列王纪下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
13:1 以色列王约哈斯
偤大王亚哈谢ê kiáⁿ约阿施二十三年,耶户ê kiáⁿ约哈斯tī撒马利亚坐位,做以色列王,共十七年。
13:2 伊行上主所看做pháiⁿ ê tāichì,遵thàn尼八ê kiáⁿ耶罗波安,hō͘以色列人犯hitê罪,lóng无离开hitê罪。
13:3 上主就受气以色列人,tiāⁿ-tiāⁿ kā in交tī亚南王哈设ê手,kah哈设ê kiáⁿ ê手。
13:4 约哈斯恳求上主,上主听伊,因为他看tio̍h以色列人受制压,to̍h是亚南王kā in制压。
13:5 上主赏赐以色列一个拯救者,hō͘ in脱离亚南人ê手。以色列人to̍h照旧tòa tī in ê布棚。
13:6 总是,in无离开耶罗波安ê家ê罪,to̍h是hō͘以色列人犯罪ê,犹原ánne去行;撒马利亚ê亚舍拉iáu留teh。
13:7 伊tī人民中只有留马兵五十,战车十台,步兵一万,因为亚南王有kā in剿灭,kā in thún踏,亲像稻埕ê土沙。
13:8 约哈斯其他ê tāichì,见若伊所行ê kah伊ê能力,kám无lóng记tī以色列chiahê王ê记录?
13:9 约哈斯kah伊ê祖先同困,人kā伊埋葬tī撒马利亚。伊ê kiáⁿ约阿施续接伊做王。
13:10 以色列王约华施
偤大王约阿施三十七年,约哈斯ê kiáⁿ约华施tī撒马利亚坐位,做以色列王,共十六年。
13:11 伊行上主所看做pháiⁿ ê tāichì,无离开尼八ê kiáⁿ耶罗波安ê罪,to̍h是伊hō͘以色列人犯罪ê,犹原ánne行。
13:12 约阿施其他ê tāichì,见若伊所行ê,以及伊kah偤大王亚玛谢交战ê能力,kám无lóng记tī以色列chiahê王ê记录?
13:13 约阿施kah伊ê祖先同困,耶罗波安坐伊ê位。约阿施kah以色列chiahê王做伙埋葬tī撒马利亚。
13:14 以利沙ê死亡
以利沙破病,to̍h是teh beh死ê病,以色列王约阿施落来看伊,àⁿ tī伊ê面啼哭,讲:「我ê父!我ê父!以色列ê战车kah伊ê马兵!」
13:15 以利沙kā伊讲:「你gia̍h弓箭。」伊to̍hgiah8弓kah箭。
13:16 Koh kā以色列王讲:「你用手拔弓。」伊to̍h用手拔弓。
13:17 以利沙hōaⁿ手tī王ê手,讲:「你开ǹg东ê窗á。」伊to̍h开。以利沙讲:「射箭。」伊to̍h射箭。以利沙讲:「这是上主thâi赢ê箭,to̍h是thâi赢亚南人ê箭,因为你ētī亚弗攻击亚南人,直到kā in全部消灭。」
13:18 Koh讲:「Gia̍h hiahê箭。」伊to̍hgiah8 hiahê箭。伊koh kā以色列王讲:「Phah地!」伊phah三pai2to̍h soah。
13:19 上帝ê奴仆对伊受气讲:「Hit时,你tio̍h phah五六pái,to̍h ē攻击亚南,直到她全部消灭;taⁿ只有会phah败亚南人三pái。」
13:20 以利沙死了后,人kā伊埋葬。到新年,有摩押kui阵人侵犯境界。
13:21 有人tú-á teh埋葬死人,忽然看tio̍h kui阵人,to̍h kā死人hiat tī以利沙ê墓,死人一下kha̍p tio̍h以利沙ê骨头,to̍h koh活khiā起来。
13:22 以色列kah亚南王交战
约哈斯ê年间,亚南王哈设tiāⁿ-tiāⁿ 制压以色列人。
13:23 总是,上主因为他kah亚伯拉罕、以撒、雅各所立ê约,犹原施恩hō͘以色列,kā in怜悯,kā in照顾,m̄甘kā in剿灭,iáu未kā in赶逐离开他ê面前。
13:24 亚南王哈设死,伊ê kiáⁿ续接伊做王。
13:25 早前哈设kah约阿施ê老父约哈斯交战,tùi伊ê手the̍h去几nā个城,taⁿ约哈斯ê kiáⁿ约阿施tùi哈设ê kiáⁿ ê手the̍h倒tńg来。约阿施kā伊phah三pái,征服以色列hiahê城。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。