| 章节 | 全民台语圣经全罗经文 | 注释 |
| 7:1 | Bêng-tì kah Gû-gōng ê Chha-pia̍tMiâ-siaⁿ pí hó ê ko-iû khah hó; lâng sí ê ji̍t pí chhut-sì ê ji̍t khah hó. | 注释 串珠 康来昌 字典 原文 典藏 |
| 7:2 | Khì pān song-sū ê ke pí khì iàn-lo̍k ê ke khah hó; in-ūi che sī chèng lâng ê kiat-kio̍k, oa̍h ê lâng mā ē kā chit-ê tāichì hē tī sim-.ni̍h. | 注释 串珠 康来昌 原文 典藏 |
| 7:3 | Iu-būn pí hoan-chhiò khah hó, in-ūi bīn tài iu-iông ē hō͘ sim khoài-lo̍k. | 注释 串珠 康来昌 原文 典藏 |
| 7:4 | Tì-hūi lâng ê sim tī pān song-sū ê ke; gû-gōng lâng ê sim tī khoài-lo̍k ê ke. | 注释 串珠 康来昌 原文 典藏 |
| 7:5 | Thiaⁿ tì-hūi lâng ê chek-pī, pí thiaⁿ gû-gōng lâng ê chhiùⁿ koa khah hó. | 注释 串珠 康来昌 原文 典藏 |
| 7:6 | Gōng lâng ê chhiò chhin-chhiūⁿ tiáⁿ-ē teh sio chhì-á ê siaⁿ. Che mā sī khang-hi. | 注释 串珠 康来昌 字典 原文 典藏 |
| 7:7 | Le̍k-sek ē hō͘ tì-hūi ê lâng piàn gû-gōng, o͘-se ē pāi-hoāi lâng ê sim-su. | 注释 串珠 康来昌 原文 典藏 |
| 7:8 | Hó thâu put-jû hó bóe. Sim jím-nāi iâⁿ-kòe sim kiau-ngō͘. | 注释 串珠 康来昌 原文 典藏 |
| 7:9 | Lí ê sim m̄ thang sò-sèng lâi siū-khì; in-ūi siū-khì chûn tī gōng lâng ê sim-hoâi. | 注释 串珠 康来昌 原文 典藏 |
| 7:10 | Lí m̄ thang kóng, chá-chêng ê ji̍t-chí ná ē iâⁿ-kòe hiān-kim ê ji̍t-chí? In-ūi lí ánne mn̄g m̄-sī chhut tī tì-hūi. | 注释 串珠 康来昌 原文 典藏 |
| 7:11 | Tì-hūi kah sán-gia̍p kāng-khoán sī hó, tùi khòaⁿ tio̍h ji̍t-kng ê lâng, koh khah ū lī-ek. | 注释 串珠 康来昌 原文 典藏 |
| 7:12 | In-ūi tì-hūi ē tì-ìm lâng, chîⁿ-gîn mā ē tì-ìm lâng; chóng-.sī, tì-hūi ē pó-choân i pún-lâng ê oa̍h-miā, che to̍h-sī tì-sek ê lī-ek. | 注释 串珠 康来昌 字典 原文 典藏 |
| 7:13 | Lí tio̍h siūⁿ Siōng-tè ê chok-ûi, in-ūi I hō͘ i oan-.khì ê, siáⁿ lâng ē-tàng hō͘ i koh piàn ti̍t? | 注释 串珠 康来昌 原文 典藏 |
| 7:14 | Heng-thong ê ji̍t, lí tio̍h hoaⁿ-hí; tú tio̍h hoān-lān ê ji̍t, lí tio̍h su-sióng. In-ūi Siōng-tè hō͘ nn̄g hāng pêⁿ-pêⁿ pâi-teh, ūi tio̍h beh hō͘ lâng chhâ bē chhut sin-āu ū siáⁿ-mi̍h sū. | 注释 串珠 康来昌 原文 典藏 |
| 7:15 | Ū gī lâng kiâⁿ gī, tian-tò bia̍t-bông; ū pháiⁿ lâng kiâⁿ pháiⁿ, tian-tò chia̍h tn̂g hòe-siū. Góa tī khang-hi ê ji̍t-chí lóng ū khòaⁿ-.tio̍h. | 注释 串珠 康来昌 原文 典藏 |
| 7:16 | M̄-thang kiâⁿ gī siuⁿ chē, m̄ thang tì-hūi kòe-thâu; lâng ná ē pāi-hoāi kakī? | 注释 串珠 康来昌 原文 典藏 |
