列王纪下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
1:1 以利亚kah亚哈谢王
亚哈死了后,摩押背叛以色列。
1:2 亚哈谢tùi撒马利亚ê楼顶ê栏杆跋落来,致病;to̍h差使者kā in讲:「Lín去问以革伦ê神明Ba-al-che-but ,我chitê病会好á-bē?」
1:3 总是,上主ê使者kā提斯比人以利亚讲:「你起来,上去接撒马利亚王ê使者,kā in讲:『Lín去问以革伦ê神明Ba-al-che-but ,kám是因为以色列中无上帝?』
1:4 所以,上主ánne讲:『你bē tàng koh落去你所上去ê眠床,一定ē死!』」以利亚to̍h去。
1:5 使者tńg来见王,王问in讲:「Lín是án怎tńg来?」
1:6 使者应伊讲:「有一个人tú tio̍h阮,kā阮讲:『你去,lín tńg去见差lín ê王,kā伊讲,上主ánne讲:你差人去问以革伦ê神明Ba-al-che-but ,kám是因为以色列中无上帝?所以,你bē koh落去你所上去ê眠床,一定ē死!』」
1:7 王问in讲:「来tú tio̍h lín,kā lín讲chiahê话ê,伊ê形状啥款?」
1:8 In应讲:「伊穿有毛ê衫,腰縖皮带。」王讲:「这是提斯比人以利亚。」
1:9 王to̍h差排长chhōa伊hit五十人去以利亚hia,伊上去伊hia;你看,以利亚坐tī山顶。排长kā伊讲:「上帝ê奴仆,王讲,你tio̍h落来。」
1:10 以利亚应排长讲:「我若是上帝ê奴仆,愿火tùi天落来,烧你kah你hit五十人!」to̍h有火tùi天落来烧伊kah伊hit五十人。
1:11 王koh差一个排长,chhōa伊hit五十人,去以利亚hia。伊to̍hka7伊讲:「上帝ê奴仆,王讲,你tio̍h赶紧落来!」
1:12 以利亚应in讲:「我若是上帝ê奴仆,愿火tùi天落来,烧你kah你hit五十人!」to̍h有上主ê火tùi天落来,烧伊kah伊hit五十人。
1:13 王koh差第三队ê排长chhōa伊hit五十人。Hitê第三队ê排长上去,跪tī以利亚ê面前,恳求伊讲:「上帝ê奴仆,求你掠我ê性命kah你chit五十个奴仆ê性命做宝贝!
1:14 你看,已经有火tùi天落来烧死以前两 个排长kah in ta̍k个五十人;taⁿ求你看我ê性命做宝贝!」
1:15 上主ê使者kā以利亚讲:「你kah伊落去,m̄免惊伊。」
1:16 以利亚to̍h起来,kah伊落去见王,kā伊讲:「上主ánne讲:『你差人去问以革伦ê神明Ba-al-che-but ,kám是因为以色列中无上帝hō͘你问他ê话?所以,你bē koh落来你所上去ê眠床,一定tio̍h死!』」
1:17 王就死,照以利亚所传上主ê话。王无kiáⁿ,约兰续接王位,tī偤大王约沙法ê kiáⁿ约兰第二年。
1:18 亚哈谢其他ê tāichì,kám无记tī以色列chiahê王ê记录?
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。