| 章节 | 全民台语圣经全罗经文 | 注释 |
| 39:1 | Iô-sé-huh kah Pho-ti-hoal ê Bó͘Iô-sé-huh hō͘ lâng chhōa lo̍h-khì Ai-gi̍p. Ū chi̍t-ê Ai-gi̍p lâng, i sī Hôa-láu ê jîn-sîn sī-ōe-tiúⁿ Pho-thê-hoal, tùi hiahê chhōa i lâi ê I-si-ma-el lâng ê chhiú kā i bé-.lâi. | 注释 串珠 原文 典藏 |
| 39:2 | Siōng-chú kah i tông-chāi, hō͘ i ta̍k hāng heng-thong; i tòa tī i ê chú-lâng Ai-gi̍p lâng ê ke. | 注释 串珠 原文 典藏 |
| 39:3 | I ê chú-lâng khòaⁿ tio̍h Siōng-chú kah i tông-chāi, jî-chhiáⁿ Siōng-chú hō͘ i ê chhiú só͘ chò ê lóng heng-thong, | 注释 串珠 原文 典藏 |
| 39:4 | Iô-sé-huh chiū tī chú-lâng ê bīn-chêng tit tio̍h un-tián, lâi kā i ho̍k-sāi; chú-lâng siat-li̍p i koán-lí i ê ke, kā it-chhè só͘-ū ê lóng kau i ê chhiú. | 注释 串珠 原文 典藏 |
| 39:5 | Chū-chiông chú-lâng siat-li̍p i koán-lí ka-sū kah i it-chhè só͘-ū ê, Siōng-chú ūi tio̍h Iô-sé-huh ê iân-kò͘, sù-hok tī hit-ê Ai-gi̍p lâng ê ke; kiàn-nā chhù lāi kah chhân-.ni̍h it-chhè só͘-ū ê lóng tit tio̍h Siōng-chú sù-hok. | 注释 串珠 原文 典藏 |
| 39:6 | I kā it-chhè só͘-ū ê lóng kau Iô-sé-huh ê chhiú, tû-khì i kakī só͘ chia̍h ê mi̍h í-gōa, pa̍t hāng só͘-ū ê i lóng m̄-chai. Iô-sé-huh eng-chùn koh phiau-phiat. | 注释 串珠 字典 原文 典藏 |
| 39:7 | Chiahê tāichì í-āu, Iô-sé-huh ê chú-bó chù-sîn khòaⁿ i, kóng, " Lâi kah góa khùn. " | 注释 串珠 原文 典藏 |
| 39:8 | Iô-sé-huh m̄-khéng. I tùi i ê chú-bó kóng, " Lí khòaⁿ, chhù lāi ū siáⁿ-mi̍h tī góa ê chhiú, góa ê chú-lâng lóng m̄-chai, i í-keng kā só͘-ū ê lóng kau tī góa ê chhiú tiong. | 注释 串珠 原文 典藏 |
| 39:9 | Τī chit chhù lāi bô chi̍t-ê pí góa khah tōa. Lí í-gōa, i bô chi̍t hāng bô kau hō͘ góa, in-ūi lí sī i ê bó͘. Góa ná thang kiâⁿ chit-ê tōa pháiⁿ, lâi tek-chōe Siōng-tè? " | 注释 串珠 原文 典藏 |
| 39:10 | Āu-lâi, i ta̍k ji̍t kah Iô-sé-huh kóng-ōe, Iô-sé-huh bô thiaⁿ i ê ōe, bô kah i khùn, mā bô kah i chò-tui. | 注释 串珠 康来昌 原文 典藏 |
| 39:11 | Ū chi̍t ji̍t, Iô-sé-huh ji̍p-khì chhù lāi pān i ê tāichì, hit sî bô chi̍t-ê lâng tī-.leh. | 注释 串珠 康来昌 原文 典藏 |
| 39:12 | Cha-bó͘ lâng chiū khiú i ê saⁿ, kóng, " Lí lâi kah góa khùn. " Iô-sé-huh kā saⁿ pàng tī i ê chhiú, cháu chhut-khì gōa-bīn. | 注释 串珠 康来昌 字典 原文 典藏 |
| 39:13 | Cha-bó͘ lâng khòaⁿ tio̍h Iô-sé-huh kā saⁿ pàng tī i ê chhiú-.ni̍h, koh cháu chhut-khì gōa-bīn, | 注释 串珠 康来昌 字典 原文 典藏 |
| 39:14 | Chiū kiò chhù lāi ê lâng lâi, tùi in kóng, " Lín khòaⁿ, góa ê tiōng-hu chhōa chi̍t-ê Hi-bú-lâi lâng ji̍p-lâi lán ê ke beh kā lán hì-lāng. I lâi góa chia, beh kah góa khùn, góa chiū tōa-siaⁿ hoah. | 注释 串珠 康来昌 原文 典藏 |
| 39:15 | I thiaⁿ tio̍h góa chhut siaⁿ hoah, chiū kā i ê saⁿ pàng tī góa chia, cháu chhut-khì gōa-bīn. " | 注释 串珠 康来昌 字典 原文 典藏 |
| 39:16 | Cha-bó͘ lâng kā Iô-sé-huh ê saⁿ siu tī i hia, thèng-hāu i ê chú-lâng tńg-.lâi, | 注释 串珠 康来昌 字典 原文 典藏 |
| 39:17 | chiū tùi i kóng-khí chiahê tāichì, kóng, " Lí só͘ chhōa-lâi lán tau ê hit-ê Hi-bú-lâi lô͘-po̍k lâi-kàu góa chia, beh kā góa hì-lāng, | 注释 串珠 康来昌 原文 典藏 |
| 39:18 | góa chhut siaⁿ hoah, i chiū kā i ê saⁿ pàng tī góa chia, cháu chhut-khì gōa-bīn. " | 注释 串珠 康来昌 字典 原文 典藏 |
| 39:19 | Chú-lâng thiaⁿ tio̍h i ê bó͘ tùi i só͘ kóng ê ōe, " Lí ê lô͘-po̍k chhin-chhiūⁿ ánne khoán-thāi góa. " I chiū siū-khì. | 注释 串珠 康来昌 原文 典藏 |
| 39:20 | Iô-sé-huh ê chú-lâng kā i koaiⁿ lo̍h kaⁿ, to̍h-sī ông ê chōe-hoān siū koaiⁿ ê só͘-chāi. Chiū ánne, Iô-sé-huh hông koaiⁿ tī hit-ê kaⁿ lāi. | 注释 串珠 康来昌 字典 原文 典藏 |
| 39:21 | Chóng-.sī, Siōng-chú kah Iô-sé-huh tông-chāi, si un hō͘ i, hō͘ i tī koán-kaⁿ ê lâng bīn-chêng tit tio̍h un-tián. | 注释 串珠 字典 原文 典藏 |
| 39:22 | Koán-kaⁿ ê chiū kā kaⁿ lāi só͘-ū ê hoān-lâng lóng kau Iô-sé-huh ê chhiú; tī hia só͘ chò ê tāichì, lóng sī Iô-sé-huh teh chò. | 注释 串珠 字典 原文 典藏 |
| 39:23 | Kiàn-nā Iô-sé-huh chhiú tiong ê tāichì, koán-kaⁿ ê it-khài bô chhap, in-ūi Siōng-chú kah Iô-sé-huh tông-chāi, jî-chhiáⁿ i só͘ chò ê, Siōng-chú lóng hō͘ i heng-thong. | 注释 串珠 字典 原文 典藏 |