| 章节 | 巴克礼全罗经文 | 注释 |
| 26:1 | Iâ-so͘ kóng chiah-ê ōe soah, chiū kā I ê ha̍k-seng kóng, | 注释 串珠 康来昌 读经 原文 典藏 |
| 26:2 | Lín chai kè nn̄g ji̍t pôaⁿ-kè-choeh chiū kàu, Jîn-chú tú-tio̍h kè-sàng khì tèng si̍p-jī-kè. | 注释 串珠 康来昌 字典 读经 原文 典藏 |
| 26:3 | Hit sî hiah-ê chè-si-thâu kap peh-sìⁿ ê tiúⁿ-ló chū-chi̍p tī chè-si-thâu, miâ Kai-a-hoat ê īⁿ, | 注释 串珠 康来昌 字典 读经 原文 典藏 |
| 26:4 | saⁿ-kap chham-siông ēng khúi-khiat ê kè lia̍h Iâ-so͘ lâi thâi I. | 注释 串珠 康来昌 读经 原文 典藏 |
| 26:5 | Chóng-sī kóng, Tng choeh-kî m̄-thang, kiaⁿ-liáu peh-sìⁿ ê tiong-kan ū jiáu-loān. | 注释 串珠 康来昌 读经 原文 典藏 |
| 26:6 | Iâ-so͘ tī Pek-tāi-nî, thái-ko Se-bûn ê chhù, | 注释 串珠 康来昌 读经 原文 典藏 |
| 26:7 | ū hū-jîn-lâng tòa ge̍k-pân, lāi-bīn tóe ke̍k kùi-khì ê hiuⁿ-iû, chiū-kūn I, tng I chē toh ê sî piàⁿ tī I thâu-khak téng. | 注释 串珠 康来昌 字典 读经 原文 典藏 |
| 26:8 | Ha̍k-seng khòaⁿ-kìⁿ chiū siū-khì, kóng, Án-ni phòa-hùi ū siáⁿ lō͘-ēng? | 注释 串珠 康来昌 读经 原文 典藏 |
| 26:9 | In-ūi chit ê iû ōe bōe-tit chōe-chōe gûn, lâi hō͘ sòng-hiong lâng. | 注释 串珠 康来昌 读经 原文 典藏 |
| 26:10 | Iâ-so͘ chai chiū kā in kóng, Lín siáⁿ-sū thiau-lân chit ê hū-jîn-lâng ah? in-ūi i só͘ kiâⁿ lâi khoán-thāi góa ê sī hó sū. | 注释 串珠 康来昌 读经 原文 典藏 |
| 26:11 | In-ūi siông-siông ū sòng-hiong lâng kap lín tī-teh, nā-sī góa bô siông-siông kap lín tī-teh. | 注释 串珠 康来昌 读经 原文 典藏 |
| 26:12 | In-ūi i tò chit ê iû tī góa seng-khu, chiū-sī pī-pān góa bâi-chòng lâi kiâⁿ ê. | 注释 串珠 康来昌 字典 读经 原文 典藏 |
| 26:13 | Góa si̍t-chāi kā lín kóng, Phó͘ thiⁿ-ē, bô lūn sím-mi̍h só͘-chāi thoân chit ê hok-im, iā beh kóng-khí chit ê hū-jîn-lâng só͘ kiâⁿ, lâi kì-liām i. | 注释 串珠 康来昌 读经 原文 典藏 |
| 26:14 | Hit sî cha̍p-jī ê ha̍k-seng chi̍t-ê, miâ chòe Ka-lio̍k lâng Iû-tāi, khì kìⁿ hiah-ê chè-si-thâu, | 注释 串珠 康来昌 读经 原文 典藏 |
| 26:15 | kóng, Lín beh hō͘ góa jōa chōe, góa beh chiong I kau hō͘ lín? In chiū kap i iok, hō͘ i gûn saⁿ-cha̍p. | 注释 串珠 康来昌 字典 读经 原文 典藏 |
| 26:16 | Tùi hit sî i chhē ki-hōe chiong Iâ-so͘ kau hō͘ in. | 注释 串珠 康来昌 读经 原文 典藏 |
