| 章节 | 巴克礼全罗经文 | 注释 |
| 9:1 | Iâ-so͘ koh kā in kóng, góa si̍t-chāi kā lín kóng, Khiā-tī chia ê ū lâng iáu-bē sí, ōe khòaⁿ-kìⁿ Siōng-tè ê kok ēng koân-lêng lîm-kàu. | 注释 串珠 康来昌 读经 原文 典藏 |
| 9:2 | Kè la̍k ji̍t Iâ-so͘ tòa Pí-tek, Ngá-kok, Iok-hān, lēng-gōa chhōa in peh-chiūⁿ koâiⁿ soaⁿ, kan-ta in kap I tī-teh; | 注释 串珠 康来昌 读经 原文 典藏 |
| 9:3 | tng in ê bīn-chêng hêng-chōng piàn-ōaⁿ, I ê saⁿ chhàn-lān, ke̍k-kî pe̍h, sè-kan phio-pò͘ ê bōe-ōe hō͘ i pe̍h kàu án-ni. | 注释 串珠 康来昌 字典 读经 原文 典藏 |
| 9:4 | Ū Í-lī-a kap Mô͘-se tùi in hián-hiān, kap Iâ-so͘ kóng ōe. | 注释 串珠 康来昌 读经 原文 典藏 |
| 9:5 | Pí-tek tùi Iâ-so͘ kóng, Lia̍p-pí, lán tī chia chin hó, goán lâi tah saⁿ keng liâu-á, chi̍t keng hō͘ lí, chi̍t keng hō͘ Mô͘-se, chi̍t keng hō͘ Í-lī-a. | 注释 串珠 康来昌 字典 读经 原文 典藏 |
| 9:6 | Sī i m̄ chai tio̍h cháiⁿ-iūⁿ kóng, in-ūi in chin kiaⁿ. | 注释 串珠 康来昌 读经 原文 典藏 |
| 9:7 | Chiū ū hûn tà in, koh ū siaⁿ tùi hûn-ni̍h chhut kóng, Chit-ê sī góa thiàⁿ ê Kiáⁿ, lín tio̍h thiaⁿ I. | 注释 串珠 康来昌 读经 原文 典藏 |
| 9:8 | In hut-jiân sì-kè khòaⁿ, bô khòaⁿ-kìⁿ chi̍t lâng, chí ū Iâ-so͘ kap in tī hia nā-tiāⁿ. | 注释 串珠 康来昌 读经 原文 典藏 |
| 9:9 | In lo̍h soaⁿ ê sî Iâ-so͘ kìm in kóng, Jîn-chú iáu-bē tùi sí-lâng tiong koh-oa̍h, bo̍h-tit ēng só͘ khòaⁿ-kìⁿ ê kā lâng kóng. | 注释 串珠 康来昌 读经 原文 典藏 |
| 9:10 | Ha̍k-seng chip chit kù ōe, saⁿ-kap gī-lūn khòaⁿ tùi sí-lâng tiong koh-oa̍h, chit kù sím-mi̍h ì-sù. | 注释 串珠 康来昌 读经 原文 典藏 |
| 9:11 | Koh mn̄g Iâ-so͘ kóng, Keng-ha̍k-sū kóng, Í-lī-a tio̍h tāi-seng kàu, sī cháiⁿ-iūⁿ? | 注释 串珠 康来昌 读经 原文 典藏 |
| 9:12 | I ìn kóng, Í-lī-a kó-jiân tāi-seng lâi heng-khí bān hāng sū; koh cháiⁿ-iūⁿ kì-chài kóng, Jîn-chú tio̍h siū chōe-chōe kan-khó͘, hō͘ lâng khòaⁿ-khin ah? | 注释 串珠 康来昌 读经 原文 典藏 |
| 9:13 | Nā-sī góa kā lín kóng, Í-lī-a í-keng kàu, lâng iā chhut-chāi ì-sù khoán-thāi i, lóng chiàu só͘ kì-chài chí i ê ōe. | 注释 串珠 康来昌 读经 原文 典藏 |
| 9:14 | Í-keng kàu ha̍k-seng ê só͘-chāi, chiū khòaⁿ-kìⁿ kui tōa tīn lâng ûi in, iā ū keng-ha̍k-sū kap in piān-lūn. | 注释 串珠 康来昌 异文 读经 原文 典藏 |
| 9:15 | Lâng khòaⁿ-kìⁿ Iâ-so͘ liâm-piⁿ tōa gông-ngia̍h, cháu lâi chiū-kūn I, kā I chhéng-an. | 注释 串珠 康来昌 读经 原文 典藏 |
| 9:16 | I mn̄g in kóng, Lín kap in piān-lūn sím-mi̍h? | 注释 串珠 康来昌 读经 原文 典藏 |
| 9:17 | Chèng lâng tiong chi̍t lâng ìn I kóng, Sian-siⁿ, góa ū chhōa góa ê kiáⁿ kàu lí chia, i hoān-tio̍h é-káu ê sîn; | 注释 串珠 康来昌 读经 原文 典藏 |
