列王纪下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
4:1 以利沙帮赞Sàn-chhiah寡妇
有一个寡妇，是先知ê学生ê bó͘，叫以利沙来，讲：「你ê奴仆—我ê丈夫已经死，你ê奴仆平时敬畏上帝，是你所知ê。Taⁿ债主来beh掠我两 个kiáⁿ去做奴隶。」
4:2 以利沙问她讲：「我ē tàng kā你做啥物？你kā我讲；你厝内有啥物？」寡妇讲：「你ê女婢厝内chhun一瓶油，以外lóng无半项。」
4:3 以利沙讲：「你去，tī外面tùi你hiahê厝边借器具，to̍h是空ê器具，借jú chē jú好。
4:4 Tio̍h入去厝内，kā门关起来，你kah你ê kiáⁿ tiàm内面，thîn油tī所有ê器具，thîn满ê tio̍h另外hē。」
4:5 寡妇to̍h离开以利沙，tńg去厝里，kā门关起来，她kah她ê kiáⁿ tiàm内面；kiáⁿ带器具来hō͘她，她就thîn油。
4:6 Hiahê器具lóng满，她kā她ê kiáⁿ讲：「Koh the̍h器具来hō͘我。」Kiáⁿ讲：「无koh有器具à。」to̍h停止thîn油。
4:7 寡妇去kā上帝ê奴仆讲，以利沙讲：「你去卖油来还债，所chhun落来ê，你kah你ê kiáⁿ thang度生活。」
4:8 书念ê Cha-bó͘人接待以利沙
有一日，以利沙行到书念，tī hia有一个好额ê chabó͘人，强强留伊tiàm hia食。后来，以利沙ta̍k pái tùi hia经过，to̍h入去食。
4:9 Cha-bó͘人对她ê丈夫讲：「你看，hitê tiāⁿ-tiāⁿ tùi咱chia经过ê，我看伊是上帝ê圣ê奴仆。
4:10 求你允准，咱thang tī墙顶起一间细间房，tī hia kā伊安置眠床、桌、椅kah灯台，hō͘伊来咱chia，thang入去歇困。」
4:11 有一日，以利沙来到hia，to̍h入去hit间房歇困。
4:12 以利沙kā伊ê奴仆基哈西讲：「你去叫chitê书念ê chabó͘人来。」伊to̍h去叫她来，chabó͘人khiā tī伊ê面前。
4:13 以利沙kā伊ê奴仆讲：「你thang kā她讲，你看，你为阮费真chē心思，taⁿ tio̍h kā你做啥物？你ài我替你kā王á是军长讲啥物？」Cha-bó͘人应讲：「我tòa tī我ê人民ê中间。」
4:14 以利沙讲：「Án-ne tio̍h为她án怎做neh？」基哈西讲：「她无kiáⁿ，她ê丈夫mā老à。」
4:15 以利沙koh讲：「叫她来。」to̍h去叫她来。chabó͘人to̍h khiā tī门口。
4:16 伊讲：「明年到chit时，你ē抱一个kiáⁿ。」她讲：「无lah，上帝ê奴仆，我ê主ah，m̄ thang骗你ê女婢。」
4:17 chabó͘人果然怀孕，到明年hit时生一个kiáⁿ，照以利沙所讲ê。
4:18 Gín-á大汉，有一日出去到伊ê老父，到收割ê人hia。
4:19 伊kā老父讲：「我ê头壳，我ê头壳！」伊ê老父kā奴仆讲：「Kā伊抱去伊ê老母hia。」
4:20 伊kā gín-á抱到伊ê老母hia，gín-á坐tī老母ê脚头u，到中昼就死。
4:21 老母上去楼顶，kā伊ê kiáⁿ hē tī上帝ê奴仆ê眠床，关门了后to̍h出来，
4:22 叫她ê丈夫讲：「请差一个奴仆牵一只驴来我chia，我beh走去上帝ê奴仆hia，chiah tńg来。」
4:23 丈夫讲：「今á日m̄是月ê初一，mā m̄是安息，你án怎beh去伊hia？」Cha-bó͘人讲：「平安。」