| 26:17 | Tû-kàⁿ-choeh ê thâu-chi̍t ji̍t, ha̍k-seng chiū-kūn Iâ-so͘ kóng, Ài goán tī sím-mi̍h só͘-chāi kā lí pī-pān chia̍h pôaⁿ-kè-choeh? | 注释 串珠 康来昌 字典 读经 原文 典藏 |
| 26:18 | I kóng, Lín ji̍p siâⁿ chhē bó͘ lâng, kā i kóng, Sian-siⁿ kóng, Góa ê sî kūn lah; góa kap góa ê ha̍k-seng siú pôaⁿ-kè-choeh tī lí tau. | 注释 串珠 康来昌 读经 原文 典藏 |
| 26:19 | Ha̍k-seng chiàu Iâ-so͘ só͘ hoan-hù ê khì kiâⁿ; chiū pī-pān pôaⁿ-kè-choeh. | 注释 串珠 康来昌 读经 原文 典藏 |
| 26:20 | Kàu ji̍t àm Iâ-so͘ kap cha̍p-jī ê ha̍k-seng chē toh. | 注释 串珠 康来昌 读经 原文 典藏 |
| 26:21 | Chia̍h ê sî, Iâ-so͘ kóng, Góa si̍t-chāi kā lín kóng, lín tiong-kan chi̍t lâng beh bōe góa. | 注释 串珠 康来昌 读经 原文 典藏 |
| 26:22 | Chèng lâng chin iu-būn, chi̍t-ê chi̍t-ê kā I kóng, Chú ah, chóng bô sī góa o͘h? | 注释 串珠 康来昌 读经 原文 典藏 |
| 26:23 | I ìn kóng, Kap góa chhun chhiú tī pôaⁿ-ni̍h ê, hit-ê beh bōe góa. | 注释 串珠 康来昌 字典 读经 原文 典藏 |
| 26:24 | Jîn-chú tò-khì chiàu só͘ kì-chài chí I ê ōe; nā-sī bōe Jîn-chú ê ū chai-ē ah! hit lâng bô chhut-sì khah hó. | 注释 串珠 康来昌 读经 原文 典藏 |
| 26:25 | Bōe I ê Iû-tāi kóng, Lia̍p-pí, chóng bô sī góa o͘h? Kā i kóng, Lí í-keng kóng lah. | 注释 串珠 康来昌 读经 原文 典藏 |
| 26:26 | In teh chia̍h ê sî, Iâ-so͘ the̍h piáⁿ, chiok-siā peh-phòa, pun hō͘ ha̍k-seng, kóng, The̍h-khì chia̍h; chit-ê sī góa ê seng-khu. | 注释 串珠 康来昌 字典 读经 原文 典藏 |
| 26:27 | Koh phâng poe chiok-siā hō͘ in, kóng, Lín lóng tio̍h lim i; | 注释 串珠 康来昌 字典 读经 原文 典藏 |
| 26:28 | chit-ê sī góa ê huih, chiū-sī bêng iok ê huih, ūi-tio̍h chōe-chōe lâng lâi lâu-chhut ê, tì-kàu chōe tit-tio̍h sià-bián. | 注释 串珠 康来昌 读经 原文 典藏 |
| 26:29 | Nā-sī góa kā lín kóng, taⁿ liáu-āu góa bô lim chit ê phû-tô ê chiap, thèng-hāu hit ji̍t góa kap lín lim hit ê sin-ê tī góa ê Pē ê kok. | 注释 串珠 康来昌 字典 读经 原文 典藏 |
| 26:30 | Í-keng gîm si, chiū chhut-lâi, khì Kaⁿ-ná soaⁿ. | 注释 串珠 康来昌 字典 读经 原文 典藏 |
| 26:31 | Hit sî Iâ-so͘ kā in kóng, Kim-mî lín lóng beh ūi-tio̍h góa lâi siū that-gāi, in-ūi ū kì-chài kóng, Góa beh phah bo̍k-chiá, chiū iûⁿ-kûn sì-sòaⁿ. | 注释 串珠 康来昌 字典 读经 原文 典藏 |
| 26:32 | Nā-sī góa koh-oa̍h liáu-āu beh tāi-seng lín khì Ka-lī-lī. | 注释 串珠 康来昌 读经 原文 典藏 |