| 7:17 | M̄-thang kiâⁿ pháiⁿ siuⁿ chē, mā m̄ thang chò gōng lâng, ná ē ū lâng kî iáu-bōe kàu to̍h lâi sí? | 注释 串珠 康来昌 原文 典藏 |
| 7:18 | Lí chhî-siú chit-ê sī hó, hit-ê mā m̄ thang pàng chhiú, in-ūi kèng-ùi Siōng-tè ê lô͘-po̍k ē-tàng thoat-lī chiahê tāichì. | 注释 串珠 康来昌 原文 典藏 |
| 7:19 | Tì-hūi hō͘ tì-hūi ê lâng ū lêng-le̍k, iâⁿ-kòe siâⁿ lāi cha̍p-ê chiáng-koân-chiá. | 注释 串珠 康来昌 原文 典藏 |
| 7:20 | Kiâⁿ hó koh bô hoān chōe ê gī lâng, sè-chiūⁿ si̍t-chāi sī bô chit khoán lâng. | 注释 串珠 康来昌 原文 典藏 |
| 7:21 | Lâng só͘ kóng ê ōe m̄ thang lóng hē tī sim-lāi, chiah bián-tit thiaⁿ tio̍h lí ê lô͘-po̍k kā lí chiù-chó͘. | 注释 串珠 康来昌 原文 典藏 |
| 7:22 | In-ūi lí ê sim kakī chai, lí mā bat chin chē pái chiù-chó͘ pa̍t lâng. | 注释 串珠 康来昌 原文 典藏 |
| 7:23 | Góa bat ēng tì-hūi chhì-giām só͘-ū ê tāichì; góa kóng, góa beh chò tì-hūi ê lâng, chóng-.sī, tì-hūi lī-khui góa hn̄g-hn̄g. | 注释 串珠 康来昌 原文 典藏 |
| 7:24 | Só͘-ū ê tāichì sī hn̄g koh chhim, siáⁿ lâng ē-tàng chhek-to̍k? | 注释 串珠 康来昌 原文 典藏 |
| 7:25 | Góa oa̍t tńg-lâi siūⁿ, góa choan-sim ài chai, ài chhâ-khó, mā chhōe tì-hūi kah bān sū ê lí-iû, koh ài chai siâ-ok sī gû-gōng, gû-chhún sī tian-kông. | 注释 串珠 康来昌 原文 典藏 |
| 7:26 | Góa koh chhâ-chhut chi̍t hāng pí sí khah kan-khó͘ ê tāichì, to̍h-sī ū chi̍t chióng chabó͘ lâng, i ê sim sī oa̍h-tauh kah lô-bāng, i ê chhiú sī só-liān; só͘-ū tit tio̍h Siōng-tè hoaⁿ-hí ê lâng ē siám-phiah i; chóng-.sī, ū chōe ê lâng hō͘ i lia̍h tio̍h. | 注释 串珠 康来昌 字典 原文 典藏 |
| 7:27 | Thoân-tō-chiá kóng, lí khòaⁿ, góa ài chai i ê sò͘-gia̍h, chi̍t hāng chi̍t hāng lâi pí-kàu, chiū chhōe tio̍h chit-ê. | 注释 串珠 康来昌 原文 典藏 |
| 7:28 | Góa ê sim ài beh chhōe i mā bē tàng chhōe-.tio̍h. Ū lâng kóng, " Tī chi̍t chheng lâng ê tiong-kan góa ē chhōe tio̍h chi̍t-ê chèng-ti̍t ê chapo͘ lâng, tī hiahê lâng ê tiong-kan, góa bô chhōe tio̍h chi̍t-ê chèng-ti̍t chabó͘ lâng. " | 注释 串珠 康来昌 原文 典藏 |
| 7:29 | Lí khòaⁿ, góa chí ū chhōe tio̍h chit-ê, to̍h-sī Siōng-tè chhòng-chō lâng pún sī chèng-ti̍t, chóng-.sī, in chhōe-chhut chin chē kî-khiáu ê kè-bô͘. | 注释 串珠 康来昌 原文 典藏 |