| 章节 | 全民台语圣经全罗经文 | 注释 |
| 24:1 | Siōng-chú beh Chek-hoa̍t Sè-kàiLí khòaⁿ, Siōng-chú hō͘ tē khang-hi, piàn-chò pha-hng, koh kā tāi-tē hoan liàn-tńg, hō͘ tòa tī hia ê jîn-bîn sì-sòaⁿ. | 注释 串珠 卢俊义 康来昌 原文 典藏 |
| 24:2 | Hit sî, jîn-bîn án-chóaⁿ, chè-si mā ē ánne; lô͘-po̍k án-chóaⁿ, chú-lâng mā ē ánne; lú-pī án-chóaⁿ, chú-bó mā ē ánne; bé mi̍h ê lâng án-chóaⁿ, bē mi̍h ê lâng mā ē ánne; pàng-chè ê lâng án-chóaⁿ, chioh chè ê lâng mā ē ánne; the̍h lī-sek ê lâng án-chóaⁿ, chhut lī-sek ê lâng mā ē ánne. | 注释 串珠 卢俊义 康来昌 原文 典藏 |
| 24:3 | Tē ē chò chi̍t-ē khang-hi, lóng tú tio̍h chhiúⁿ-kiap. In-ūi chit-ê ōe sī Siōng-chú kóng ê. | 注释 串珠 卢俊义 康来昌 原文 典藏 |
| 24:4 | Tē chiūⁿ pi-ai soe-thè, sè-kài hú-pāi soe-thè, tē-chiūⁿ tiàm tī koân ūi ê lâng mā hú-pāi. | 注释 串珠 卢俊义 康来昌 原文 典藏 |
| 24:5 | Tē hō͘ tòa tī hit téng-bīn ê jîn-bîn òe lahsap, in-ūi in hoān tio̍h hiahê lu̍t-hoat, hùi-tû lu̍t-lē, koh ûi-pōe éng-oán ê iok. | 注释 串珠 卢俊义 康来昌 原文 典藏 |
| 24:6 | Só͘-í, tē hō͘ chiù-chó͘ thun-bia̍t, tòa tī hit téng-bīn ê lâng mā siū gí chōe. Tē chiūⁿ ê jîn-bîn siū sio-húi, só͘ chhun lo̍h-.lâi ê lâng chió-chió. | 注释 串珠 卢俊义 康来昌 原文 典藏 |
| 24:7 | Sin chiú pi-ai, phû-tô chhiū húi-hoāi; sim-lāi khoài-lo̍k ê lâng lóng thó͘-khùi. | 注释 串珠 卢俊义 康来昌 字典 原文 典藏 |
| 24:8 | Phah kó͘ ê khoài-lo̍k lóng bô-.khì; iàn-lo̍k ê siaⁿ-im lóng soah, tôaⁿ khîm ê khoài-lo̍k mā lóng siau-sit-.khì. | 注释 串珠 卢俊义 康来昌 字典 原文 典藏 |
| 24:9 | In bē tàng chhiùⁿ koa lim chiú; kāu chiú tùi lim ê lâng ē chiâⁿ-chò khó͘. | 注释 串珠 卢俊义 康来昌 字典 原文 典藏 |
| 24:10 | Pha-hng ê siâⁿ í-keng thiah-húi, ta̍k keng chhù lóng koaiⁿ mn̂g, lâng lóng bē tàng ji̍p-.khì. | 注释 串珠 卢俊义 康来昌 原文 典藏 |
| 24:11 | Tī ke-lō͘ in-ūi bô chiú thang lim, ū pi-ai ê siaⁿ; só͘-ū ê hoaⁿ-hí piàn-chò o͘-àm, tē-chiūⁿ ê khoài-lo̍k lóng siau-sit-.khì. | 注释 串珠 卢俊义 康来昌 字典 原文 典藏 |
| 24:12 | Siâⁿ lāi í-keng pha-hng, siâⁿ mn̂g lóng húi-hoāi. | 注释 串珠 卢俊义 康来昌 字典 原文 典藏 |
