| 章节 | 全民台语圣经全罗经文 | 注释 |
| 52:1 | Siōng-chú beh Chín-kiù Ê-lú-sa-lèmSi-óng, khí-.lâi! Khí-.lâi! Chhēng lí ê tōa khùi-la̍t; sèng-siâⁿ Ê-lú-sa-lèm, chhēng lí súi ê saⁿ-khò͘; in-ūi tùi taⁿ í-āu, bô siū kat-lé kah bô chheng-khì ê, it-tēng bô koh ji̍p-khì lí ê tiong-kan. | 注释 串珠 卢俊义 康来昌 字典 原文 典藏 |
| 52:2 | Ê-lú-sa-lèm, tio̍h pōaⁿ-khì tîn-ai! Khí-lâi chē! Si-óng siū lia̍h ê jîn-bîn, tio̍h tháu-khui lí ām-kún ê só-liān. | 注释 串珠 卢俊义 康来昌 原文 典藏 |
| 52:3 | Siōng-chú ánne kóng: Lín siū bē, bô the̍h lâng ê chîⁿ, tit tio̍h sio̍k-hôe, mā bô ēng chîⁿ. | 注释 串珠 卢俊义 康来昌 字典 原文 典藏 |
| 52:4 | Chì-koân Siōng-chú ánne kóng: Khí-thâu Góa ê chú-bîn lo̍h-khì Ai-gi̍p, tī hia kià-kha, koh ū A-siul lâng bô-iân bô-kò͘ kā in ap-chè. | 注释 串珠 卢俊义 康来昌 原文 典藏 |
| 52:5 | Siōng-chú kóng: Góa ê chú-bîn kì-jiân bô-iân bô-kò͘ hō͘ lâng lia̍h-.khì, taⁿ Góa tī chia teh chò siáⁿ-mi̍h? Siōng-chú kóng: Kā in koán-hat ê lâng hōa-hōa háu teh kiò, Góa ê miâ kui ji̍t siū siat-to̍k. | 注释 串珠 卢俊义 康来昌 原文 典藏 |
| 52:6 | Só͘-í, Góa ê chú-bîn ē chai Góa ê miâ; kàu hit ji̍t in ē chai teh kóng ê to̍h-sī Góa; lí khòaⁿ, sī Góa! | 注释 串珠 卢俊义 康来昌 原文 典藏 |
| 52:7 | Pò hó siau-sit, thoân hô-pêng, pò hok-khì ê hó siau-sit, thoân kiù-un ê, i tùi Si-óng kóng: Lí ê Siōng-tè chò ông à! I ê kha chiūⁿ soaⁿ téng, i ê kha-jiah kàu chiah súi! | 注释 串珠 卢俊义 康来昌 原文 典藏 |
| 52:8 | Lí thiaⁿ, lí só͘ siú-bōng ê lâng ê siaⁿ! In chhut tōa-siaⁿ, chò-hóe chhiùⁿ koa; in-ūi Siōng-chú tò tńg-lâi Si-óng ê sî, in ē tng-thâu tùi-bīn khòaⁿ-.tio̍h. | 注释 串珠 卢俊义 康来昌 原文 典藏 |
| 52:9 | Ê-lú-sa-lèm pha-hng ê só͘-chāi, lí tio̍h chhut hoaⁿ-hí ê siaⁿ, chò-hóe chhiùⁿ koa; in-ūi Siōng-chú an-ùi I ê chú-bîn, kiù-sio̍k Ê-lú-sa-lèm. | 注释 串珠 卢俊义 康来昌 原文 典藏 |
| 52:10 | Siōng-chú tī bān-kok ê ba̍k-chiu chêng kā I sèng-chhiú ê chhiú-ńg lu̍t khí-.lâi; tē-ke̍k ê lâng lóng khòaⁿ tio̍h lán ê Siōng-tè ê chín-kiù. | 注释 串珠 卢俊义 康来昌 原文 典藏 |
| 52:11 | Lín tio̍h lī-khui! Lī-khui! Tùi hia chhut-.lâi. M̄-thang bong bô chheng-khì ê mi̍h; tùi in tiong-kan chhut-.lâi. Lín kng Siōng-chú khì-kū ê lâng, tio̍h kakī chheng-khì. | 注释 串珠 卢俊义 康来昌 原文 典藏 |
| 52:12 | Lín chhut-.lâi ê sî, m̄-bián tio̍h-kip, mā m̄-bián tô-cháu. In-ūi Siōng-chú it-tēng kiâⁿ tī lín ê thâu-chêng, I-su-la-el ê Siōng-tè it-tēng chò lín āu-bīn ê pó-hō͘. | 注释 串珠 卢俊义 康来昌 原文 典藏 |
| 52:13 | Siū khó͘ ê Po̍k-jînLí khòaⁿ, Góa ê lô͘-po̍k beh ēng tì-hūi chò tāichì, beh siū kí-khí seng koân, koh beh chiâⁿ-chò chin koân. | 注释 串珠 卢俊义 康来昌 原文 典藏 |
| 52:14 | Chin chē lâng ūi lí tio̍h-kiaⁿ kah gāng-.khì, i ê bīn-māu pí pa̍t lâng khah ū sún-siong, i ê hêng-chōng pí sè-kan lâng khah ū sún-hāi. | 注释 串珠 卢俊义 康来昌 原文 典藏 |
| 52:15 | Chhin-chhiūⁿ ánne, i mā beh kek-tōng chin chē kok ê jîn-bîn; lia̍t ông beh tùi i lâi am in ê chhùi. In-ūi só͘ m̄ bat tùi in kóng ê, in ē khòaⁿ-.tio̍h; m̄ bat thiaⁿ-.tio̍h ê, in ē bêng-pe̍k. | 注释 串珠 卢俊义 康来昌 原文 典藏 |