| 章节 | 全民台语圣经全罗经文 | 注释 |
| 40:1 | Iô-sé-huh Ūi Kaⁿ-iú Kái-bāngChiahê tāichì í-āu, Ai-gi̍p ông ê chiú-chèng kah tû-pâng-tiúⁿ tek-chōe in ê chú — Ai-gi̍p ông. | 注释 串珠 康来昌 原文 典藏 |
| 40:2 | Hôa-láu siū-khì i hit nn̄g-ê jîn-sîn, to̍h-sī chiú-chèng-tiúⁿ kah tû-pâng-tiúⁿ. | 注释 串珠 康来昌 原文 典藏 |
| 40:3 | I kā in koaiⁿ tī sī-ōe-tiúⁿ hú-lāi ê kaⁿ, to̍h-sī Iô-sé-huh siū koaiⁿ ê só͘-chāi. | 注释 串珠 康来昌 字典 原文 典藏 |
| 40:4 | Sī-ōe-tiúⁿ kā in kau-tài Iô-sé-huh, i chiū sū-hāu in; in chiū tī kaⁿ lāi ū chò-hóe chi̍t tōaⁿ sî-kan. | 注释 串珠 康来昌 原文 典藏 |
| 40:5 | Siū koaiⁿ tī kaⁿ lāi ê Ai-gi̍p ông ê chiú-chèng-tiúⁿ kah tû-pâng-tiúⁿ, nn̄g lâng kâng chi̍t mê kok bāng-kìⁿ chi̍t-ê bāng, lóng chiàu in kok chū bāng-.tio̍h ê ì-gī lâi kái-bāng. | 注释 串珠 康来昌 原文 典藏 |
| 40:6 | Kàu thiⁿ-kng, Iô-sé-huh ji̍p-khì in hia, khòaⁿ tio̍h in ū iu-būn ê khoán-sit. | 注释 串珠 康来昌 原文 典藏 |
| 40:7 | Iô-sé-huh chiū mn̄g Hôa-láu nn̄g-ê jîn-sîn, to̍h-sī kah i pêⁿ-pêⁿ koaiⁿ tī chú-lâng hú-lāi ê, kóng, " Kin-á-ji̍t lín án-chóaⁿ bīn tài iu-iông? " | 注释 串珠 康来昌 原文 典藏 |
| 40:8 | In kā Iô-sé-huh kóng, " Goán ta̍k lâng bāng-kìⁿ chi̍t-ê bāng, bô lâng thang kái-bāng. " Iô-sé-huh kā in kóng, " Kái-bāng kám m̄-sī chāi tī Siōng-tè? Chhiáⁿ lín kā góa kóng. " | 注释 串珠 康来昌 原文 典藏 |
| 40:9 | Chiú-chèng chiū tùi Iô-sé-huh soat-bêng i ê bāng, kóng, " Góa tī bāng tiong khòaⁿ tio̍h ū chi̍t châng phû-tô chhiū tī góa ê bīn-chêng, | 注释 串珠 康来昌 字典 原文 典藏 |
| 40:10 | chhiū téng ū saⁿ ki chhiū-ki teh puh íⁿ, khui hoe, jiân-āu kiat chi̍t pha chi̍t pha sêng-se̍k ê phû-tô. | 注释 串珠 康来昌 字典 原文 典藏 |
| 40:11 | Hôa-láu ê poe tī góa ê chhiú lāi, góa chiū the̍h phû-tô, tī Hôa-láu ê poe lāi ni̍h, jiân-āu kā poe phâng kau Hôa-láu ê chhiú. " | 注释 串珠 康来昌 字典 原文 典藏 |
| 40:12 | Iô-sé-huh kā i kóng, " Lí ê bāng sī ánne kái, saⁿ ki to̍h-sī saⁿ ji̍t, | 注释 串珠 康来昌 原文 典藏 |
| 40:13 | koh saⁿ ji̍t, Hôa-láu ē kí-khí lí ê thâu, hôe-ho̍k lí ê koaⁿ-chit. Hôa-láu ê chiú-poe ē iû-goân hē tī lí ê chhiú lāi, chhin-chhiūⁿ chá-chêng lí chò i ê chiú-chèng. | 注释 串珠 康来昌 字典 原文 典藏 |
| 40:14 | Lí nā tek-chì ê sî, tio̍h ē kì-tit góa, si un hō͘ góa, tī Hôa-láu ê bīn-chêng thè góa kóng chi̍t-siaⁿ, kiù góa chhut chit-ê kaⁿ. | 注释 串珠 康来昌 原文 典藏 |
| 40:15 | Góa si̍t-chāi sī tùi Hi-bú-lâi lâng ê tē hông bē lâi chia ê, góa tī chia mā bô chò-chhut siáⁿ-mi̍h m̄ tio̍h ê tāichì, thang hō͘ in kā góa koaiⁿ lo̍h kaⁿ. " | 注释 串珠 康来昌 字典 原文 典藏 |
| 40:16 | Tû-pâng-tiúⁿ khòaⁿ tio̍h bāng kái liáu hó, chiū kā Iô-sé-huh kóng, " Góa mā tī góa ê bāng tiong khòaⁿ-kìⁿ, tī góa ê thâu-khak téng ū saⁿ-kheng piak ê piáⁿ, | 注释 串珠 康来昌 字典 原文 典藏 |
| 40:17 | téng-bīn hit kheng ū té Hôa-láu só͘ chia̍h ta̍k chióng piak ê mi̍h, ū chiáu lâi tok góa thâu-khak téng kheng lāi ê mi̍h. " | 注释 串珠 康来昌 字典 原文 典藏 |
| 40:18 | Iô-sé-huh ìn i kóng, " Lí ê bāng sī ánne kái, saⁿ-kheng sī saⁿ ji̍t, | 注释 串珠 康来昌 字典 原文 典藏 |
| 40:19 | koh saⁿ ji̍t, Hôa-láu ē hō͘ lí ê thâu-khak lī-khui lí, kā lí tiàu tī chhâ téng, ē ū poe-chiáu lâi tok lí seng-khu ê bah. " | 注释 串珠 康来昌 字典 原文 典藏 |
| 40:20 | Kàu tē-saⁿ ji̍t, sī Hôa-láu ê seⁿ-ji̍t, i ūi chèng jîn-sîn pâi-siat iàn-se̍k, tī chiahê jîn-sîn ê bīn-chêng, thâi-kí chiú-chèng-tiúⁿ kah tû-pâng-tiúⁿ. | 注释 串珠 康来昌 原文 典藏 |
| 40:21 | I hō͘ chiú-chèng-tiúⁿ hôe-ho̍k koaⁿ-chit, i iû-goân ē-tàng phâng poe-lâi tī Hôa-láu ê chhiú; | 注释 串珠 康来昌 字典 原文 典藏 |
| 40:22 | chóng-.sī, i kā tû-pâng-tiúⁿ tiàu khí-.lâi, tútú chiàu Iô-sé-huh só͘ kā in kái-bāng ê. | 注释 串珠 康来昌 原文 典藏 |
| 40:23 | M̄ koh, chiú-chèng-tiúⁿ bô tài-liām tio̍h Iô-sé-huh, kèng-jiân kā i bē kì-.tit. | 注释 串珠 康来昌 原文 典藏 |