| 章节 | 全民台语圣经全罗经文 | 注释 |
| 18:1 | I-é-lí-miah tī Sio-hûi Lâng ê ChhùSiōng-chú ê ōe lîm-kàu I-é-lí-miah kóng, | 注释 串珠 原文 典藏 |
| 18:2 | " Lí khí-.lâi, lo̍h-khì sio-hûi lâng ê chhù; Góa tī hia beh hō͘ lí thiaⁿ Góa ê ōe. " | 注释 串珠 原文 典藏 |
| 18:3 | Góa chiū lo̍h-khì sio-hûi lâng ê chhù, tú-hó i ēng lián teh tńg, chò i ê kang. | 注释 串珠 字典 原文 典藏 |
| 18:4 | Sio-hûi lâng ēng thô͘ chò ê khì-kū, tī i ê chhiú nā pháiⁿ-.khì, i chiū ēng hit tè thô͘ lēng-gōa chò pa̍t chióng ê khì-kū; chiàu sio-hûi lâng só͘ khòaⁿ-chò hó ê lâi chò. | 注释 串珠 字典 原文 典藏 |
| 18:5 | Siōng-chú ê ōe chiū lîm-kàu góa, kóng, | 注释 串珠 原文 典藏 |
| 18:6 | " I-su-la-el ê chú-bîn, Góa khoán-thāi lín kám bē tàng chhin-chhiūⁿ chit-ê sio-hûi lâng ê só͘ chò? I-su-la-el ê chú-bîn, thô͘ tī sio-hûi lâng ê chhiú tiong án-chóaⁿ, lín tī Góa ê chhiú tiong mā sī ánne. | 注释 串珠 原文 典藏 |
| 18:7 | Góa tang-sî kóng tio̍h chi̍t cho̍k á-.sī chi̍t kok kóng, Góa beh kā i poe̍h khí-.lâi, kā i thiah-húi, kā i húi-hoāi; | 注释 串珠 原文 典藏 |
| 18:8 | Góa só͘ kóng ê hit chi̍t cho̍k, nā hóe-kái lī-khui i ê pháiⁿ, Góa chiū ē hō͘-hóe só͘ siūⁿ beh kàng hō͘ in ê chai-hō. | 注释 串珠 原文 典藏 |
| 18:9 | Góa tang-sî kóng tio̍h chi̍t cho̍k á-.sī chi̍t kok, kóng beh kiàn-li̍p, beh chai-chèng; | 注释 串珠 原文 典藏 |
| 18:10 | in nā kiâⁿ Góa khòaⁿ-chò pháiⁿ ê tāichì, m̄ chun-thàn Góa ê ōe, Góa chiū ē hō͘-hóe Góa só͘ kóng beh hō͘ in ê hok-khì. | 注释 串珠 原文 典藏 |
| 18:11 | Taⁿ lí tio̍h kā Iô-tah lâng kah tòa tī Ê-lú-sa-lèm ê jîn-bîn kóng: Siōng-chú ē chún-pī chai-hō kā lín kong-kek, mā siat-kè beh kā lín kong-kek, lín ta̍k lâng tio̍h oa̍t-thâu, lī-khui i ê pháiⁿ lō͘, kái-chèng lín ê só͘ kiâⁿ, lín ê só͘ chò. | 注释 串珠 字典 原文 典藏 |
| 18:12 | Chóng-.sī, in kóng, ' Bô ǹg-bāng, goán beh chiàu kakī ê kè-bô͘ lâi kiâⁿ; ta̍k lâng chiàu i pháiⁿ ê ngē-sim lâi chò. '" | 注释 串珠 原文 典藏 |
| 18:13 | I-su-la-el Lâng Khì-sak Siōng-chúSó͘-í, Siōng-chú ánne kóng: Lín tio̍h khì ta̍k kok cha-mn̄g, khòaⁿ siáⁿ lâng thiaⁿ tio̍h chit khoán tāichì? I-su-la-el ê jîn-bîn ū kiâⁿ ke̍k thó-ià ê tāichì. | 注释 串珠 原文 典藏 |
