| 章节 | 全民台语圣经全罗经文 | 注释 |
| 16:1 | Put-tiong ê Ê-lú-sa-lèmSiōng-chú ê ōe koh lîm-kàu góa, kóng, | 注释 串珠 卢俊义 康来昌 原文 典藏 |
| 16:2 | " Jîn-chú, lí tio̍h hō͘ Ê-lú-sa-lèm chai i hiahê khó-ò͘ⁿ ê tāichì, | 注释 串珠 卢俊义 康来昌 原文 典藏 |
| 16:3 | kā in kóng, chì-koân Siōng-chú tùi Ê-lú-sa-lèm ánne kóng: Lí ê pún-goân kah lí ê chhut-sì sī tī Ka-nân tē; A-mô͘-lī lâng sī lí ê lāu-pē, lí ê lāu-bú sī Hiat lâng. | 注释 串珠 卢俊义 康来昌 原文 典藏 |
| 16:4 | Kóng tio̍h lí chhut-sì ê kéng-hóng, tng lí chhut-sì ê ji̍t bô kā lí tńg-châi, mā bô ēng chúi kā lí sé hō͘ lí chheng-khì, lóng bô kā lí sám iâm, mā bô ēng pò͘ kā lí pau. | 注释 串珠 卢俊义 康来昌 字典 原文 典藏 |
| 16:5 | Bô lâng khòaⁿ-kò͘ lí, kā lí chò chiahê tāichì, mā bô lâng liân-bín lí; lí chhut-sì ê ji̍t hō͘ lâng hiat tī chhân-iá, sī in-ūi lí hō͘ lâng thó-ià. | 注释 串珠 卢俊义 康来昌 原文 典藏 |
| 16:6 | " Góa tùi lí hia keng-kòe, khòaⁿ tio̍h lí kō tī lí ê hoeh tiong, chiū tùi lí kóng: Lí sûi-jiân tī lí ê hoeh tiong, iáu koh thang oa̍h-.leh. | 注释 串珠 卢俊义 康来昌 原文 典藏 |
| 16:7 | Góa hō͘ lí tióng-sêng, chhin-chhiūⁿ chhân-.ni̍h só͘ hoat-seng ê, lí koh chiām-chiām chiâⁿ chò tōa-lâng, bīn-māu chheng-siù, leng phòng, thâu-mn̂g tn̂g; chóng-.sī, lí iû-goân chhiah-sin lō͘-thé. | 注释 串珠 卢俊义 康来昌 原文 典藏 |
| 16:8 | " Góa tùi lí hia keng-kòe, khòaⁿ tio̍h lí; lí khòaⁿ, hit sî sī lí heng-khí ài-chêng ê sî, Góa chiū ēng saⁿ-á-ki kā lí khàm-.leh, cha̍h lí thǹg kng-kng ê seng-khu, koh tùi lí chiùchōa kah lí kiat iok, lí chiū sio̍k tī Góa. Che sī chì-koân Siōng-chú kóng ê. | 注释 串珠 卢俊义 康来昌 字典 原文 典藏 |
| 16:9 | " Hit sî,. Góa ēng chúi kā lí sé, kā lí seng-khu ê hoeh sé chheng-khì, koh ēng iû kā lí boah. | 注释 串珠 卢俊义 康来昌 字典 原文 典藏 |
| 16:10 | Góa hō͘ lí chhēng siù-hoe ê saⁿ, mā hō͘ lí chhēng hái-káu phôe ê ê, mā ēng iù-tē pò͘ hō͘ lí hâ io, koh ēng tiû-toān chò saⁿ hō͘ lí moa, | 注释 串珠 卢俊义 康来昌 字典 原文 典藏 |
| 16:11 | Góa ēng táⁿ-pān ê mi̍h kā lí táⁿ-pān; ēng chhiú-khoân kòa tī lí ê chhiú, ēng kim liān-á kòa tī lí ê ām-kún. | 注释 串珠 卢俊义 康来昌 字典 原文 典藏 |