| 9:18 | bô lūn tī sím-mi̍h só͘-chāi lia̍h i, chiū kā i siak-tó; i chiū lâu-nōa, kā-khí, koh tâ-lâ-khì; góa bat chhiáⁿ lí ê ha̍k-seng kóaⁿ i, iā in bōe-ōe. | 注释 串珠 康来昌 读经 原文 典藏 |
| 9:19 | Iâ-so͘ ìn kóng, Hàiⁿ ah, m̄ sìn ê sè-tāi ah, góa beh kap lín tòa jōa kú ah? góa beh thun-lún lín jōa kú ah? Tòa i lâi chiū-kūn góa. | 注释 串珠 康来昌 读经 原文 典藏 |
| 9:20 | In chiū tòa i lâi. Chi̍t ē khòaⁿ-kìⁿ Iâ-so͘, hit ê kúi liâm-piⁿ hō͘ i tōa thiu-chhoah, chiū tó tī thô͘-kha hoan-lâi hoan-khì lâu-nōa. | 注释 串珠 康来昌 读经 原文 典藏 |
| 9:21 | Iâ-so͘ mn̄g i ê lāu-pē kóng, I hoān-tio̍h chit-ê jōa kú lah? Kóng, Tùi sòe-hàn ê sî. | 注释 串珠 康来昌 读经 原文 典藏 |
| 9:22 | Ta̍uh-ta̍uh chiong i hiat-lo̍h hé, hiat-lo̍h chúi, beh bia̍t i. Chóng-sī lí nā ōe chòe sím-mi̍h, tio̍h lîn-bín lâi pang-chān goán. | 注释 串珠 康来昌 读经 原文 典藏 |
| 9:23 | Iâ-so͘ kā i kóng, Cháiⁿ-iūⁿ kóng, Lí nā ōe ah? ū sìn ê lâng, ta̍k hāng lóng ōe. | C注释 注释 串珠 康来昌 异文 读经 原文 典藏 |
| 9:24 | Gín-ná ê lāu-pē liâm-piⁿ âu-kiò kóng, Góa sìn lah; góa só͘ sìn bô kàu ê, lí tio̍h pang-chān góa. | 注释 串珠 康来昌 异文 读经 原文 典藏 |
| 9:25 | Iâ-so͘ khòaⁿ-kìⁿ kui tīn lâng cháu-óa lâi, chiū chek-pī hit ê siâ-sîn, kā i kóng, Lí é-káu chhàu-hī-lâng ê sîn ah, góa bēng-lēng lí lī-khui chit ê lâng, bô koh ji̍p i. | 注释 串珠 康来昌 读经 原文 典藏 |
| 9:26 | Hit ê sîn âu-kiò, tōa khiú-la̍k i, chiah chhut-khì; hit ê gín-ná chhin-chhiūⁿ sí chi̍t iūⁿ, tì-kàu lâng khah chōe kóng, I í-keng sí. | 注释 串珠 康来昌 读经 原文 典藏 |
| 9:27 | Nā-sī Iâ-so͘ khan i ê chhiú, hû i khí-lâi; i chiū khí-lâi. | 注释 串珠 康来昌 读经 原文 典藏 |
| 9:28 | Ji̍p chhù I ê ha̍k-seng àm-chīⁿ mn̄g I kóng, Goán bōe kóaⁿ i sī cháiⁿ-iūⁿ? | 注释 串珠 康来昌 读经 原文 典藏 |
| 9:29 | I kā in kóng, Nā m̄ sī ēng kî-tó, chit lūi chiū bōe tit i chhut. | 注释 串珠 康来昌 异文 读经 原文 典藏 |
| 9:30 | In tùi hia khì keng-kè Ka-lī-lī, Iâ-so͘ m̄ ài lâng chai. | 注释 串珠 康来昌 读经 原文 典藏 |
| 9:31 | In-ūi I kà-sī I ê ha̍k-seng, kā in kóng, Jîn-chú beh siū kè-sàng tī lâng ê chhiú, lâng beh hāi-sí I; hāi-sí liáu-āu saⁿ ji̍t beh koh-oa̍h. | 注释 串珠 康来昌 读经 原文 典藏 |
| 9:32 | In bōe hiáu-ngō͘ chit ê ōe, iā m̄ káⁿ mn̄g I. | 注释 串珠 康来昌 读经 原文 典藏 |
| 9:33 | In lâi kàu Ka-pek-lông, Iâ-so͘ tī chhù-lāi mn̄g in kóng, Lín tī lō͘-ni̍h gī-lūn sím-mi̍h? | 注释 串珠 康来昌 字典 读经 原文 典藏 |