| 26:33 | Pí-tek ìn I kóng, Chèng lâng sui-jiân ūi-tio̍h lí lâi siū that-gāi, iā góa éng-éng bô siū that-gāi. | 注释 串珠 康来昌 读经 原文 典藏 |
| 26:34 | Iâ-so͘ kā i kóng, Góa si̍t-chāi kā lí kóng, kim-mî koe iáu-bē thî, lí beh saⁿ pái m̄ jīn góa. | 注释 串珠 康来昌 字典 读经 原文 典藏 |
| 26:35 | Pí-tek kā I kóng, Góa chiū nā tio̍h kap lí sí, iā koat-toàn bô m̄ jīn lí. Chèng ha̍k-seng iā lóng sī án-ni kóng. | 注释 串珠 康来昌 读经 原文 典藏 |
| 26:36 | Iâ-so͘ kap in kàu chi̍t só͘-chāi, miâ Khek-se-má-nî, kā I ê ha̍k-seng kóng, Lín chiah-ê chē chia, thèng-hāu góa khì hia kî-tó. | 注释 串珠 康来昌 读经 原文 典藏 |
| 26:37 | Chiah chhōa Pí-tek kap Se-pí-thài nn̄g ê kiáⁿ saⁿ-kap khì; chiū iu-būn, chhám-chhoeh. | 注释 串珠 康来昌 读经 原文 典藏 |
| 26:38 | Kā in kóng, Góa ê sim chin iu-būn kàu beh sí, lín tòa chia kap góa kéng-séng. | 注释 串珠 康来昌 读经 原文 典藏 |
| 26:39 | Lio̍h-lio̍h-á chìn-chêng, bīn phak tī tōe-ni̍h, kî-tó, kóng, Góa ê Pē ah, nā ōe chòe-tit, tio̍h hō͘ chit ê poe lī-khui góa; chóng-sī m̄ sī chiàu góa só͘ ài, sī chiàu lí só͘ ài. | 注释 串珠 康来昌 字典 读经 原文 典藏 |
| 26:40 | Chiū lâi ha̍k-seng hia, khòaⁿ-kìⁿ in teh khùn, kā Pí-tek kóng, Án-cháiⁿ-iūⁿ, lín bōe-ōe kap góa kéng-séng pòaⁿ-sî kú ah? | 注释 串珠 康来昌 读经 原文 典藏 |
| 26:41 | Tio̍h kéng-séng, tio̍h kî-tó, bián-tit ji̍p tī bê-he̍k; sim-sîn kam-goān, nā-sī jio̍k-thé nńg-chiáⁿ. | 注释 串珠 康来昌 读经 原文 典藏 |
| 26:42 | Tē jī pái koh khì kî-tó, kóng, Góa ê Pē ah, chit-ê poe nā bōe-tit lī-khui góa, tek-khak tio̍h góa lim i, chiū goān lí ê chí-ì tit chiâⁿ. | 注释 串珠 康来昌 读经 原文 典藏 |
| 26:43 | Koh-chài lâi khòaⁿ-kìⁿ in iū teh khùn, in-ūi in ê ba̍k-chiu siap. | 注释 串珠 康来昌 读经 原文 典藏 |
| 26:44 | Lī-khui in koh khì, tē saⁿ pái kî-tó, iā sī kóng hiah-ê ōe. | 注释 串珠 康来昌 读经 原文 典藏 |
| 26:45 | Hit tia̍p koh chiū-kūn ha̍k-seng, kā in kóng, Taⁿ thang khùn lâi an-hioh lah. Sî kūn lah, Jîn-chú siū bōe tī chōe-jîn ê chhiú. | 注释 串珠 康来昌 读经 原文 典藏 |
| 26:46 | Khí-lâi saⁿ-kap kiâⁿ; bōe góa ê lâng kūn lah. | 注释 串珠 康来昌 读经 原文 典藏 |
| 26:47 | Iáu teh kóng ê sî, hut-jiân cha̍p-jī ê ha̍k-seng ê chi̍t ê, Iû-tāi, lâi, iā ū kui tīn lâng kia̍h to kap thûi-á, tùi chiah-ê chè-si-thâu kap peh-sìⁿ ê tiúⁿ-ló hia saⁿ-kap lâi. | 注释 串珠 康来昌 字典 读经 原文 典藏 |