| 16:12 | Góa mā ēng khoân kòa tī lí ê phīⁿ; ēng hīⁿ-kau kòa tī lí ê hīⁿ-á, ēng súi ê bō-á tì tī lí ê thâu-khak. | 注释 串珠 卢俊义 康来昌 字典 原文 典藏 |
| 16:13 | Án-ne, lí chiū ū kim-gîn ê táⁿ-pān, só͘ chhēng ê sī iù-tē pò͘ kah tiû-toān, í-ki̍p siù-hoe ê saⁿ; só͘ chia̍h ê sī iù-iù ê mī, phang ê bi̍t kah iû. Lí mā hui-siông súi, hoat-ta̍t kàu ông-hō͘ ê chun-kùi. | 注释 串珠 卢俊义 康来昌 字典 原文 典藏 |
| 16:14 | Lí súi ê miâ-siaⁿ thoân kàu tī lia̍t kok tiong, sī tùi lí ê súi koh oân-choân, in-ūi Góa ū ēng Góa ê êng-kng hō͘ lí. Che sī chì-koân Siōng-chú kóng ê. | 注释 串珠 卢俊义 卢俊义 康来昌 原文 典藏 |
| 16:15 | " To̍k-to̍k lí óa-khò kakī ê súi, koh in-ūi lí ê miâ-siaⁿ, chiū kiâⁿ kan-îm. Lí hòng-chhiòng îm-io̍k, hō͘ kòe-lō͘ lâng chhut-chāi i ê ì-sù lâi kiâⁿ. | 注释 串珠 卢俊义 康来昌 原文 典藏 |
| 16:16 | Koh ēng lí ê saⁿ, chong-sek koân ê só͘-chāi, ngó͘-sek lóng chê-pī; tī hit téng-bīn kiâⁿ kan-îm. Chit khoán tāichì bē koh lâi, mā bô koh ū. | 注释 串珠 卢俊义 康来昌 字典 原文 典藏 |
| 16:17 | Lí mā chhú Góa só͘ hō͘ lí ê kim-gîn kah súi ê pó-khì, ūi tio̍h lí kakī chò chapo͘ lâng ê siōng kah i kiâⁿ kan-îm; | 注释 串珠 卢俊义 康来昌 字典 原文 典藏 |
| 16:18 | koh ēng lí siù-hoe ê saⁿ kā i moa, mā ēng Góa ê ko-iû, Góa ê phang-liāu, pâi tī i ê bīn-chêng; | 注释 串珠 卢俊义 康来昌 字典 原文 典藏 |
| 16:19 | jî-chhiáⁿ koh kā Góa só͘ siúⁿ-sù hō͘ lí ê chia̍h-mi̍h, iù-mī, í-ki̍p iû kah bi̍t, sī Góa só͘ ēng lâi iúⁿ-chhī lí ê, lí chiū kā i pâi tī in ê bīn-chêng, lâi chò phang-bī, lí si̍t-chāi ū ánne chò. Che sī chì-koân Siōng-chú kóng ê. | 注释 串珠 卢俊义 康来昌 字典 原文 典藏 |
| 16:20 | " Lí koh ēng lí ê kiáⁿ-jî, to̍h-sī lí só͘ kā Góa seⁿ ê, lâi hiàn hō͘ in chia̍h. Lí kiâⁿ chiahê îm-loān, kám sī sió-khóa tāichì? | 注释 串珠 卢俊义 康来昌 原文 典藏 |
| 16:21 | Lí kèng-jiân koh thâi-sí Góa chiahê kiáⁿ lâi kau hō͘ i, hō͘ in keng-kòe hóe lâi kui tī i? | 注释 串珠 卢俊义 康来昌 原文 典藏 |
| 16:22 | Lí kiâⁿ chiahê it-chhè khó-ò͘ⁿ kah îm-loān ê tāichì, lóng bô siūⁿ tio̍h lí sè-hàn chhiah-sin lō͘-thé, kō tī lí hoeh tiong ê ji̍t-chí. " | 注释 串珠 卢俊义 康来昌 原文 典藏 |
