| 章节 | 全民台语圣经全罗经文 | 注释 |
| 20:1 | Chit-būn I-é-su ê Koân-pèng( Mt 21: 23-27; Mk 11: 27-33)Ū chi̍t ji̍t, I-é-su tī sèng-tiān kà-sī lâng koh thoân hok-im ê sî, hiahê chè-si-tiúⁿ, keng-ha̍k kàu-su kah tiúⁿ-ló chò-hóe lâi, | 注释 串珠 字典 原文 典藏 |
| 20:2 | Mn̄g I-é-su kóng, " Lí tio̍h kā goán kóng, Lí sī khò siáⁿ-mi̍h koân-pèng lâi chò chiahê tāichì? Sī siáⁿ lâng hō͘ Lí chit-ê koân-pèng? " | 注释 串珠 原文 典藏 |
| 20:3 | I-é-su ìn kóng, " Góa mā beh mn̄g lín chi̍t kù ōe, lín tio̍h kā góa ìn-tap. | 注释 串珠 原文 典藏 |
| 20:4 | Iô-há-neh kā lâng sé-lé ê koân-pèng sī tùi thiⁿ á-.sī tùi lâng lâi ê? " | 注释 串珠 原文 典藏 |
| 20:5 | In hō͘-siong gī-lūn kóng, " Lán nā kóng ' Tùi thiⁿ', ánne I ē kóng ' Lín ná ē bô beh sìn Iô-há-neh? ' | 注释 串珠 原文 典藏 |
| 20:6 | Lán nā kóng ' Tùi lâng', jîn-bîn lóng ē ēng chio̍h-thâu tìm lán, in-ūi chèng lâng lóng chhim-sìn Iô-há-neh sī sian-ti. " | 注释 串珠 原文 典藏 |
| 20:7 | Só͘-í, in ìn kóng, " Goán m̄-chai sī tùi tó-ūi lâi ê. " | 注释 串珠 原文 典藏 |
| 20:8 | I-é-su kā in kóng, " Án-ne, góa mā bô beh kā lín kóng góa sī khò siáⁿ-mi̍h koân-pèng lâi chò chiahê tāichì. " | 注释 串珠 原文 典藏 |
| 20:9 | Pháiⁿ Chhân-tiān ê Phì-jū( Mt 21: 33-46; Mk 12: 1-12)I-é-su koh ēng chi̍t-ê phì-jū tùi chèng lâng kóng, " Ū chi̍t-ê lâng khai-khún chi̍t khu phû-tô hn̂g, cho͘ hō͘ chhân-tiān, chiū chhut-gōa chin kú. | 注释 串珠 字典 原文 典藏 |
| 20:10 | Kàu siu-sêng ê kî, hn̂g-chú chhe chi̍t-ê lô͘-po̍k khì chhōe chhân-tiān, beh tùi in siu hn̂g-cho͘ ê kóe-chí; chóng-.sī, chhân-tiān phah hit-ê lô͘-po̍k, hō͘ i khang-chhiú tńg-.khì. | 注释 串珠 字典 原文 典藏 |
| 20:11 | Hn̂g-chú koh chhe pa̍t-ê lô͘-po̍k khì, chhân-tiān kāng-khoán kā i phah, koh kā i bú-jio̍k, iū-koh hō͘ i khang-chhiú tńg-.khì. | 注释 串珠 原文 典藏 |
| 20:12 | Hn̂g-chú koh chhe tē-saⁿ ê lô͘-po̍k khì, hiahê chhân-tiān mā sī kā i phah-siong, koh kā i kóaⁿ chhut-.khì. | 注释 串珠 原文 典藏 |
| 20:13 | Āu-lâi, hn̂g-chú kóng, ' Taⁿ góa tio̍h án-chóaⁿ chò chiah hó? Góa beh chhe góa só͘ thiàⁿ ê kiáⁿ khì. In tāi-khài ē kā i chun-tiōng. ' | 注释 串珠 字典 原文 典藏 |
| 20:14 | M̄ koh, chhân-tiān khòaⁿ tio̍h hn̂g-chú ê kiáⁿ lâi, chiū hō͘-siong chham-siông kóng, ' Chit-ê sī beh sêng-chiap hn̂g-chú châi-sán ê kiáⁿ, lán lâi kā i thâi-sí, ánne, chiahê châi-sán chiū piàn-chò lán ê. ' | 注释 串珠 原文 典藏 |
