| 章节 | 全民台语圣经全罗经文 | 注释 |
| 18:1 | Ta-bi̍t ê Khái soân（ SMH 22:1-51）（ Siōng-tè ê lô͘-po̍k — Ta-bi̍t ê si; kau hō͘ ga̍k-koaⁿ. Tng Siōng-chú kiù i thoat-lī só͘-ū ê tùi-te̍k kah Sàu-lô ê chhiú ê ji̍t, i tùi Siōng-chú gîm chit siú si ê ōe, kóng, ）Siōng-chú — góa ê khùi-la̍t ah, góa thiàⁿ Lí. | 注释 串珠 康来昌 原文 典藏 |
| 18:2 | Siōng-chú sī góa ê soaⁿ-giâm, góa ê soaⁿ-chē, góa ê Kiù-chú; góa ê Siōng-tè, góa ê chio̍h-pôaⁿ, góa beh óa-khò I; I sī góa ê tîn-pâi, sī kiù góa ê hō-kak, sī góa ê siâⁿ-pó. | 注释 串珠 康来昌 原文 典藏 |
| 18:3 | Góa beh kiû-kiò eng-kai tio̍h oló ê Siōng-chú, góa chiū ē tit tio̍h kiù, lâi thoat-lī góa ê tùi-te̍k. | 注释 串珠 康来昌 字典 原文 典藏 |
| 18:4 | Sí-bông ê soh-á tîⁿ góa, húi-lūi ê tōa-chúi hō͘ góa kiaⁿ. | 注释 串珠 康来昌 原文 典藏 |
| 18:5 | Im-kan ê soh-á ûi-khùn góa, sí-bông ê lô-bāng lîm-kàu góa. | 注释 串珠 康来昌 字典 原文 典藏 |
| 18:6 | Góa tī khó͘-lān tiong kî-kiû Siōng-chú, tùi góa ê Siōng-tè kiû-kiò; I tùi I ê tiān lāi thiaⁿ tio̍h góa ê siaⁿ, góa tī I bīn-chêng ê khún-kiû ū ji̍p-khì I ê hīⁿ-khang. | 注释 串珠 康来昌 字典 原文 典藏 |
| 18:7 | In-ūi I siū-khì, tē chiū iô-choah; soaⁿ ê tē-ki mā tín-tāng iô-choah. | 注释 串珠 康来昌 字典 原文 典藏 |
| 18:8 | Tùi I ê phīⁿ-khang chhèng-chhut ian; tùi I ê chhùi lāi hoat-chhut hóe, thô͘-thòaⁿ chiū ánne to̍h khí-.lâi. | 注释 串珠 康来昌 原文 典藏 |
| 18:9 | I tùi thiⁿ-téng kàng lo̍h-.lâi, chhin-sin lîm-kàu, I ê kha chêng àm bong-bong. | 注释 串珠 康来昌 原文 典藏 |
| 18:10 | I khiâ ki-lō͘-peng teh poe; I ēng hong ê si̍t poe lo̍h-.lâi. | 注释 串珠 康来昌 原文 典藏 |
| 18:11 | I ēng o͘-àm chò bih sin ê só͘-chāi, I ēng chúi kah ba̍t hûn ûi khí-lâi chò tiùⁿ-pâng. | 注释 串珠 康来昌 字典 原文 典藏 |
| 18:12 | Ū pha̍uh kah teh to̍h ê hóe-thòaⁿ tùi I thâu-chêng ê kng siā chhut-.lâi, thu̍t-phòa o͘-àm ê ba̍t hûn. | 注释 串珠 康来昌 字典 原文 典藏 |
| 18:13 | Siōng-chú tī thiⁿ-.ni̍h khí lûi, Chì-koân-.ê chhut I ê siaⁿ, koh ū pha̍uh kah teh to̍h ê hóe-thòaⁿ. | 注释 串珠 康来昌 原文 典藏 |
| 18:14 | I siā-chhut I ê chìⁿ, hō͘ tùi-te̍k sì-sòaⁿ; hoat-chhut chin chē sihnà hō͘ in hūn-loān. | 注释 串珠 康来昌 原文 典藏 |
| 18:15 | Siōng-chú ah, Lí ê chek-pī chi̍t-ē hoat, Lí ê phīⁿ-khang ê khùi chi̍t-ē chhut, hái-té chiū chhut-hiān, tāi-tē ê kin-ki mā lō͘-hiān. | 注释 串珠 康来昌 字典 原文 典藏 |