| 16:23 | Ê-lú-sa-lèm Chhin-chhiūⁿ Îm-hū（ Chì-koân Siōng-chú kóng, " Lí ū chai-hō à! Ū chai-hō à! ） | 注释 串珠 卢俊义 康来昌 原文 典藏 |
| 16:24 | Lí kiâⁿ che it-chhè pháiⁿ tāi í-āu, koh ūi kakī khí hoe-lâu, tī ta̍k tiâu ke-lō͘ khí koân-tâi. | 注释 串珠 卢俊义 康来昌 字典 原文 典藏 |
| 16:25 | Lí tī só͘-ū ê ke-lō͘ kháu khí koân-tâi, hō͘ lí ê súi piàn-chò khó-ò͘ⁿ ê, koh kah chin chē kòe-lō͘ ê lâng kiâⁿ kan-îm. | 注释 串珠 卢俊义 康来昌 字典 原文 典藏 |
| 16:26 | Lí mā kah lí ê keh-piah kok, hòng-chhiòng chêng-io̍k ê Ai-gi̍p lâng kiâⁿ kan-îm, ke-thiⁿ lí ê îm-loān, jiá Góa siū-khì. | 注释 串珠 卢俊义 康来昌 原文 典藏 |
| 16:27 | " Lí khòaⁿ, Góa chhun-chhut Góa ê chhiú kong-kek lí, kiám-chió lí su-iàu ēng ê mi̍h-kiāⁿ, koh kā lí kau hō͘ oàn-hūn lí ê Hui-lī-sū hiahê chabó͘ gín'á, hō͘ in chhut-chāi ì-sù khoán-thāi lí. In khòaⁿ tio̍h lí kiâⁿ pháiⁿ lâi kiàn-siàu. | 注释 串珠 卢俊义 康来昌 字典 原文 典藏 |
| 16:28 | " Lí in-ūi hò͘ⁿ-sek put ti-chiok, koh kah A-siul lâng kiâⁿ kan-îm; kah in kiâⁿ kan-îm liáu-āu, iû-goân bô boán-ì. | 注释 串珠 卢俊义 康来昌 原文 典藏 |
| 16:29 | Lí koh tī Ka-nân tē khì-kàu Kal-tí-ah kiâⁿ chin chē îm-loān, iáu koh bô boán-ì. | 注释 串珠 卢俊义 康来昌 原文 典藏 |
| 16:30 | Chì-koân Siōng-chú kóng: Lí kiâⁿ che it-chhè ê tāichì, sī pà-sèng îm-hū ê só͘ kiâⁿ, khó-kiàn lí ê sim sī gōa loán-jio̍k! | 注释 串珠 卢俊义 康来昌 原文 典藏 |
| 16:31 | In-ūi lí tī só͘-ū ê ke-lō͘ kháu khí hoe-lâu, tī ta̍k tiâu ke-lō͘ khí koân-tâi, in-ūi lí bô chhin-chhiūⁿ pa̍t-ê chhiong-ki, bô ài chîⁿ. | 注释 串珠 卢俊义 康来昌 字典 原文 典藏 |
| 16:32 | Wah! Lí chit-ê kiâⁿ kan-îm ê bó͘, beh ài pa̍t lâng lâi tāi-thè tiōng-hu. | 注释 串珠 卢俊义 康来昌 原文 典藏 |
| 16:33 | Lâng sī ēng mi̍h-kiāⁿ sàng chhiong-ki, lí tian-tò ēng mi̍h-kiāⁿ sàng lí siong-hó ê lâng, chhiáⁿ in tùi sì-kho͘-ûi lâi kah lí kiâⁿ kan-îm. | 注释 串珠 卢俊义 康来昌 原文 典藏 |
| 16:34 | Lí ê kiâⁿ kan-îm kah pa̍t-ê chabó͘ lâng tùi-hoán, in-ūi m̄-sī lâng chhōe lí kiâⁿ kan-îm, sī lí ēng mi̍h-kiāⁿ sàng lâng, m̄-sī lâng sàng lí; só͘-í, lí kah pa̍t-ê chabó͘ lâng tùi-hoán. " | 注释 串珠 卢俊义 康来昌 原文 典藏 |