| 20:15 | In chiū kā i hiat chhut-khì hn̂g-gōa, koh kā i thâi-sí. Hn̂g-chú beh án-chóaⁿ lâi kā in chhù-lí? | 注释 串珠 字典 原文 典藏 |
| 20:16 | Hn̂g-chú ē lâi kā hiahê chhân-tiān châu-bia̍t, kā i ê hn̂g cho͘ hō͘ pa̍t lâng. " In thiaⁿ tio̍h chiahê ōe liáu-āu chiū kóng, " Chhian-bān m̄ thang ánne. " | 注释 串珠 字典 原文 典藏 |
| 20:17 | I-é-su ba̍k-chiu kim-kim kā in khòaⁿ, kóng, " Ū kì-chài, sai-hū só͘ khì-sak ê chio̍h, chiâⁿ-chò chhù-kak-thâu ê ki-chio̍h. (chù, SPh 118:22) Chit-kù ōe sī siáⁿ-mi̍h ì-sù? | 注释 串珠 字典 原文 典藏 |
| 20:18 | Só͘-ū poa̍h lo̍h-khì hit tè chio̍h-thâu téng ê lâng lóng ē chhùi-kut hún-si, hō͘ hit tè chio̍h-thâu teh tio̍h ê lâng lóng ē chhùi-kô͘-kô͘. " | 注释 串珠 原文 典藏 |
| 20:19 | Hit sî, hiahê keng-ha̍k kàu-su kah chè-si-tiúⁿ chai I-é-su chit-ê phì-jū sī teh chí in, chiū ài beh tong-tiûⁿ hē chhiú lia̍h I-é-su, m̄ koh, in kiaⁿ chèng lâng. | 注释 串珠 原文 典藏 |
| 20:20 | Siat-kè Hām-hāi I-é-su( Mt 22: 12-22; Mk 12: 13-17)In chiū chhōe ki-hōe, phài bi̍t-thàm ké-chò gī lâng, beh chhńg I-é-su ê ōe-phāng, thang kā I kau hō͘ chóng-tok lâi e-hoat pān-lí. | 注释 串珠 原文 典藏 |
| 20:21 | Chiahê bi̍t-thàm lâi mn̄g I-é-su kóng, " Lāu-su ah, goán chai Lí só͘ kóng só͘ kà-sī ê sī chèng-ti̍t, Lí mā bô khòaⁿ lâng ê bīn-sek, to̍h-sī tiong-si̍t kà-sī Siōng-tè ê tō-lí. | 注释 串珠 字典 原文 典藏 |
| 20:22 | Goán la̍p-sòe hō͘ Lô-má ê hông-tè, ū ha̍h lán ê lu̍t-hoat á-bô? " | 注释 串珠 原文 典藏 |
| 20:23 | M̄ koh, I-é-su khòaⁿ-chhut in ê kúi-kè, chiū tùi in kóng, | C注释 注释 串珠 原文 典藏 |
| 20:24 | " The̍h chi̍t-ê gîn-á hō͘ góa khòaⁿ. Chit-ê siōng kah jī-hō sī siáⁿ lâng ê? " In kóng, " Sī Lô-má hông-tè ê. " | 注释 串珠 字典 原文 典藏 |
| 20:25 | I-é-su chiū tùi in kóng, " Án-ne, lín tio̍h kā hông-tè ê mi̍h la̍p hō͘ hông-tè, kā Siōng-tè ê mi̍h la̍p hō͘ Siōng-tè. " | 注释 串珠 原文 典藏 |
| 20:26 | In tī chèng lâng ê bīn-chêng bē tàng chhńg tio̍h I-é-su ê ōe-phāng, koh tùi I ê ìn-tap chin tio̍h-kiaⁿ, chiū ánne tiām-khì. | 注释 串珠 原文 典藏 |
| 20:27 | Sí-lâng Koh-oa̍h ê Būn-tê( Mt 22: 23-33; Mk 12: 18-27)Ū chi̍t-kóa chú-tiuⁿ lâng sí-liáu bô koh-oa̍h ê Sat-to-kai phài ê lâng lâi mn̄g I-é-su, kóng, | 注释 串珠 原文 典藏 |
| 20:28 | " Lāu-su ah, Mô͘-se kā goán kui-tēng, nā ū lâng ê a-hiaⁿ sí-.khì, bó͘ iáu tī-.leh, m̄ koh, bô seⁿ kiáⁿ, i ê sió-tī tio̍h chhōa hit-ê hiaⁿ-só lâi chò bó͘, thang seⁿ kiáⁿ lâi thè a-hiaⁿ thoân-chong chiap-tāi. (chù, SBK 25:5; CSK38:8) | 注释 串珠 原文 典藏 |
