̍k Ga̍t ê chi-cho̍k, Má-ki ê kiáⁿ Kiū-lī. | 注释 串珠 康来昌 原文 典藏 |
| 13:16 | Chiahê to̍h-sī Mô͘-se só͘ chhe khì thàm-khòaⁿ hit-ê tē ê lâng ê miâ. Mô͘-se chiū chheng Nùn ê kiáⁿ Hô-se-a chò Io-siú-ah. | 注释 串珠 康来昌 原文 典藏 |
| 13:17 | Mô͘-se chhe in khì thàm-khòaⁿ Ka-nân tē, tùi in kóng, " Lín tùi chit-ê lâm-hong chiūⁿ-.khì, sòa peh-chiūⁿ in ê soaⁿ, | 注释 串珠 康来昌 原文 典藏 |
| 13:18 | khòaⁿ hit-ê tē án-chóaⁿ, kî-tiong só͘ tòa ê jîn-bîn sī kiông á-.sī jio̍k, sī chió á-.sī chē. | 注释 串珠 康来昌 原文 典藏 |
| 13:19 | Só͘ tòa ê tē sī siáⁿ-mi̍h khoán, sī hó á-.sī pháiⁿ; só͘ tòa ê só͘-chāi siáⁿ-mi̍h khoán, sī iâⁿ-pâng á-.sī kian-kò͘ ê siâⁿ. | 注释 串珠 康来昌 原文 典藏 |
| 13:20 | Koh khòaⁿ hit-ê thó͘-tē án-chóaⁿ, sī pûi á-.sī sán, hit tiong-kan ū chhiū-ba̍k á-bô. Lín tio̍h hó-táⁿ, kā hit só͘-chāi ê kóe-chí tòa kóa-á tńg-.lâi. "（Hit sî, tú-á sī phû-tô khí-thâu se̍k ê sî. ） | 注释 串珠 康来昌 字典 原文 典藏 |
| 13:21 | In chiū khì thàm-khòaⁿ hit-ê tē, tùi Chîn ê khòng-iá kàu Le-hap, kàu ji̍p Ha-mat ê lō͘-kháu. | 注释 串珠 康来昌 原文 典藏 |
| 13:22 | In tùi lâm-hong chiūⁿ-.khì, kàu He-bú-lông; tī hia ū A-lap cho̍k ê lâng A-hi-mān, Sī-su, That-mái. ( He-bú-lông siâⁿ khí-chō pí Ai-gi̍p ê Chó-an siâⁿ khah chá chhit nî. ) | 注释 串珠 康来昌 原文 典藏 |
| 13:23 | In lâi-kàu E-si-kol ê soaⁿ-kok, tùi hia chhò phû-tô chhiū chi̍t ki, téng-bīn ū chi̍t pha phû-tô, nn̄g lâng ēng kǹg-á lâi kng, koh tòa kóa-á sia̍h-liû kah bû-hoa-kó lâi. | 注释 串珠 康来昌 字典 原文 典藏 |
| 13:24 | In-ūi I-su-la-el lâng tùi hia chhò chi̍t pha phû-tô, hit só͘-chāi chiah hō-chò E-si-kol ê soaⁿ-kok. | 注释 串珠 康来昌 原文 典藏 |
| 13:25 | In thàm-khòaⁿ hit-ê tē-sì-cha̍p kang chiah tńg-.lâi. | 注释 串珠 康来昌 原文 典藏 |
| 13:26 | Kàu Pa-lân ê khòng-iá ê Ka-té-si, kìⁿ tio̍h Mô͘-se, A-lông kah I-su-la-el ê hōe-chiòng, hôe-hok in kah choân hōe-chiòng, koh ēng hit só͘-chāi ê kóe-chí hō͘ in khòaⁿ. | 注释 串珠 康来昌 原文 典藏 |
| 13:27 | Koh kā i kóng, " Goán kàu lí só͘ chhe goán khì ê tē, kó-jiân sī lâu leng kah bi̍t ê tē, che to̍h-sī hit-ê tē ê kóe-chí. | 注释 串珠 康来昌 原文 典藏 |
| 13:28 | Chóng-.sī, hit só͘-chāi ê jîn-bîn ióng-chòng, siâⁿ mā kian-kò͘ koh khoah-tōa, goán tī hia mā khòaⁿ tio̍h A-lap cho̍k. | 注释 串珠 康来昌 原文 典藏 |
| 13:29 | A-má-le̍k lâng tòa tī lâm-hong, Hiat lâng, I-é-bú-suh lâng kah A-mô͘-lī lâng, tòa tī soaⁿ-tē, Ka-nân lâng tòa tī hái piⁿ kah Iol-tàn hô piⁿ. " | 注释 串珠 康来昌 原文 典藏 |
| 13:30 | Ka-le̍p tī Mô͘-se ê bīn-chêng an-ùi jîn-bîn, kóng, " Lán tio̍h chek-sî khì, thang lâi tit tio̍h hit só͘-chāi, lán ū kàu-gia̍h ê la̍t, ē khah iâⁿ in. " | 注释 串珠 原文 典藏 |
| 13:31 | To̍k-to̍k hiahê kah i chiūⁿ-khì ê lâng kóng, " Lán bē tàng chiūⁿ-khì kong-kek hiahê jîn-bîn, in-ūi in pí lán khah ióng-chòng. " | 注释 串珠 原文 典藏 |
| 13:32 | In hiahê lâng lūn só͘ thàm-khòaⁿ ê tē, tùi I-su-la-el lâng pò pháiⁿ siau-sit, kóng, " Goán só͘ keng-kòe thàm-khòaⁿ ê tē, sī thun-chia̍h hiahê tòa tī hia ê jîn-bîn ê tē, goán tī hia só͘ khòaⁿ-.tio̍h ê jîn-bîn lóng chin tōa-hàn. | 注释 串珠 原文 典藏 |
| 13:33 | Goán tī hia khòaⁿ tio̍h A-lap cho̍k lâng, to̍h-sī tōa-hàn lâng, in sī tōa-hàn lâng ê kiáⁿ-sun. Chiàu goán khòaⁿ kakī ná chhin-chhiūⁿ chháu-meh, chiàu in khòaⁿ goán mā sī ánne. " | 注释 串珠 字典 原文 典藏 |