| 16:35 | Siōng-tè Sím-phòaⁿ Ê-lú-sa-lèm" In-ūi ánne, lí chit-ê chhiong-ki, tio̍h thiaⁿ Siōng-chú ê ōe. | 注释 串珠 卢俊义 康来昌 原文 典藏 |
| 16:36 | Chì-koân Siōng-chú ánne kóng: In-ūi lí piàⁿ-chhut lí ê ù-òe, lí kah lí só͘ siong-hó ê thǹg kng-kng kiâⁿ kan-îm, koh in-ūi lí só͘ pài it-chhè khó-ò͘ⁿ ê ngó͘-siōng, koh ūi tio̍h só͘ lâu lí chiahê kiáⁿ ê hoeh, to̍h-sī lí só͘ hiàn hō͘ in ê; | 注释 串珠 卢俊义 康来昌 字典 原文 典藏 |
| 16:37 | lí khòaⁿ, in-ūi ánne, Góa beh chū-chi̍p lí só͘-ū siong-hó ê, to̍h-sī lí bat kah i iàn-lo̍k ê kah lí it-chhè só͘ thiàⁿ ê, lí it-chhè só͘ oàn-hūn ê, Góa beh tùi sì-kho͘-ûi chū-chi̍p lâi kong-kek lí, mā beh tùi in lō͘-chhut lí ê thǹgpaktheh, hō͘ in khòaⁿ lí ê thǹgpaktheh. | 注释 串珠 卢俊义 康来昌 原文 典藏 |
| 16:38 | Góa mā beh sím-phòaⁿ lí, chhin-chhiūⁿ sím-phòaⁿ kiâⁿ kan-îm kah thâi lâng ê chabó͘ lâng. Góa beh ēng tōa siū-khì, chi̍t-tò͘ hō͘ lí lâu hoeh. | 注释 串珠 卢俊义 康来昌 原文 典藏 |
| 16:39 | Góa koh beh kā lí kau tī in ê chhiú, in ē thiah-húi lí ê hoe-lâu, húi-hoāi lí ê siâⁿ-pó, thǹg lí ê saⁿ, chhiúⁿ lí súi ê pó-khì, kā lí lâu tī hia chhiah-sin lō͘-thé. | 注释 串珠 卢俊义 康来昌 字典 原文 典藏 |
| 16:40 | " In mā ē chhōa chin chē lâng khí-lâi kong-kek lí, ēng chio̍h-thâu kā lí tìm-sí, ēng to-kiàm chha̍k-thàu lí, | 注释 串珠 卢俊义 康来昌 字典 原文 典藏 |
| 16:41 | ēng hóe sio lí ê chhù-the̍h, tī chin chē chabó͘ lâng ê bīn-chêng sím-phòaⁿ lí; Góa it-tēng hō͘ lí bô koh kiâⁿ kan-îm, mā bô koh sàng lâng mi̍h-kiāⁿ. | 注释 串珠 卢俊义 康来昌 原文 典藏 |
| 16:42 | Án-ne, Góa tùi lí ê tōa siū-khì chiū ē soah-.khì, Góa ê chi̍t-tò͘ mā ē lī-khui lí, Góa beh an-chēng bô koh siū-khì. | 注释 串珠 卢俊义 康来昌 原文 典藏 |
| 16:43 | In-ūi lí bē kì-tit lí sè-hàn ê ji̍t-chí, tī che it-chhè ê tāichì lâi kek Góa, só͘-í Góa beh chiàu lí só͘ kiâⁿ ê, pò-èng tī lí ê thâu-khak téng, hō͘ lí bô koh kiâⁿ kan-îm, ke-thiⁿ tī lí it-chhè khó-ò͘ⁿ ê tāichì. Che sī chì-koân Siōng-chú kóng ê. " | 注释 串珠 卢俊义 康来昌 字典 原文 典藏 |
