| 章节 | 全民台语圣经全罗经文 | 注释 |
| 5:1 | Kî-kiû Pó-hō͘（ Ta-bi̍t ê si, kau hō͘ ga̍k-koaⁿ; ēng pûn ê ga̍k-khì ) Siōng-chú ah, kiû Lí àⁿ hīⁿ-khang thiaⁿ góa ê ōe, kàm-chhat góa ê sim-su. | 注释 串珠 康来昌 字典 原文 典藏 |
| 5:2 | Góa ê ông, góa ê Siōng-tè ah, kiû Lí thiaⁿ góa kiû-kiò ê siaⁿ! In-ūi góa teh ǹg Lí kî-tó. | 注释 串珠 康来昌 原文 典藏 |
| 5:3 | Siōng-chú ah, chá-khí sî Lí ē thiaⁿ góa ê siaⁿ; chá-khí sî góa beh tùi Lí pâi-lia̍t góa ê sim-ì, koh thèng-hāu Lí ê hôe-èng. | 注释 串珠 康来昌 原文 典藏 |
| 5:4 | In-ūi Lí m̄-sī hoaⁿ-hí chōe-ok ê Siōng-chú; pháiⁿ tāi Lí bô beh iông-ín. | 注释 串珠 康来昌 原文 典藏 |
| 5:5 | Kiau-ngō͘ ê lâng bē tàng khiā tī Lí ê bīn-chêng; chò pháiⁿ ê lâng lóng sī Lí só͘ oàn-hūn ê. | 注释 串珠 康来昌 原文 典藏 |
| 5:6 | Kóng pe̍h-chha̍t ê, Lí ē kā in siau-bia̍t; ài thâi lâng kah kan-kúi-ê, lóng sī Siōng-tè só͘ thó-ià ê. | 注释 串珠 康来昌 原文 典藏 |
| 5:7 | Koan-hē góa, góa beh pîn Lí hong-sēng ê chû-ài ji̍p-khì Lí ê tiān; góa beh chûn kèng-ùi ê sim, ǹg Lí ê sèng-tiān lâi kèng-pài. | 注释 串珠 康来昌 原文 典藏 |
| 5:8 | Siōng-chú ah, in-ūi tùi-te̍k teh tng-tán góa, kiû Lí chiàu Lí ê kong-gī, chhōa góa kiâⁿ chèng-ti̍t ê lō͘. | 注释 串珠 康来昌 字典 原文 典藏 |
| 5:9 | In-ūi in ê chhùi bô láu-si̍t, in ê sim ok-to̍k móa-móa; in ê nâ-âu sī khui-khui ê bōng; in ēng chi̍h phô͘-tháⁿ lâng. | 注释 串珠 康来昌 字典 原文 典藏 |
| 5:10 | Siōng-tè ah, kiû Lí tēng in ê chōe! Hō͘ in hām-lo̍h tī kakī ê kè-bô͘; in ê chōe-kò chin chē, goān Lí kā in kóaⁿ chhut-.khì, in-ūi in pōe-poān Lí. | 注释 串珠 康来昌 字典 原文 典藏 |
| 5:11 | Kiàn-nā óa-khò Lí ê, goān lí hō͘ in hoaⁿ-hí, goān in éng-oán hoaⁿ-hí chhut siaⁿ; in-ūi Lí teh kā in pì-iū, koh goān hiahê thiàⁿ-sioh Lí ê miâ ê lâng lóng in-ūi ū Lí ê tông-chāi lâi hoaⁿ-hí. | 注释 串珠 康来昌 原文 典藏 |
| 5:12 | Siōng-chú ah, Lí beh sù-hok hō͘ gī lâng, ēng un-hūi chhin-chhiūⁿ tîn-pâi kā i sì-bīn ûi khí-.lâi. | 注释 串珠 康来昌 原文 典藏 |