| 9:34 | Ha̍k-seng chēng-chēng, in-ūi tī lō͘-ni̍h bat cheng-lūn chī-chūi chòe tōa. | 注释 串珠 康来昌 字典 读经 原文 典藏 |
| 9:35 | I chiū chē-teh, kiò cha̍p-jī ê ha̍k-seng, kā in kóng, Nā ài chòe tāi-seng ê tio̍h chòe chèng lâng ê lō͘-bé, iā chòe chèng lâng ê chhe-ēng. | 注释 串珠 康来昌 读经 原文 典藏 |
| 9:36 | Koh chhōa chi̍t ê gín-ná, hō͘ i khiā tī tiong-kan, sòa phō i; | 注释 串珠 康来昌 读经 原文 典藏 |
| 9:37 | kā ha̍k-seng kóng, Kìⁿ-nā ūi-tio̍h góa ê miâ chiap-la̍p chi̍t-ê chhin-chhiūⁿ chit hō ê gín-ná ê, chiū-sī chiap-la̍p góa; kìⁿ-nā chiap-la̍p góa ê, m̄ sī chiap-la̍p góa, chiū-sī chiap-la̍p chhe góa ê. | 注释 串珠 康来昌 读经 原文 典藏 |
| 9:38 | Iok-hān kā Iâ-so͘ kóng, Sian-siⁿ, goán bat khòaⁿ-kìⁿ chi̍t lâng ēng lí ê miâ kóaⁿ kúi; goán chiū kìm-chí i, in-ūi i bô tè lán. | 注释 串珠 康来昌 异文 读经 原文 典藏 |
| 9:39 | Iâ-so͘ kóng, Bo̍h-tit kìm i, in-ūi bô ū lâng hōng góa ê miâ kiâⁿ koân-lêng, iā ōe liâm-piⁿ húi-pòng góa. | 注释 串珠 康来昌 读经 原文 典藏 |
| 9:40 | Kìⁿ-nā bô kong-kek lán ê chiū-sī ūi lán. | 注释 串珠 康来昌 读经 原文 典藏 |
| 9:41 | Kìⁿ-nā in-ūi lín sio̍k Ki-tok, chiū ēng chi̍t poe chúi hō͘ lín lim ê, góa si̍t-chāi kā lín kóng, i chiong-lâi bô sit-lo̍h i ê siúⁿ. | 注释 串珠 康来昌 异文 字典 读经 原文 典藏 |
| 9:42 | Kìⁿ-nā hō͘ chiah-ê sìn góa ê bî-sòe ê chi̍t-ê khì hoān-chōe, hit lâng lêng-khó͘ siū tōa chio̍h-bō pa̍k i ê ām-kún, hiat tī hái-ni̍h. | 注释 串珠 康来昌 异文 字典 读经 原文 典藏 |
| 9:43 | Siat-sú lí chi̍t chhiú tì-kàu lí hoān-chōe chiū tio̍h chám-tn̄g i; lí lêng-khó͘ phòa-siùⁿ ji̍p tī oa̍h, bo̍h-tit nn̄g chhiú khì tē-ge̍k, ji̍p bōe hoa ê hé. | 注释 串珠 康来昌 异文 读经 原文 典藏 |
| 9:44 | | 注释 串珠 康来昌 原文 典藏 |
| 9:45 | Siat-sú lí chi̍t kha tì-kàu lí hoān-chōe, chiū tio̍h chám-tn̄g i; lí lêng-khó͘ pái-kha ji̍p oa̍h, bo̍h-tit nn̄g kha siū hiat-lo̍h tē-ge̍k. | 注释 串珠 康来昌 异文 读经 原文 典藏 |
| 9:46 | | 注释 串珠 康来昌 原文 典藏 |
| 9:47 | Siat-sú lí chi̍t ba̍k tì-kàu lí hoān-chōe, chiū tio̍h iah-khì; lí lêng-khó͘ chi̍t ba̍k ji̍p tī Siōng-tè ê kok, bo̍h-tit nn̄g ba̍k hiat-lo̍h tē-ge̍k; | 注释 串珠 康来昌 读经 原文 典藏 |
| 9:48 | tī hia in ê thâng bô sí, hé bô hoa. | 注释 串珠 康来昌 字典 读经 原文 典藏 |
| 9:49 | In-ūi ta̍k lâng beh ēng hé lâi sīⁿ i. | 注释 串珠 康来昌 异文 读经 原文 典藏 |
| 9:50 | Iâm sī hó; iâm nā sit-lo̍h i ê kiâm, beh ēng sím-mi̍h lâi ho̍k-tò i ê bī? Lín ê lāi-bīn eng-kai tio̍h ū iâm; iā tāi-ke tio̍h saⁿ hô-hó. | 注释 串珠 康来昌 读经 原文 典藏 |