| 26:48 | Bōe I ê bat kap in thò àm-hō, kóng, Góa kā I chim ê, hit lâng chiū-sī, lín thang lia̍h I. | 注释 串珠 康来昌 读经 原文 典藏 |
| 26:49 | Chek-sî chiū-kūn Iâ-so͘, kóng, Lia̍p-pí, pêng-an; chiū ti̍t-ti̍t kā I chim. | 注释 串珠 康来昌 读经 原文 典藏 |
| 26:50 | Iâ-so͘ kā i kóng, Pêng-iú ah, lí beh lâi chòe ê, chiū chòe. Hiah ê lâng chiū chìn-chêng, khí chhiú lia̍h Iâ-so͘. | 注释 串珠 康来昌 读经 原文 典藏 |
| 26:51 | Hut-jiân ū kap Iâ-so͘ tī-teh ê chi̍t lâng chhun chhiú pu̍ih to, thâi chè-si-thâu ê lô͘-po̍k, siah-khì i chi̍t ê hī-á. | 注释 串珠 康来昌 读经 原文 典藏 |
| 26:52 | Iâ-so͘ chiū kā i kóng, Siu lí ê to ji̍p goân-ūi, in-ūi hoān-nā kia̍h to ê beh tùi to sí. | 注释 串珠 康来昌 字典 读经 原文 典藏 |
| 26:53 | Á-sī lí phah-sǹg góa bōe-ōe kiû góa ê Pē, chiū I tī chit tia̍p beh kā góa chhe cha̍p-jī iâⁿ khah ke ê thiⁿ-sài mah? | 注释 串珠 康来昌 读经 原文 典藏 |
| 26:54 | Nā án-ni, chiū sèng-keng só͘ kóng chit ê tāi-chì tek-khak ū ê, cháiⁿ-iūⁿ ōe èng-giām ah? | 注释 串珠 康来昌 读经 原文 典藏 |
| 26:55 | Hit sî Iâ-so͘ kā in hiah-ê lâng kóng, Lín kia̍h to kap thûi-á chhut-lâi lia̍h góa, chhin-chhiūⁿ beh lia̍h chha̍t mah? Góa ji̍t-ji̍t chē tī tiān-lāi kà-sī lâng, iā lín bô lia̍h góa. | 注释 串珠 康来昌 字典 读经 原文 典藏 |
| 26:56 | Chóng-sī chit ê sū lóng chiâⁿ, sī beh èng-giām sian-ti só͘ kì-chài ê. Hit sî ha̍k-seng lóng lī-khui I cháu. | 注释 串珠 康来昌 读经 原文 典藏 |
| 26:57 | Lia̍h Iâ-so͘ ê tòa I kàu chè-si-thâu Kai-a-hoat ê só͘-chāi, tī hia hiah-ê keng-ha̍k-sū kap tiúⁿ-ló í-keng chū-chi̍p. | 注释 串珠 康来昌 读经 原文 典藏 |
| 26:58 | Pí-tek hn̄g-hn̄g tè I kàu chè-si-thâu ê īⁿ, ji̍p lāi-bīn kap hiah-ê chhe-ia̍h saⁿ-kap chē, beh khòaⁿ hit ê kiat-kio̍k. | 注释 串珠 康来昌 字典 读经 原文 典藏 |
| 26:59 | Chiah-ê chè-si-thâu kap choân kong-hōe chhē lām-sám ê kan-chèng kong-kek Iâ-so͘, ài hō͘ I sí. | 注释 串珠 康来昌 读经 原文 典藏 |
| 26:60 | Sui-jiân chōe-chōe lām-sám kan-chèng ê lâi, iā bô tit-tio̍h. Āu-lâi ū nn̄g-ê kàu, kóng, | 注释 串珠 康来昌 读经 原文 典藏 |
| 26:61 | Chit lâng bat kóng, Góa ōe húi-hoāi Siōng-tè ê tiān, saⁿ ji̍t chiū khí i. | 注释 串珠 康来昌 字典 读经 原文 典藏 |