| 24:13 | In-ūi tī tē-chiūⁿ, tī bān-bîn ê tiong-kan, ē chhin-chhiūⁿ siū phah-kòe ê kaⁿ-ná chhiū, koh chhin-chhiūⁿ phû-tô bán liáu só͘ chhun lo̍h-.lâi ê. | 注释 串珠 卢俊义 康来昌 字典 原文 典藏 |
| 24:14 | Chiahê lâng ē chhut tōa-siaⁿ, ē hoaⁿ-hí kiò. In ūi tio̍h Siōng-chú ê ui-giâm, tùi hái-.ni̍h lâi tōa-siaⁿ hoah. | 注释 串珠 卢俊义 康来昌 原文 典藏 |
| 24:15 | In-ūi ánne, lín tio̍h tī tang-hong êng-kng Siōng-chú; tī chiahê tó-sū êng-kng Siōng-chú — I-su-la-el Siōng-tè ê miâ. | 注释 串珠 卢俊义 康来昌 原文 典藏 |
| 24:16 | Goán thiaⁿ tio̍h tùi tē-ke̍k ū lâng chhiùⁿ koa, kóng, " Êng-kng kui tī gī ê lâng." Chóng-.sī, góa kóng: Góa siau-bia̍t à! Góa siau-bia̍t à! Góa ū chai-hō! Kúi-chà ê kiâⁿ kúi-chà, kúi-chà ê lâng tōa kiâⁿ kúi-chà. | 注释 串珠 卢俊义 康来昌 原文 典藏 |
| 24:17 | Tē chiūⁿ ê jîn-bîn, kiaⁿ-hiâⁿ, hām-kheⁿ kah oa̍h-tauh lóng ē lîm-kàu lí. | 注释 串珠 卢俊义 康来昌 字典 原文 典藏 |
| 24:18 | Siám-phiah kiaⁿ-hiâⁿ ê siaⁿ ê lâng ē poa̍h-lo̍h hām-kheⁿ; tùi hām-kheⁿ khí-.lâi ê lâng ē hō͘ oa̍h-tauh tauh-.tio̍h; in-ūi thiⁿ-téng ê thang-á lóng khui, tē ê kin-ki mā tín-tāng. | 注释 串珠 卢俊义 康来昌 字典 原文 典藏 |
| 24:19 | Tē chò chi̍t-ē phò-hoāi, tē choân-pō͘ pang-li̍h, tē tōa iô-tāng. | 注释 串珠 卢俊义 康来昌 原文 典藏 |
| 24:20 | Tē ē tian-tian tó-tó, chhin-chhiūⁿ chiú-chùi ê lâng, koh iô lâi iô-khì, chhin-chhiūⁿ tiàu-chhn̂g. Chōe-kò tāng-tāng teh in, tì-sú in it-tēng ē tó lo̍h-.khì, bē tàng koh khí-.lâi. | 注释 串珠 卢俊义 康来昌 原文 典藏 |
| 24:21 | Kàu hit ji̍t, Siōng-chú ē tī thiⁿ-téng chek-hoa̍t thiⁿ-téng ê chèng kun-peng, tī tē-chiūⁿ ē chek-hoa̍t tē-chiūⁿ ê lia̍t ông. | 注释 串珠 卢俊义 康来昌 原文 典藏 |
| 24:22 | In ē siū chū-chi̍p, chhin-chhiūⁿ hoān-lâng siū chū-chi̍p tī hām-kheⁿ, mā ē siū koaiⁿ tī kaⁿ lāi. Chin chē ji̍t liáu-āu, chiū ē ū chhú-hoa̍t lîm-kàu in. | 注释 串珠 卢俊义 康来昌 字典 原文 典藏 |
| 24:23 | Hit sî, goe̍h ē kiàn-siàu, ji̍t ē làu-khùi; in-ūi bān-kun ê Siōng-chú ē tī Si-óng soaⁿ, tī Ê-lú-sa-lèm chò ông, tī I ê tiúⁿ-ló ê bīn-chêng ē ū êng-kng. | 注释 串珠 卢俊义 康来昌 原文 典藏 |