| 18:16 | I tùi téng-bīn chhun chhiú khiú góa, tùi tōa-chúi ê tiong-kan kā góa kiù chhut-.lâi. | 注释 串珠 康来昌 原文 典藏 |
| 18:17 | I kiù góa thoat-lī hiong-béng ê tùi-te̍k, í-ki̍p hiahê oàn-hūn góa ê lâng, in-ūi in pí góa khah kiông. | 注释 串珠 康来昌 原文 典藏 |
| 18:18 | Góa tú tio̍h chai-lān ê ji̍t, in lâi kong-kek góa; chóng-.sī, Siōng-chú sī góa ê khò soaⁿ. | 注释 串珠 康来昌 原文 典藏 |
| 18:19 | I mā chhōa góa lâi-kàu khui-khoah ê só͘-chāi; I kiù góa, in-ūi I ì-ài góa. | 注释 串珠 康来昌 原文 典藏 |
| 18:20 | Siōng-chú chiàu góa ê gī pò-tap góa, chiàu góa chhiú ê chheng-khì pò-siúⁿ góa. | 注释 串珠 康来昌 原文 典藏 |
| 18:21 | In-ūi góa chun-siú Siōng-chú ê tō-lō͘, m̄ bat chò pháiⁿ lâi lī-khui góa ê Siōng-tè. | 注释 串珠 康来昌 原文 典藏 |
| 18:22 | I ê lu̍t-lē lóng tī góa ê bīn-chêng; I ê lé-gî, góa m̄ bat khì-sak. | 注释 串珠 康来昌 字典 原文 典藏 |
| 18:23 | Góa tī I ê bīn-chêng chiâⁿ-chò oân-choân, góa mā pó-siú kakī, lī-khui góa ê chōe-ok. | 注释 串珠 康来昌 原文 典藏 |
| 18:24 | Só͘-í, Siōng-chú pò-siúⁿ góa, sī chiàu góa ê gī, mā sī chiàu góa tī I ê ba̍k-chiu chêng só͘ chò ê chheng-khì. | 注释 串珠 康来昌 原文 典藏 |
| 18:25 | Chû-ài ê lâng, Lí ēng chû-ài tùi-thāi i; oân-choân ê lâng, Lí ēng oân-choân tùi-thāi i. | 注释 串珠 康来昌 原文 典藏 |
| 18:26 | Chheng-khì ê lâng, Lí ēng chheng-khì tùi-thāi i; koāi-phiah ê lâng, Lí ēng oan-khiau tùi-thāi i. | 注释 串珠 康来昌 原文 典藏 |
| 18:27 | Khùn-khó͘ ê lâng, Lí kā i kiù; chū-ko-ê ba̍k-chiu, Lí kā i kàng kē. | 注释 串珠 康来昌 原文 典藏 |
| 18:28 | Lí ē tiám-to̍h góa ê teng; Siōng-chú — góa ê Siōng-tè ē chiò-kam góa ê o͘-àm. | 注释 串珠 康来昌 原文 典藏 |
| 18:29 | In-ūi góa óa-khò Lí, ē-tàng kong-phòa tùi-te̍k; óa-khò góa ê Siōng-tè, ē-tàng thiàu kòe chhiûⁿ. | 注释 串珠 康来昌 字典 原文 典藏 |
| 18:30 | Chit ūi Siōng-tè, I ê tō-lō͘ oân-choân; Siōng-chú ê ōe ū keng-kòe toàn-liān; kiàn-nā óa-khò I ê, I chiū chò in ê tîn-pâi. | 注释 串珠 康来昌 字典 原文 典藏 |
| 18:31 | Siōng-chú í-gōa, siáⁿ lâng sī Siōng-tè? Goán ê Siōng-tè í-gōa, siáⁿ lâng sī chio̍h-pôaⁿ? | 注释 串珠 康来昌 字典 原文 典藏 |
| 18:32 | Chiū-sī hit ūi ēng khùi-la̍t hâ góa ê io, hō͘ góa ê lō͘ oân-choân ê Siōng-tè. | 注释 串珠 康来昌 原文 典藏 |
| 18:33 | I hō͘ góa ê kha chhin-chhiūⁿ lo̍k-bú ê kha, koh kā góa an-tì tī koân ê só͘-chāi. | 注释 串珠 康来昌 字典 原文 典藏 |
| 18:34 | I kàu-liān góa ê chhiú gâu kau-chiàn, hō͘ góa ê chhiú-kut ē khui tâng ê kiong. | 注释 串珠 康来昌 字典 原文 典藏 |