| 18:14 | Le-ba-nòng tùi chhân-iá ê chio̍h-pôaⁿ lo̍h-.lâi ê seh kám ē choa̍t-tn̄g? Tùi hn̄g-hn̄g ê só͘-chāi lâu lo̍h-.lâi ê léng-chúi kám ē ta-.khì? | 注释 串珠 原文 典藏 |
| 18:15 | In-ūi góa ê chú-bîn bē kì-tit Góa, ǹg hi-ké ê sîn sio hiuⁿ, in hō͘ in tī só͘ kiâⁿ ê lō͘, tī kū ê lō͘ that tio̍h, hō͘ in kiâⁿ phian lō͘, bô thūn koân ê; | 注释 串珠 字典 原文 典藏 |
| 18:16 | Tì-sú in ê tē piàn-chò thang tio̍h-kiaⁿ kah gāng-.khì ê, kú-tn̂g hō͘ lâng thí-chhiò; kiàn-nā tùi hia keng-kòe ê lâng ē tio̍h-kiaⁿ kah iô thâu. | 注释 串珠 原文 典藏 |
| 18:17 | Góa beh chhin-chhiūⁿ ēng tang-hong tī tùi-te̍k ê bīn-chêng kā in kóaⁿ-sòaⁿ. In tú tio̍h hoān-lān ê ji̍t, Góa beh ēng kha-chiah-phiaⁿ ǹg in, bô beh ēng bīn. | 注释 串珠 原文 典藏 |
| 18:18 | Bô͘-hāi I-é-lí-miahJiân-āu, jîn-bîn kóng, " Lâi!, lán lâi kè-bô͘ kong-kek I-é-lí-miah; in-ūi chè-si ū lu̍t-hoat, tì-hūi ê lâng ū kè-ōe, sian-ti ū ī-giân ê ōe, lóng bē choa̍t-tn̄g. Lâi! Lán tio̍h ēng chi̍h kā i kong-kek, i ê ōe lóng m̄-bián kā i thiaⁿ. " | 注释 串珠 原文 典藏 |
| 18:19 | Góa chiū kî-tó, " Siōng-chú ah, kiû Lí tì-ì lâi koan-sim góa, mā tio̍h thiaⁿ hiahê kah góa cheng-piān ê lâng ê ōe. | 注释 串珠 原文 典藏 |
| 18:20 | Kám thang ēng pháiⁿ pò hó? In-ūi in khui hām-kheⁿ beh hāi góa ê sèⁿ-miā. Kiû Lí ē kì-tit góa tī Lí ê bīn-chêng thè in kiû hok-khì, hō͘ Lí ê tōa siū-khì tùi in oa̍t tò-tńg. | 注释 串珠 字典 原文 典藏 |
| 18:21 | Goān Lí kā in ê kiáⁿ-jî kau hō͘ ki-hng, kā in kau hō͘ to-kiàm; hō͘ in ê bó͘ bô kiáⁿ, chò kóaⁿ-hū; hō͘ in ê chapo͘ lâng hō͘ sí-bông siau-bia̍t, in ê siàu-liân lâng tī chiàn-tīn hō͘ to thâi-sí. | 注释 串珠 字典 原文 典藏 |
| 18:22 | Lí hō͘ kun-tūi hut-jiân lîm-kàu in ê sî, goān tùi in ê chhù thiaⁿ tio̍h thî-khàu ê siaⁿ; in-ūi in ku̍t hām-kheⁿ beh lia̍h góa, siat lô-bāng beh pōaⁿ góa ê kha. | 注释 串珠 字典 原文 典藏 |
| 18:23 | Siōng-chú ah, in beh hāi góa hiahê kè-bô͘, Lí lóng chai. Kiû Lí m̄ thang sià-bián in ê chōe-kò, mā m̄ thang tùi Lí ê bīn-chêng chhat-siau in ê chōe-ok; tio̍h hō͘ in tī Lí ê bīn-chêng poa̍h-tó; Lí siū-khì ê sî, tio̍h kā in pān. " | 注释 串珠 原文 典藏 |