| 26:62 | Chè-si-thâu khí-lâi kā I kóng, Lí lóng bô ìn mah? Chiah-ê lâng só͘ kan-chèng lí ê sī sím-mi̍h? | 注释 串珠 康来昌 读经 原文 典藏 |
| 26:63 | Nā-sī Iâ-so͘ chēng-chēng. Chè-si-thâu kā I kóng, Tng chit ê chin-oa̍h Siōng-tè, góa bēng-lēng lí chiù-chōa lâi kā goán kóng, lí kó-jiân sī Siōng-tè ê Kiáⁿ, Ki-tok, á m̄ sī. | 注释 串珠 康来昌 读经 原文 典藏 |
| 26:64 | Iâ-so͘ kā i kóng, Lí í-keng kóng lah; nā-sī góa kā lín kóng, Tùi chit tia̍p liáu-āu lín beh khòaⁿ-kìⁿ Jîn-chú chē tī ū koân-lêng ê ê tōa pêng, chē thiⁿ ê hûn lâi. | 注释 串珠 康来昌 读经 原文 典藏 |
| 26:65 | Tùi án-ni chè-si-thâu thiah-li̍h ka-kī ê saⁿ, kóng, I kóng-chhut chhiàm-koân siat-to̍k ê ōe; lán iáu-kú khiàm sím-mi̍h kan-chèng ah? Taⁿ lín í-keng thiaⁿ-kìⁿ I ê chhiàm-koân siat-to̍k lah. | 注释 串珠 康来昌 字典 读经 原文 典藏 |
| 26:66 | Lín phah-sǹg cháiⁿ-iūⁿ? Ìn kóng, I kai sí. | 注释 串珠 康来昌 读经 原文 典藏 |
| 26:67 | Chiū phùi-nōa tī I ê bīn, ēng kûn-thâu-bú cheng I; iā ū-ê ēng chhiú siàn I, | 注释 串珠 康来昌 读经 原文 典藏 |
| 26:68 | kóng, Ki-tok ah, lí sī sian-ti, tio̍h kā goán kóng, phah lí ê sī chī-chūi. | 注释 串珠 康来昌 读经 原文 典藏 |
| 26:69 | Pí-tek chē tī gōa īⁿ; ū chi̍t ê lú-pī kūn-óa i kóng, Lí iā bat kap Ka-lī-lī lâng Iâ-so͘ chòe tīn. | 注释 串珠 康来昌 字典 读经 原文 典藏 |
| 26:70 | Pí-tek tng chèng lâng ê bīn-chêng m̄ jīn kóng, Góa m̄ chai lí teh kóng sím-mi̍h. | 注释 串珠 康来昌 读经 原文 典藏 |
| 26:71 | Chhut-khì kàu īⁿ mn̂g, koh chi̍t ê lú-pī khòaⁿ-kìⁿ i, kā tī hia ê lâng kóng, Chit-ê iā bat kap Ná-sat-le̍k lâng Iâ-so͘ chòe tīn. | 注释 串珠 康来昌 字典 读经 原文 典藏 |
| 26:72 | Pí-tek koh m̄ jīn, sòa chiù-chōa kóng, Góa m̄ bat hit ê lâng. | 注释 串珠 康来昌 读经 原文 典藏 |
| 26:73 | Ū hiah kú, piⁿ-á teh khiā ê lâng kūn-óa kā Pí-tek kóng, Lí si̍t-chāi iā sī in ê tóng, in-ūi tùi lí ê khiuⁿ-kháu lō͘-chhut. | 注释 串珠 康来昌 读经 原文 典藏 |
| 26:74 | I chiah chiù-mē, koh chiù-chōa, kóng, Góa m̄ bat hit ê lâng. Koe chiū thî. | 注释 串珠 康来昌 字典 读经 原文 典藏 |
| 26:75 | Pí-tek chiū kì-tit Iâ-so͘ ê ōe kóng, Koe iáu-bē thî, lí beh saⁿ pái m̄ jīn góa. Chiū chhut-khì gōa-bīn, tōa thî-khàu. | 注释 串珠 康来昌 字典 读经 原文 典藏 |