| 章节 | 全民台语圣经全罗经文 | 注释 |
| 47:1 | Ba-bú-lông ê Sím-phòaⁿBa-bú-lông ê chāi-sek-lí, lín tio̍h lo̍h-lâi chē tī tîn-ai! Kal-tí-ah ê chabó͘ gín'á, lín bô pó-chō, tio̍h chē tī thô͘-kha; in-ūi lí bô koh hông kiò-chò nńg-chiáⁿ, iù-siù ê. | 注释 串珠 卢俊义 康来昌 字典 原文 典藏 |
| 47:2 | Lí tio̍h ēng chio̍h-bō bō be̍h; tû-khì lí ê phè, thǹg lí ê tn̂g-saⁿ, lō͘-hiān lí ê kha-thúi, liâu kòe khe. | 注释 串珠 卢俊义 康来昌 字典 原文 典藏 |
| 47:3 | Lí ê ē-sin ē lō͘-hiān, lí ê kiàn-siàu ē hō͘ lâng khòaⁿ-.tio̍h. Góa beh pò-siû; bô beh khoan-iông jīm-hô lâng. | 注释 串珠 卢俊义 康来昌 原文 典藏 |
| 47:4 | Kiù-sio̍k goán ê Chú, I ê miâ sī bān-kun ê Siōng-chú, sī I-su-la-el ê sèng ê. | 注释 串珠 卢俊义 康来昌 原文 典藏 |
| 47:5 | Kal-tí-ah ê chabó͘ gín'á, lí tio̍h tiām-tiām chē, ji̍p-khì tī àm-tiong, in-ūi lí bô koh hông kiò-chò lia̍t kok ê chú-bó. | 注释 串珠 卢俊义 康来昌 原文 典藏 |
| 47:6 | Góa siū-khì Góa ê jîn-bîn, Góa hō͘ Góa ê sán-gia̍p siū lêng-jio̍k, kā in kau tī lí ê chhiú, lí lóng bô liân-bín in, kā lí ke̍k tāng ê ka-taⁿ hē tī lāu lâng ê sin chiūⁿ. | 注释 串珠 卢俊义 康来昌 字典 原文 典藏 |
| 47:7 | Lí kakī kóng: Góa beh éng-oán chò chú-bó, só͘-í, lí bô kā chiahê tāichì khòa tī sim-.ni̍h, mā bô siūⁿ i ê kiat-kio̍k. | 注释 串珠 卢俊义 康来昌 原文 典藏 |
| 47:8 | Lí chit-ê iàn-lo̍k, an-jiân teh chē ê lâng, taⁿ tio̍h thiaⁿ chit-ê ōe. Lí sim-lāi siūⁿ kóng: Chí-ū góa, góa í-gōa bô pa̍t-ê. Góa it-tēng bē tì-sú chiú-kóaⁿ, mā bē tú tio̍h kiáⁿ sí-sit ê tāichì. | 注释 串珠 卢俊义 康来昌 原文 典藏 |
| 47:9 | Chóng-.sī, kiáⁿ sí-sit kah chiú-kóaⁿ chit nn̄g kiāⁿ sū, ū chi̍t ji̍t, tī ba̍k-nih-kú ê tiong-kan ē lîm-kàu lí; tī lí kiâⁿ chin chē siâ-su̍t, tōa-tōa ōe hû liām chiù ê sî, chit nn̄g hāng tāichì ē choân-pō͘ lîm-kàu lí. | 注释 串珠 卢俊义 康来昌 原文 典藏 |
| 47:10 | Lí pêng-sî óa-khò lí ê pháiⁿ, kóng: Bô lâng khòaⁿ tio̍h góa. Lí ê tì-hūi chhong-bêng bê-he̍k lí, lí sim-lāi koh siūⁿ kóng: Chí-ū góa, góa í-gōa bô pa̍t-ê. | 注释 串珠 卢俊义 康来昌 原文 典藏 |
| 47:11 | In-ūi ánne, chai-hō ē lîm-kàu lí, lí m̄-chai i tùi tó-ūi lâi; chai-hāi kàu tī lí, lí mā bē tàng kā i tû-.khì; lí só͘ m̄-chai ê húi-bia̍t mā ē hut-jiân lîm-kàu lí. | 注释 串珠 卢俊义 康来昌 原文 典藏 |
| 47:12 | Tio̍h khiā khí-.lâi! Ēng lí ê siâ-su̍t kah lí chin chē ê hû-chiù, to̍h-sī tùi lí siàu-liân só͘ lô-khó͘ ha̍k-si̍p ê, kiámchhái ē tit tio̍h lī-ek, á-.sī tit tio̍h khah iâⁿ. | 注释 串珠 卢俊义 康来昌 原文 典藏 |
| 47:13 | Lí ê kè-ōe siuⁿ chē, tì-sú ià-siān. Taⁿ tio̍h hō͘ hiahê koan thiⁿ-siōng ê, khòaⁿ chheⁿ-sîn ê, tī goe̍h-chhe kóng ī-giân ê, lóng khí-.lâi, kiù lí thoat-lī só͘ beh lîm-kàu lí ê tāichì. | 注释 串珠 卢俊义 康来昌 原文 典藏 |
| 47:14 | Lí khòaⁿ, in ē chhin-chhiūⁿ chháu-á hō͘ hóe sio, bē tàng kiù kakī thoat-lī hóe-iām ê ui-le̍k; che m̄-sī thang hang sio ê hóe-thòaⁿ, mā m̄-sī thang chē tī i ê bīn-chêng ê hóe. | 注释 串珠 卢俊义 康来昌 原文 典藏 |
| 47:15 | Lí só͘ lô-khó͘ ha̍k-si̍p ê tāichì, tùi lí lâi kóng lóng ē chhin-chhiūⁿ ánne; tùi lí siàu-liân ê sî to̍h kah lí chò senglí ê mā ta̍k lâng tńg-khì i ê pún só͘-chāi, bô lâng lâu lo̍h-lâi kiù lí. | 注释 串珠 卢俊义 康来昌 原文 典藏 |