版本选择 有地理sitephoto 查字典 本章地图 影像 [ 条列 | 表格 | 整段 ] 语态 度量衡 其他 阅读计画

新版上一章 下一章    查询或移至: 说明

撒母耳记下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经

14:1

约押安排押沙龙Tńg来

洗鲁雅ê kiáⁿ约押知影王ê心意向押沙龙,
14:2 to̍h差人去提哥亚,tùi hia叫一个聪明ê chabó͘人来,kā她讲:「请你假做带孝(hà)ê,穿孝衫,m̄ thang用油抹身躯,tio̍h妆做为tio̍h死人真久悲哀ê chabó͘人,
14:3 入去见王,照chitê款对伊ánne讲。」约押to̍h kā所tio̍h讲ê话教chabó͘人讲。
14:4 提哥亚ê chabó͘人对王讲ê时,面仆tī土脚,拜讲:「王,救我。」
14:5 王问她讲:「你有啥物tāichì?」她应讲:「我实在是寡妇,我ê丈夫已经死。
14:6 女婢有两 个kiáⁿ,in两 个tī田里相phah,无人tī in中间排解,chitê phah hitê hō͘伊死。
14:7 Taⁿ全家ê人lóng起来攻击你ê女婢,讲:『你tio̍h kā hitê phah死兄弟ê交出来,阮thang hō͘伊死,赔伊phah死兄弟ê性命,绝伊ê后嗣。』Án-ne,inē kā我chhun落来ê火炭phah-hoa,无hō͘我ê丈夫留名留kiáⁿ孙tī世间。」
14:8 王kā chabó͘人讲:「你thang tńg去lín tau,我ē为tio̍h你出命令。」
14:9 提哥亚ê chabó͘人koh kā王讲:「我ê主—我ê王,愿chitê罪归tī我kah我ê父ê家,王kah伊ê位lóng无罪。」
14:10 王讲:「见若有kah你加讲话ê,你to̍h chhōa伊来到我chia,伊to̍hbe7 koh去kāng你。」
14:11 Cha-bó͘人讲:「愿王记念上主—你ê上帝,m̄ thang准报仇ê行灭亡,恐惊in灭亡我ê kiáⁿ。」王讲:「我kí永远活ê上主来chiùchōa,你ê kiáⁿ连一支头毛mā bē ka-la̍uh tī地里。」
14:12 Cha-bó͘人讲:「求你容允你ê女婢对我ê主—我ê王koh讲一句话。」王讲:「做你讲。」
14:13 Cha-bó͘人讲:「你ná ē想ánne来攻击上主ê子民?王讲chitê话,亲像有罪,因为王无hō͘伊ê逃命ê倒tńg来。
14:14 因为咱lóng一定tio̍h死,亲像水泼tī地里,bē tàng koh收倒tńg来。总是,上主无抢人ê性命,是设法hō͘逃命ê人免受赶出来离开他。
14:15 我来kā chitê话kā我ê主—我ê王讲,是因为人民hō͘我惊惶。所以,女婢讲,taⁿ我beh kā王讲,kiámchhái王会成女婢ê所求。
14:16 人ē kā我kah我ê kiáⁿ tùi上主ê产业做一下除灭,总是,王ē听,救他ê女婢脱离hitê人ê手。」
14:17 女婢koh讲,愿我ê主—我ê王ê话来安慰我,因为我ê主—我ê王会分别是非,亲像上主ê使者,独独愿上主—你ê上帝kah你同在!」
14:18 王应chabó͘人讲:「我见若所beh问你ê,lóng m̄ thang对我隐密。」Cha-bó͘人讲:「愿我ê主—我ê王讲出来。」
14:19 王讲:「Chiahê kám m̄是约押kah你套话ê?」 Cha-bó͘人讲:「我ê主—我ê王,我kí你ê活命来chiùchōa,我ê主—我ê王所讲ê,无人ē偏左á偏右来闪避。因为你ê奴仆约押吩咐我,用chiahê话lóng教你ê女婢讲。
14:20 你ê奴仆约押ánne做,是beh hō͘ chitê tāichì se̍h tńg弯;我ê主有智慧,亲像上主使者ê智慧,会明察世上一切ê tāichì。」
14:21 王kā约押讲:「我一定做chitê tāichì,taⁿ你tio̍h去,chhōa hitê少年人押沙龙倒tńg来。」
14:22 约押仆tī土脚来拜,kā王祝谢,约押讲:「我ê主—我ê王,王既然行你ê奴仆所求ê,今á日你ê奴仆知影我有tī你ê目chiu 前得tio̍h恩典。」
14:23 就ánne,约押出发去基述,chhōa押沙龙来到耶路撒冷。
14:24 王讲:「叫伊tńg去伊ê厝,m̄ thang见我ê面。」押沙龙to̍h tńg去伊ê厝,无见王ê面。
14:25

大卫kah押沙龙和好

押沙龙生做真好看,全以色列中无人亲像伊hiah得tio̍h人oló,tùi脚底到头壳顶lóng无缺点。
14:26 伊剪头毛ê时,秤伊ê头毛,照王ê秤á,重两百舍客勒;伊tī ta̍k个年尾剪头毛,因为伊ê头毛真重,所以,tio̍h剪。
14:27 押沙龙生三个kiáⁿ kah一个chabó͘ kiáⁿ。Cha-bó͘ kiáⁿ名叫做她玛,是一个面貌真súi ê chabó͘ gín-á。
14:28 押沙龙tòa tī耶路撒冷满两年,lóng无见王ê面。
14:29 押沙龙差人去叫约押,beh差伊去见王,总是,约押m̄肯来伊hia。伊第二pái差人去叫伊,伊犹原m̄来。
14:30 所以,押沙龙对伊ê奴仆讲:「Lín看,约押ê园近我ê园,伊有大麦tī hia,lín去kā它放火烧。」押沙龙ê奴仆to̍h去放火烧。
14:31 约押to̍h来到押沙龙ê厝,问伊讲:「你ê奴仆ná ē放火烧我ê园?」
14:32 押沙龙应约押讲:「我差人去叫你来我chia,hō͘我thang差你去见王,kā伊讲:『我ná tio̍h tùi基述tńg来?我不如犹原tòa hia。』Taⁿ tio̍h准我见王ê面,我若有罪,伊thangthâi我。」
14:33 约押to̍h去见王,kā伊讲。王叫押沙龙来,押沙龙to̍h来见王,tī王ê面前仆tī土脚,王to̍h chim押沙龙。


上一章 下一章    查询或移至: 说明

[ 条列 | 表格 | 整段 ] 语态 重新查询 影像 本章地图 度量衡 其他
和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本原文直译(参考用)ESVKJVBBEWEBASVDarbyERV旧约马索拉原文七十士译本现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby印尼圣经越南圣经俄文圣经韩文圣经日语圣经圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经藏语圣经武加大译本新武加大译本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本



各圣经译本着作权如
版权说明
本画面由信望爱资讯中心CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。