| 16:44 | Ū Hit khoán ê Lāu-bú Chiū Ū Hit khoán ê Cha-bó͘ kiáⁿSiōng-chú kóng, " Lí khòaⁿ, kiàn-nā kóng sio̍k-gí ê, ē ēng sio̍k-gí kā lí keng-thé, kóng, ' Ū hit khoán ê lāu-bú chiū ū hit khoán ê chabó͘ kiáⁿ. ' | 注释 串珠 卢俊义 康来昌 原文 典藏 |
| 16:45 | Lí chin-chiàⁿ sī lín lāu-bú ê chabó͘ kiáⁿ, thó-ià i ê tiōng-hu kah kiáⁿ-jî; lí chin-chiàⁿ sī lín chí-mōe ê chí-mōe, thó-ià in ê tiōng-hu kah kiáⁿ-jî. Lín lāu-bú sī Hiat lâng, lín lāu-pē sī A-mô͘-lī lâng. | 注释 串珠 卢俊义 康来昌 原文 典藏 |
| 16:46 | " Lí ê tōa-ché sī Sa-má-lī-a, i kah i ê chèng chabó͘ kiáⁿ tiàm tī lí ê tò pêng; lí ê sió-mōe sī So͘-tóm, i kah i ê chèng chabó͘ kiáⁿ tiàm tī lí ê chiàⁿ pêng. | 注释 串珠 卢俊义 康来昌 原文 典藏 |
| 16:47 | Lí bô o̍h in ê só͘ kiâⁿ, mā bô chiàu in khó-ò͘ⁿ ê tāichì khì chò, lí lia̍h-chò sió-khóa tāichì, lí só͘ kiâⁿ ê it-chhè pí in khah chhàu miâ-siaⁿ. | 注释 串珠 卢俊义 康来昌 字典 原文 典藏 |
| 16:48 | " Chì-koân Siōng-chú kóng: Góa kí Góa ê éng-oán oa̍h-miā lâi chiùchōa, lí ê sió-mōe So͘-tóm kah i chèng chabó͘ kiáⁿ, bô kiâⁿ lí kah lí chèng chabó͘ kiáⁿ só͘ kiâⁿ ê tāichì. | 注释 串珠 卢俊义 康来昌 原文 典藏 |
| 16:49 | Lí khòaⁿ, lí ê sió-mōe So͘-tóm ê chōe sī chit khoán, i kah i ê chèng chabó͘ kiáⁿ sim-chì kiau-ngō͘, bí-niûⁿ pá-chiok, hióng-siū khùiⁿ-oa̍h, lóng bô hû-chō͘ khùn-khó͘ kah sànchhiah lâng ê chhiú. | 注释 串珠 卢俊义 康来昌 字典 原文 典藏 |
| 16:50 | In kiau-ngō͘, tī Góa ê bīn-chêng kiâⁿ khó-ò͘ⁿ ê tāichì, Góa khòaⁿ-liáu chiū kā in tû-.khì. | 注释 串珠 卢俊义 康来昌 原文 典藏 |
| 16:51 | " Sa-má-lī-a só͘ hoān ê chōe bô lí ê chi̍t-pòaⁿ, lí ke-thiⁿ khó-ò͘ⁿ ê tāichì pí in khah chē, koh tùi lí só͘ kiâⁿ it-chhè khó-ò͘ⁿ ê tāichì, hō͘ lí ê chí-mōe hián-bêng sī gī. | 注释 串珠 卢俊义 康来昌 原文 典藏 |
| 16:52 | Lí kì-jiân toàn-tēng lí ê chí-mōe chò gī, chiū tio̍h tam-tng lí kakī ê lêng-jio̍k; in-ūi lí só͘ hoān ê chōe pí in khah khó-ò͘ⁿ, in chiū pí lí khah ū gī; lí í-keng hō͘ lí ê chí-mōe hián-bêng sī gī, lí chiū tio̍h kiàn-siàu, tam-tng kakī ê lêng-jio̍k. " | 注释 串珠 卢俊义 康来昌 原文 典藏 |
