| 章节 | 全民台语圣经全罗经文 | 注释 |
| 2:1 | Éng-oán ê Hô-pêng( MKS 4: 1-3)A-mô͘-su ê kiáⁿ I-sá-iah só͘ tit tio̍h koan-hē Iô-tah kah Ê-lú-sa-lèm ê be̍k-sī. | 注释 串珠 卢俊义 康来昌 小组 原文 典藏 |
| 2:2 | Kàu hiahê ji̍t liáu-āu, Siōng-chú tiān ê soaⁿ beh kiàn-li̍p tī chiahê soaⁿ ê téng-bīn, pôaⁿ-kòe só͘-ū ê soaⁿ-niá; bān-kok lóng ē lâi kui-sūn. | 注释 串珠 卢俊义 康来昌 小组 原文 典藏 |
| 2:3 | Ū chin chē kok ê jîn-bîn ē khì, kóng, " Lâi, lán lâi-khì chiūⁿ Siōng-chú ê soaⁿ, kàu Iâ-kop ê Siōng-tè ê tiān; I ē ēng I ê tō-lō͘ kà-sī lán, lán mā ē kiâⁿ I ê lō͘; in-ūi lu̍t-hoat ē tùi Si-óng chhut, Siōng-chú ê ōe ē tùi Ê-lú-sa-lèm thoân-pò͘." | 注释 串珠 卢俊义 康来昌 小组 字典 原文 典藏 |
| 2:4 | Siōng-tè ē tī lia̍t kok tiong lâi sím-phòaⁿ, ūi tio̍h chin chē jîn-bîn lâi kái-koat. In ē kā in ê to phah-chò lê-thâu, kā in ê chhiuⁿ phah-chò liâm-á. Chit kok bô gia̍h to kong-kek hit kok, in mā bô koh ha̍k-si̍p kau-chiàn. | 注释 串珠 卢俊义 康来昌 小组 字典 原文 典藏 |
| 2:5 | Iâ-kop ê ke, tio̍h lâi! Lán tio̍h tī Siōng-chú ê kng-bêng tiong lâi kiâⁿ. | 注释 串珠 卢俊义 康来昌 小组 原文 典藏 |
| 2:6 | Kiau-ngō͘ ê lâng ē siū kàng kēSiōng-chú, Lí ū pàng-sak Lí ê chú-bîn, Iâ-kop ê ke; in-ūi in chhiong-móa tang-hong ê hong-sio̍k, chhin-chhiūⁿ Hui-lī-sū lâng teh kiâⁿ siâ-su̍t, mā kah gōa-pang lâng kiat iok. | 注释 串珠 卢俊义 康来昌 小组 原文 典藏 |
| 2:7 | In ê tē ū kim-gîn móa-móa, in ê châi-pó sǹg bē liáu; in ê tē ū bé móa-móa, in ê chhia mā sǹg bē liáu. | 注释 串珠 卢俊义 康来昌 小组 字典 原文 典藏 |
| 2:8 | In ê tē ū ngó͘-siōng móa-móa, in kūi-pài kakī ê chhiú só͘ chō ê siōng, to̍h-sī kakī ê chéng-thâu-á só͘ chò ê siōng. | 注释 串珠 卢俊义 康来昌 小组 字典 原文 典藏 |
| 2:9 | Pi-chiān ê lâng khut-lo̍h, chun-kùi ê lâng kàng kē. Lí m̄ thang kā in sià-bián. | 注释 串珠 卢俊义 康来昌 小组 原文 典藏 |
| 2:10 | Lí tio̍h ji̍p-khì chio̍h-tōng, bih tī thô͘-.ni̍h, siám-phiah Siōng-chú ê hián-hek kah I ui-giâm ê êng-kng. | 注释 串珠 卢俊义 康来昌 小组 原文 典藏 |
| 2:11 | Kàu hit ji̍t, ba̍k-thâu koân ê lâng ē siū kàng kē, kiau-ngō͘ ê lâng ē siū khut-lo̍h; to̍k-to̍k Siōng-chú chì-chun bô pí. | 注释 串珠 卢俊义 康来昌 小组 原文 典藏 |
| 2:12 | In-ūi bān-kun ê Siōng-chú ū chi̍t ji̍t ē kong-kek só͘-ū kiau-ngō͘ ê lâng, só͘-ū seng koân ê lâng lóng ē kàng kē. | 注释 串珠 卢俊义 康来昌 小组 原文 典藏 |
| 2:13 | Siōng-chú koh kong-kek Le-ba-nòng só͘-ū koân-tōa ê pek-hiuⁿ chhiū kah Ba-siáng só͘-ū ê siōng chhiū; | 注释 串珠 卢俊义 康来昌 小组 字典 原文 典藏 |
| 2:14 | Kong-kek só͘-ū ê koân soaⁿ kah só͘-ū tōa ê soaⁿ-niá; | 注释 串珠 卢俊义 康来昌 小组 原文 典藏 |
| 2:15 | Kong-kek só͘-ū ê siâⁿ-pó kah só͘-ū kian-kò͘ ê siâⁿ chhiûⁿ; | 注释 串珠 卢俊义 康来昌 小组 字典 原文 典藏 |
| 2:16 | koh kong-kek Tal-si-sih só͘-ū ê chûn-chiah kah só͘-ū thang ì-ài ê súi mi̍h. | 注释 串珠 卢俊义 康来昌 小组 字典 原文 典藏 |
| 2:17 | Kiau-ngō͘ ê lâng ē siū khut-lo̍h, kiau-ngō͘-ê lâng ē siū kàng-chò kē; tī hit ji̍t, to̍k-to̍k Siōng-chú chì-chun bô pí. | 注释 串珠 卢俊义 康来昌 小组 原文 典藏 |
| 2:18 | Ngó͘-siōng ē chò chi̍t-ē siau-bia̍t. | 注释 串珠 卢俊义 康来昌 小组 字典 原文 典藏 |
| 2:19 | Siōng-chú khí-.lâi, hō͘ tē tōa tín-tāng ê sî, lâng chiū ji̍p-khì chio̍h-tōng, ji̍p-khì thô͘-khang, siám-phiah Siōng-chú ê hián-hek kah I ui-giâm ê êng-kng. | 注释 串珠 卢俊义 康来昌 小组 原文 典藏 |
| 2:20 | Kàu hit ji̍t, lâng ē kā só͘ chō lâi pài ê gîn ê ngó͘-siōng kah kim ê ngó͘-siōng, hiat hō͘ chhân-chhú kah bi̍t-pô. | 注释 串珠 卢俊义 康来昌 小组 字典 原文 典藏 |
| 2:21 | Kàu Siōng-chú khí-.lâi, hō͘ tē tōa tín-tāng ê sî, lâng ē ji̍p-khì chio̍h-pôaⁿ phāng kah soaⁿ-tōng, siám-phiah Siōng-chú ê hián-hek kah I ui-giâm ê êng-kng. | 注释 串珠 卢俊义 康来昌 小组 原文 典藏 |
| 2:22 | Lín m̄ thang óa-khò sè-kan lâng, in chí-put-kò sī ū chi̍t kháu khùi tī phīⁿ-khang, in thang sǹg-chò sī siáⁿ-mi̍h? | 注释 串珠 卢俊义 康来昌 小组 原文 典藏 |