4:24 就准备驴á，kā奴仆讲：「你赶驴进前去，我若无kā你讲，to̍h m̄ thang khah慢。」
4:25 Cha-bó͘人to̍h去迦密山，去上帝ê奴仆hia。上帝ê奴仆远远看tio̍h她，kā她ê奴仆基哈西讲：「你看，书念ê chabó͘人来ā，
4:26 你紧去kā她迎接，问她讲：「你有平安无？你ê丈夫平安无？Gín-á平安无？」Cha-bó͘人讲：「平安。」
4:27 chabó͘人来到hitê山，到上帝ê奴仆hia，就揽伊ê脚。基哈西进前来beh kā她chhia开，上帝ê奴仆讲：「Chhut-chāi她，因为她心内痛苦，上主对我掩盖，无kā我讲。」
4:28 chabó͘人讲：「我kám bat对我ê主求kiáⁿ？我kám无讲，m̄ thang骗我？」
4:29 以利沙kā基哈西讲：「你縖腰，手gia̍h我ê 拐，进前去；若tú tio̍h人，m̄ thang kā in请安，人若kā你请安，mā m̄ thang应伊；tio̍h kā我ê拐á hē tī gín-á ê面。」
4:30 Gín-á ê老母讲：「我kí永远活ê上主kah你ê活命来讲，我一定m̄离开你。」以利沙to̍h起来，tòe她去。
4:31 基哈西向头前去，用拐á hē tī gín-á ê面，总是，无声说，mā m̄知人。基哈西倒tńg来tú tio̍h她，kā她讲：「Gín-á无醒。」
4:32 以利沙来到位，入去厝内，看tio̍h gín-á已经死，hē tī伊ê眠床。
4:33 伊入去，就关门，只有in两 个tī内面，伊to̍h对上主祈祷。
4:34 伊to̍h去仆tī gín-á ê身躯，嘴对嘴，目chiu 对目chiu ，手对手，kui身àⁿ tī gín-á ê身躯，gín-á ê肉就渐渐烧lō起来。
4:35 伊落来，tī厝内行来行去一pái，koh上去，kui身àⁿ tī gín-á；gín-á phah-ka-chhiùⁿ七pái，目chiu 就thí开。
4:36 以利沙叫基哈西讲：「去叫hitê书念ê chabó͘人来。」伊to̍h去叫她，她入来伊hia。以利沙讲：「抱你ê gín-á起来。」
4:37 chabó͘人to̍h入来，àⁿ tī伊ê脚前，仆tī土脚，抱她ê kiáⁿ出去。
4:38 两 个神迹
以利沙koh来到吉甲，hit时国内饥荒，先知ê学生坐tī伊ê面前，伊吩咐奴仆，讲：「你kā大鼎hē tī火里，kā先知ê学生煮菜汤。」
4:39 有一个人去田里挽菜，tú tio̍h一欉野藤，就挽它ê瓜满帕tńg来，切切leh就lok落去煮菜汤ê鼎，因为in m̄ bat he 是啥物物。
4:40 Piàⁿ出来hō͘ in食；食菜汤ê时，in lóng大声hoah：「上帝ê奴仆，鼎内有致到死ê毒，in lóng bē食得。」
4:41 以利沙讲：「The̍h淡薄á面粉来。」to̍h kā面粉sám tī鼎里，讲：「Piàⁿ出来hō͘ in食！」鼎内to̍h无毒。
4:42 有一个人tùi Ba-al-sia-li-siah来，带起头熟ê麦所做ê饼kah大麦饼二十个，koh有新ê穗贮tī袋里，送hō͘上帝ê奴仆。伊to̍h讲：「Kā chiahê hō͘人民食。」
4:43 伊ê差用讲：「怎样，我kám thang kā chiahê排tī一百人ê面前？」以利沙应讲：「做你hō͘人民食，因为上主ánne讲：In会食，食了iáu有chhun。」
4:44 伊to̍h排tī in ê面前，in食了mā有chhun，照上主所讲ê。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。