| 16:53 | So͘-tóm kah Sa-má-lī-a ē Ho̍k-hengSiōng-chú tùi Ê-lú-sa-lèm kóng, " Góa beh hō͘ in siū lia̍h ê tò tńg-.lâi, to̍h-sī hō͘ So͘-tóm kah i ê chèng chabó͘ kiáⁿ siū lia̍h ê, Sa-má-lī-a kah i ê chèng chabó͘ kiáⁿ siū lia̍h ê, í-ki̍p in tiong-kan siū lia̍h ê, lóng ē tò tńg-.lâi, | 注释 串珠 卢俊义 康来昌 原文 典藏 |
| 16:54 | thang hō͘ lí tam-tng kakī ê lêng-jio̍k, koh tùi lí it-chhè ê só͘ kiâⁿ hō͘ in tit tio̍h an-ùi ê, lâi kiàn-siàu. | 注释 串珠 卢俊义 康来昌 原文 典藏 |
| 16:55 | Lí ê chí-mōe So͘-tóm kah i ê chèng chabó͘ kiáⁿ ē tńg-lâi goân ūi; Sa-má-lī-a kah i ê chèng chabó͘ kiáⁿ ē tńg-lâi goân ūi; lí kah lí ê chèng chabó͘ kiáⁿ mā ē tńg-lâi goân ūi. | 注释 串珠 卢俊义 康来昌 原文 典藏 |
| 16:56 | Tng lí kiau-ngō͘ ê ji̍t, lí ê chhùi bô kóng-khí lí ê sió-mōe So͘-tóm. | 注释 串珠 卢俊义 康来昌 原文 典藏 |
| 16:57 | Hit sî, lí ê pháiⁿ iáu-bōe hoat-hiān, A-lâm chiahê chabó͘ kiáⁿ liân i sì-kho͘-ûi ê lâng iáu-bōe lêng-jio̍k lí; Hui-lī-sū chiahê chabó͘ kiáⁿ pêng-sî tī sì-kho͘-ûi biáu-sī lí ê, i mā bô lêng-jio̍k lí. | 注释 串珠 卢俊义 康来昌 原文 典藏 |
| 16:58 | Siōng-chú kóng: Lí hò͘ⁿ îm-loān kah khó-ò͘ⁿ ê tāichì, lí í-keng tam-tng à. " | 注释 串珠 卢俊义 康来昌 原文 典藏 |
| 16:59 | Éng-oán ê Iok" In-ūi chì-koân Siōng-chú ánne kóng: Lí pōe-iok koh khòaⁿ-khin chiùchōa, Góa beh chiàu lí só͘ kiâⁿ ê lâi khoán-thāi lí. | 注释 串珠 卢俊义 康来昌 原文 典藏 |
| 16:60 | Chóng-.sī, Góa beh tui-liām Góa tī lí siàu-liân ê sî kah lí só͘ li̍p ê iok, mā beh kah lí siat-li̍p éng-oán ê iok. | 注释 串珠 卢俊义 康来昌 原文 典藏 |
| 16:61 | Tng lí chiap-la̍p lí ê chí-mōe, to̍h-sī lí ê tōa-ché kah lí ê sió-mōe ê sî, lí ē kì-tit lí só͘ kiâⁿ ê lâi kiàn-siàu; Góa mā beh kā in hō͘ lí chò chabó͘ kiáⁿ, to̍k-to̍k m̄-sī tùi lí ê iok. | 注释 串珠 卢俊义 康来昌 字典 原文 典藏 |
| 16:62 | Góa beh kah lí siat-li̍p Góa ê iok, （ lí chiū ē chai Góa sī Siōng-chú ）, | 注释 串珠 卢俊义 康来昌 原文 典藏 |
| 16:63 | kàu góa sià-bián lí it-chhè só͘ chò ê sî, lí ē kì-.tit chiū kiàn-siàu, koh in-ūi lí ê lêng-jio̍k, chiū bô koh khui chhùi. Che sī chì-koân Siōng-chú kóng ê. " | 注释 串珠 卢俊义 康来昌 原文 典藏 |