列王纪下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
10:1 亚哈ê Kiáⁿ孙Hong5thâi死
亚哈有七十个kiáⁿ tī撒马利亚。耶户写phoe寄去撒马利亚,hō͘耶斯列hiahê首领、长老kah hiahê扶养亚哈ê众kiáⁿ ê phoe,
10:2 讲:「Lín ê主人hiahê kiáⁿ kah lín tī hia,lín koh有车、马kah坚固ê城,kah器械,
10:3 chit张phoe到lín hia ê时,to̍h tio̍h tī lín主人hiahê kiáⁿ ê中间,拣一个gâu koh妥当ê,hō͘伊坐in老父ê位,lín mā thang为lín主人ê家交战。」
10:4 In真惊,做伙讲:「你看,两 个王tī伊ê面前尚且khiā bē tiâu,咱ná khiāē tiâu?」
10:5 管家ê kah城守,以及hiahê长老,kah扶养hiahê kiáⁿ ê,差人去见耶户,讲:「阮是你ê奴仆,见若你所kā阮讲ê,阮lóng ē去行,阮无beh设立人做王,你所看做好ê,thang照ánne行。」
10:6 耶户koh写phoe hō͘ in讲:「Lín若为我,遵thàn我ê话,tio̍h取lín ê主人hiahê kiáⁿ ê头壳,明á载chit时来耶斯列我chia。」王ê kiáⁿ七十人kah城内尊贵ê人,to̍h是扶养in ê,做伙tòa。
10:7 Phoe一下到,in to̍h掠王ê kiáⁿ七十人,全部thâi死,kā头壳hē tī筐里,送到tī耶斯列ê耶户hia。
10:8 有一个使者来kā伊讲:「In带王hiahê kiáⁿ ê头壳来。」耶户讲:「Kā in叠做两堆,hē tī城门口,直到明á早起。」
10:9 隔工早起,耶户出来,khiā ・leh,kā众人讲:「Lín lóng是公义ê,你看,我背叛我ê主人,thâi死伊;总是,thâi死chiahê群众ê是啥人?
10:10 Taⁿ thang知上主ê话,to̍h是上主关系亚哈ê家所讲ê,无一句phah ka-la̍uh,因为上主托他ê奴仆以利亚所讲ê话,lóng有做成。」
10:11 属亚哈ê家,tī耶斯列所chhun落来ê人,kah伊ê大臣、亲密ê朋友、祭司,耶户全部kā inthâi死,无留kah半个。
10:12 亚哈谢ê亲族Hong5thâi死
耶户起来,去到撒马利亚。
10:13 Tī路里来到牧者剪羊毛ê厝,tú tio̍h偤大王亚哈谢ê兄弟,问in讲:「Lín是啥人?」In应讲:「阮是亚哈谢ê兄弟,taⁿ beh落去kā王ê kiáⁿ kah王后ê kiáⁿ请安。」
10:14 伊讲:「Kā in活活掠起来!」Into̍h kā in活活掠起来,tī剪羊毛ê厝ê坑á边kā inthâi死,共四十二人,无留kah半个。
10:15 亚哈其他亲族Hong5thâi死
耶户tùi hia去,tú tio̍h利甲ê kiáⁿ约拿达来接伊,耶户kā伊请安,对伊讲:「你ê心正直ǹg我,亲像我ê心ǹg你ê心á无?」约拿达应讲:「是。」耶户讲:「若是ánne,伸你ê手hō͘我。」伊to̍h伸手hō͘伊,伊to̍h牵伊上车。
10:16 耶户讲:「你kah我做伙去,看我为tio̍h上主ê热心。」to̍h hō͘伊坐tī伊ê车顶。
10:17 来到撒马利亚就thâi死见若属亚哈所chhun tī撒马利亚ê,全部kā伊灭掉,照上主对以利亚所讲ê话。
10:18 拜巴力ê人Hong5thâi死
耶户招集众人,kā in讲:「亚哈服事巴力iáu是小khóa,耶户会大大kā伊服事。
10:19 所以,tio̍h召巴力ê众先知kah所有服事巴力ê,以及伊所有ê祭司来我chia,m̄ thang减一个人,因为我beh献大ê祭祀hō͘巴力,见若无来ê lóng bē tàng活。」耶户 ánne行是用诡计,beh全部thâi死拜巴力ê人。
10:20 耶户讲:「Tio̍h为巴力宣布严肃会。」Into̍h宣布。
10:21 耶户差人遍行以色列地,拜巴力ê人lóng chiâu到,无kah一个无来。Into̍h入去巴力ê庙,tī巴力ê庙内,tùi chit pêng到hit-pêng人满满。
10:22 耶户吩咐掌礼服ê人讲:「The̍h礼服出来hō͘所有拜巴力ê人穿。」伊to̍htheh8礼服出来hō͘ in。
10:23 耶户kah利甲ê kiáⁿ约拿达,入去巴力ê庙,kā拜巴力ê人讲:「Lín tio̍h查看,tī lín ê中间m̄ thang有服事上主ê人,kantaⁿ拜巴力ê人niā-niā。」
10:24 In入去beh献祭祀烧祭。耶户tāi先安置八十人tī外面,讲:「我kā chiahê人交tī lín ê手,若有一个人走去,放伊走ê人,伊ê命tio̍h赔命!」
10:25 耶户献烧祭了后,to̍h kā护卫兵kah hiahê军长讲:「Lín入去kā inthâi,m̄ thang容允一个人出来!」Into̍h用刀kā inthâi,护卫兵kah军长hiat身尸出去,to̍h去到巴力庙ê城。
10:26 In kā巴力庙内ê柱像the̍h出来烧。
10:27 In毁坏巴力ê柱像,毁坏巴力ê庙,用它做厕池到今á日。
10:28 Án-ne,耶户tī以色列中灭亡巴力。
10:29 总是,耶户无离开尼八ê kiáⁿ耶罗波安ê罪,to̍h是伊所hō͘以色列犯罪ê,to̍h是拜伯特利kah但所有金ê牛á。
10:30 上主kā耶户讲:「因为你行好koh chiâⁿ我所看做好ê,照我ê心意款待亚哈ê家,你ê kiáⁿ孙会坐以色列ê国位经过四代。」
10:31 总是,耶户无专心遵守来行上主—以色列ê上帝ê律法,无离开耶罗波安ê罪,to̍h是所用来hō͘以色列人犯罪ê。
10:32 耶户ê死亡
Hit时,上主开始分割以色列国,hō͘她khah细。哈设攻击以色列ê四箍围,
10:33 tùi约旦河东pêng基列ê全地,以及迦得人、流便人、玛拿西人ê地,tùi近亚嫩山谷ê亚罗珥,to̍h是基列kah巴珊。
10:34 耶户其他ê tāichì,见若伊所行ê kah伊ê能力,kám无lóng记tī以色列chiahê王ê记录?
10:35 耶户kah伊ê祖先同困,in kā伊埋葬tī撒马利亚。伊ê kiáⁿ约哈斯续接伊做王。
10:36 耶户tī撒马利亚做以色列王ê时,历过二十八年。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。