撒母耳记下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
22:1 大卫ê凯歌
(诗18)
当上主救大卫脱离一切ê对敌ê手，kah扫罗ê手ê日，伊ǹg上主念chit首诗，讲：
22:2 上主是我ê山岩，我ê营寨，拯救我ê。
22:3 上主是我ê石磐，我beh óa靠他。他是藤牌，是拯救我ê角，是我ê高台，是我ê避难所。拯救我ê，祢是救我脱离强暴ê。
22:4 我beh求叫上主，他是应该oló ê，ánne我ē得tio̍h救，脱离我ê对敌。
22:5 死亡ê水涌围我，匪类ê泛滥hō͘我惊。
22:6 阴间ê索缠我，死亡ê活tauh到tī我。
22:7 我tī患难中求叫上主，我求叫我ê上主。他tùi圣殿听我ê声， 我ê求叫入去他ê耳孔。
22:8 地就摇动，天ê根基mā gī-gī颤，为tio̍h他ê受气来摇动。
22:9 Tùi他ê鼻孔有烟chhèng出去，tùi他ê嘴有出烧灭ê火， 炭就ánne to̍h起来。
22:10 他hō͘天kē落来，就降临， tī他ê脚前有乌云。
22:11 他骑ki-lō͘-peng teh飞， tī风ê翼顶显现。
22:12 他用乌暗做四箍围ê帐房， to̍h是聚集ê水，kah空中ê密云。
22:13 因为他面前ê光，火炭就to̍h起来。
22:14 上主tùi天起雷，至koân ・ê发出他ê声。
22:15 他射箭来kā in赶散，sihnà来hō͘ in乱。
22:16 海底to̍h出现，大地ê根基mā露现，是因为上主ê责备， mā因为他ê鼻孔pûn出ê气。
22:17 他tùi顶面伸手khiú我，tùi大水中牵我起来。
22:18 他救我脱离勇猛ê对敌，kah hiahê怨恨我ê人，因为in比我khah有力。
22:19 我tú tio̍h患难ê日，in来迫害我；总是，上主是我所óa靠ê。
22:20 他chhōa我到开阔ê所在；他救我，因为他kah意我。
22:21 上主照我ê公义kā我报答， 照我ê手ê清气kā我报赏。
22:22 因为我守上主ê道路， m̄ bat做pháiⁿ，离开我ê上主。
22:23 他所有ê法度tī我ê面前， 他ê律例，我mā无悖逆。
22:24 我tùi tī他是完全，我mā守本身无行我ê pháiⁿ。
22:25 所以，上主kā我报赏，是照我ê公义，mā照我tī他ê目chiu 前ê清气。
22:26 对仁慈ê人，祢显明kakī 是仁慈，tùi tī完全ê人，祢显明kakī 是完全；
22:27 对清气ê人，祢显明kakī 是清气；tùi tī乖癖ê人，祢显明kakī 是弯曲。
22:28 困苦ê人民，祢kā伊救。祢ê目chiu 看骄傲ê人，hō͘伊降低。
22:29 上主ah，祢是我ê灯，上主ē照光tī我ê乌暗。
22:30 因为我óa靠祢冲入军队，óa靠我ê上主，to̍h跳过墙。
22:31 讲tio̍h上主，他ê道路是完全ê，上主ê话，是过锻炼ê。见若óa靠他ê，他to̍h做in ê藤牌。
22:32 上主以外，啥人是上帝？ 咱ê上主以外，啥人是石磐？
22:33 上主是我坚固ê营寨，他引chhōa完全ê人行他ê路。
22:34 他hō͘我ê脚亲像鹿母，hō͘我khiā tī我koân ê所在。
22:35 他教示我ê手会交战，致到我ê手骨会开铜弓。
22:36 祢用祢ê拯救hō͘我做藤牌，祢ê温柔hō͘我做大。
22:37 祢hō͘我ê脚所踏ê地开阔，我ê脚mā m̄ bat踏thu̍t去。
22:38 我jiok我ê对敌，来kā in剪除，in iáu未剿灭ê chìn前，我无倒tńg来。
22:39 我kā in剿灭，kā in phah伤，hō͘ in peh bē起来，倒tī我ê脚前。
22:40 因为祢bat用气力縖我，hō͘我ē交战， 祢hō͘ hiahê起来攻击我ê，lóng屈服tī我。
22:41 祢hō͘我ê对敌ǹg我oa̍t-tńg身，hō͘我thang剪除hiahê怨恨我ê人。
22:42 In四界看，mā无kā in拯救ê， 就仰望上主，他mā m̄应in。
22:43 我kā in捶幼幼，亲像地chiūⁿê尘埃，我thún踏in亲像街路ê土糜，hō͘ in四散。
22:44 祢救我脱离我ê人民ê相争，保存我做列国ê头目；我所m̄ bat ê人民ē服事我。
22:45 外邦人beh投降我， 一下听tio̍h，to̍h ē遵thàn我。
22:46 外邦人ē衰败，tùi in秘密ê所在phi̍h-phi̍h chhoah出来。
22:47 上主是活ê，愿我ê石磐得tio̍h oló， 愿上主，to̍h是救我ê石磐ê，得tio̍h尊做高！
22:48 to̍h是替我申冤ê上主， hō͘ hiahê人民屈服我。
22:49 救我脱离我ê对敌ê，koh举起我khah koân hiahê起来攻击我ê； 祢救我脱离强暴ê人。
22:50 上主ah，因为ánne我beh tī列邦感谢祢，mā beh唱歌oló祢ê名。
22:51 上主大大拯救他所设立ê王， 施慈爱hō͘他所抹油ê， to̍h是hō͘大卫kah伊ê kiáⁿ孙，直到永远。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。