| 18:35 | Lí kā kiù-un ê tîn-pâi hō͘ góa, Lí ēng chiàⁿ chhiú hû-chhî góa, Lí ê un-hô hō͘ góa chò tōa. | 注释 串珠 康来昌 字典 原文 典藏 |
| 18:36 | Lí hō͘ góa só͘ ta̍h ê tē khui-khoah; góa ê kha m̄ bat ta̍h chhū khì. | 注释 串珠 康来昌 字典 原文 典藏 |
| 18:37 | Góa beh jiok góa ê tùi-te̍k, mā ē jiok tio̍h in; in iáu-bōe bia̍t-bông chìn-chêng, góa bô beh tò tńg-.khì. | 注释 串珠 康来昌 原文 典藏 |
| 18:38 | Góa beh kā in phah kah thiám-thiám, tì-sú in peh bē khí-.lâi; in ē tó tī góa ê kha chêng. | 注释 串珠 康来昌 原文 典藏 |
| 18:39 | Lí bat ēng khùi-la̍t hâ góa ê io, hō͘ góa gâu kau-chiàn; Lí hō͘ hiahê khí-lâi kong-kek góa ê lóng khut-ho̍k tī góa ê ē-bīn. | 注释 串珠 康来昌 原文 典藏 |
| 18:40 | Lí mā hō͘ góa ê tùi-te̍k oa̍t tńg-sin tô-cháu; hō͘ góa ē-tàng châu-bia̍t hiahê oàn-hūn góa ê lâng. | 注释 串珠 康来昌 原文 典藏 |
| 18:41 | In kiû-kiò, mā bô lâng kiù in; to̍h-sī kiû-kiò Siōng-chú, I mā bô ìn. | 注释 串珠 康来昌 原文 典藏 |
| 18:42 | Góa kā in tûi kah chhùi-chhùi, chhin-chhiūⁿ thô͘-soa hún hō͘ hong chhoe-sòaⁿ-.khì; kā in piàⁿ chhut-.khì, chhin-chhiūⁿ teh piàⁿ ke-lō͘ ê thô͘-môe. | 注释 串珠 康来昌 原文 典藏 |
| 18:43 | Lí kiù góa thoat-lī jîn-bîn ê tàu-cheng, Lí siat-li̍p góa chò lia̍t pang ê thâu; góa pún-lâi m̄ bat ê jîn-bîn ē ho̍k-sāi góa. | 注释 串珠 康来昌 字典 原文 典藏 |
| 18:44 | In chi̍t-ē thiaⁿ tio̍h góa ê miâ chiū sūn-ho̍k góa; ī-pang ê lâng ē lâi tâu-hâng. | 注释 串珠 康来昌 原文 典藏 |
| 18:45 | Ī-pang ê lâng ē soe-thè, kiaⁿ kah phi̍h-phi̍h chhoah, kiâⁿ-chhut in ê iâⁿ-chē. | 注释 串珠 康来昌 原文 典藏 |
| 18:46 | Siōng-chú sī éng-oán oa̍h ê. Goān góa ê chio̍h-pôaⁿ tit tio̍h oló; goān kiù góa ê Siōng-tè tit tio̍h ko-seng. | 注释 串珠 康来昌 字典 原文 典藏 |
| 18:47 | Ūi góa sin-oan ê hit ūi Siōng-tè, I hō͘ chèng lâng khut-ho̍k tī góa ê kha-ē. | 注释 串珠 康来昌 原文 典藏 |
| 18:48 | Siōng-chú ah, Lí kiù góa thoat-lī góa ê tùi-te̍k, Lí kā góa thê-seng kàu pí lâi kong-kek góa ê lâng khah koân; Lí kiù góa thoat-lī kiông-pō ê lâng. | 注释 串珠 康来昌 原文 典藏 |
| 18:49 | Siōng-chú ah, in-ūi ánne, góa beh tī lia̍t pang tiong kám-siā Lí, chhiùⁿ koa oló Lí ê miâ. | 注释 串珠 康来昌 原文 典藏 |
| 18:50 | Siōng-chú siúⁿ-sù ke̍k tōa ê kiù-un hō͘ I só͘ siat-li̍p ê ông; si-lo̍h chû-ài hō͘ siū I boah iû ê lâng, to̍h-sī hō͘ Ta-bi̍t kah i ê kiáⁿ-sun, ti̍t-kàu éng-oán. | 注释 串珠 康来昌 原文 典藏 |