| 20:29 | Bat ū chhit-ê hiaⁿ-tī, tōa ê chhōa bó͘, bô kiáⁿ chiū sí-.khì. | 注释 串珠 原文 典藏 |
| 20:30 | Tē-jī-ê, tē-saⁿ-ê mā lóng chhōa hit-ê hiaⁿ-só. | 注释 串珠 原文 典藏 |
| 20:31 | Chhit-ê lóng ánne, bô seⁿ kiáⁿ chiū sí-.khì. | 注释 串珠 原文 典藏 |
| 20:32 | Āu-lâi, hit-ê hū-jîn-lâng mā sí-.khì. | 注释 串珠 原文 典藏 |
| 20:33 | Án-ne, tī koh-oa̍h ê sî, chit-ê hū-jîn-lâng beh chò in tiong-kan tó chi̍t-ê ê bó͘? In-ūi chit chhit-ê lâng lóng ū chhōa i chò bó͘. " | 注释 串珠 原文 典藏 |
| 20:34 | I-é-su kā in kóng, " Kim-sè ê lâng ū kè ū chhōa, | 注释 串珠 原文 典藏 |
| 20:35 | M̄ koh, ē kham-tit tùi sí-lâng tiong koh-oa̍h chìn-ji̍p lāi-sè ê, chiū bô kè bô chhōa. | 注释 串珠 原文 典藏 |
| 20:36 | In-ūi in koh-oa̍h liáu-āu bē koh sí kah thiⁿ-sài kāng-khoán, lóng sī Siōng-tè ê kiáⁿ-jî. | 注释 串珠 原文 典藏 |
| 20:37 | Koan-hē sí-lâng koh-oa̍h ê tāichì, Mô͘-se tī ' Teh To̍h ê chhì-phè' hit phiⁿ ū chí-bêng, Chú sī A-bu-la-hàm ê Siōng-tè, Í-sak ê Siōng-tè, Iâ-kop ê Siōng-tè. (chù, CAG 3:6, 15-16) | 注释 串珠 字典 原文 典藏 |
| 20:38 | I m̄-sī sí-lâng ê Siōng-tè, sī oa̍h-lâng ê Siōng-tè, in-ūi lâng lóng sī ūi tio̍h Chú teh oa̍h. " | 注释 串珠 原文 典藏 |
| 20:39 | Ū kúi-nā-ê keng-ha̍k kàu-su ìn kóng, " Lāu-su ah, Lí kóng liáu chin hó. " | 注释 串珠 原文 典藏 |
| 20:40 | In chiū m̄-káⁿ koh mn̄g I-é-su siáⁿ-mi̍h būn-tê. | 注释 串珠 原文 典藏 |
| 20:41 | Ta-bi̍t ê Kiáⁿ-sun ê Būn-tê( Mt 22: 41-46; Mk 12: 35-37)I-é-su tùi in kóng, " Lâng ná ē kóng Ki-tok sī Ta-bi̍t ê kiáⁿ-sun? | 注释 串珠 原文 典藏 |
| 20:42 | In-ūi Ta-bi̍t tī Si-phian kakī kóng, ' Chú kā góa ê Chú kóng, chē góa ê chiàⁿ pêng, | 注释 串珠 字典 原文 典藏 |
| 20:43 | Kàu góa hō͘ Lí ê tùi-te̍k chò Lí ê kha-ta̍h. ' (chù, SPh 110:1) | 注释 串珠 字典 原文 典藏 |
| 20:44 | Ta-bi̍t kì-jiân chheng Ki-tok chò Chú, Ki-tok ná ē chò Ta-bi̍t ê kiáⁿ-sun? " | 注释 串珠 原文 典藏 |
| 20:45 | Khián-chek Keng-ha̍k Kàu-su( Mt 23: 1-36; Mk 12: 38-40; Lk 11: 37-54)Chèng lâng teh thiaⁿ ê sî, I-é-su kā bûn-tô͘ kóng, | 注释 串珠 原文 典藏 |
| 20:46 | " Tio̍h thê-hông hiahê keng-ha̍k kàu-su, in ài chhēng tn̂g-saⁿ sì-kè kiâⁿ, chin ài tī tōa lō͘-kháu hō͘ lâng chhéng-an, tī hōe-tn̂g lāi chē koân ūi, tī iàn-se̍k chē tōa-ūi. | 注释 串珠 字典 原文 典藏 |
| 20:47 | In chhim-chiàm kóaⁿ-hū ê ke-hóe, thiau-kò͘-ì kî-tó chin tn̂g; in ē siū koh khah tāng ê hêng-hoa̍t. " | 注释 串珠 原文 典藏 |