创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
29:1 雅各来到拉班ê厝
雅各出发，来到东方ê人ê地。
29:2 伊看tio̍h田里有一口井，有三阵羊倒tī井边，因为人lóng是用hit口井ê水hō͘羊群lim水；井嘴用大石盖teh。
29:3 平时羊群聚集tī hia ê时，人to̍h kā石头徙离井嘴，hō͘羊lim水了后，chiah koh kā石头徙到原位。
29:4 雅各对in讲：「兄弟，lín tùi tó位来？」In讲：「阮tùi哈兰来。」
29:5 雅各问in讲：「拿福ê孙拉班，lín kám bat伊？」
29:6 In讲：「阮bat伊。」Koh对in讲：「伊kám平安？」应讲：「平安。你看，伊ê chabó͘ kiáⁿ拉结chhōa羊群teh来。」
29:7 雅各讲：「日iáu koân，chengseⁿ聚集ê时iáu未到，tio̍h hō͘羊lim水，koh hō͘ in去食草。」
29:8 In讲：「阮bē tàng。Tio̍h thèng候真chē阵lóng聚集óa来，人kā石徙离开井嘴，chiah thang hō͘羊lim水。」
29:9 雅各teh kah in讲话ê时，拉结chhōa in老父ê羊óa来，因为羊是她teh顾。
29:10 雅各看tio̍h母舅拉班ê chabó͘ kiáⁿ拉结kah母舅拉班ê羊群，就进前kā石徙离井嘴，hō͘ in母舅拉班ê羊群lim水。
29:11 雅各kā拉结chim嘴，出声哭。
29:12 雅各koh kā拉结讲伊是in老父ê外甥，是利百加ê kiáⁿ。拉结to̍h走去kā in老父讲。
29:13 拉班听tio̍h外甥雅各ê消息，to̍h走去kā伊迎接，kā伊揽，kah伊chim嘴，chhōa伊到in tau。雅各kā一切ê tāichì lóng对拉班讲。
29:14 拉班kā雅各讲：「你实在是我ê骨肉。」雅各to̍h kah伊tòa一月日。
29:15 雅各为拉结kah利亚来服事拉班
拉班kā雅各讲：「你虽然是我ê亲chiâⁿ，kám thang白白做我ê工？请kā我讲，你ài啥物工钱？」
29:16 拉班有两 个chabó͘ kiáⁿ，大ê名叫做利亚，细ê名叫做拉结。
29:17 利亚目chiu khah输，拉结生做好看。
29:18 雅各爱拉结，to̍h讲：「我愿意为tio̍h你ê细汉chabó͘ kiáⁿ拉结，kā你做工七年。」
29:19 拉班讲：「Kā她嫁hō͘你，khah好hō͘别人。你kah我tòa！」
29:20 雅各to̍h为tio̍h拉结kā伊做工七年。因为深深爱她，雅各kā七年看做几日á。
29:21 雅各对拉班讲：「日期已经满，求你kā我ê bó͘ hō͘我，我thang kah她同房。」
29:22 拉班聚集hit所在ê群众，办宴席请in。
29:23 到日暗，拉班kā伊ê chabó͘ kiáⁿ利亚，送来hō͘雅各；雅各to̍h kah她同房。
29:24 拉班kā伊ê女婢悉帕hō͘伊ê chabó͘ kiáⁿ利亚做女婢。
29:25 到天光，雅各一下看tio̍h是利亚，to̍h对拉班讲：「你对我做ê是啥物？我kā你做工，kám m̄是为tio̍h拉结？你ná ē骗我？」
29:26 拉班讲：「未嫁大ê chìn前先嫁细ê，tī阮chia无人ánne做。
29:27 你kah利亚ê结婚tio̍h满七日，然后阮就ē kā拉结mā嫁hō͘你，你tio̍h为拉结koh kā我做工七年。」
29:28 雅各就照ánne做。Kah利亚ê婚期满七日，拉班to̍h kā伊ê chabó͘ kiáⁿ拉结hō͘伊做bó͘。
29:29 拉班kā伊ê女婢辟拉hō͘伊ê chabó͘ kiáⁿ拉结做女婢。
29:30 雅各mā kah拉结同房，koh疼拉结赢过利亚。伊to̍hkoh kā拉班做工七年。
29:31 雅各ê Kiáⁿ儿
上主看利亚无得tio̍h雅各ê疼，to̍h hō͘她怀孕；独独拉结无。
29:32 利亚怀孕生kiáⁿ，to̍h kā伊号名叫做流便，因为她讲：「上主看tio̍h我ê苦情；taⁿ我ê丈夫会疼我。」
29:33 她koh怀孕生kiáⁿ，讲：「上主听tio̍h我无得人疼，所以，koh hō͘我chitê kiáⁿ。」她to̍h kā伊号名叫做西缅。
29:34 她koh怀孕生kiáⁿ，讲：「我kā丈夫生三个kiáⁿ，伊beh kah我结联。」to̍h kā伊号名叫做利未。
29:35 她koh怀孕生kiáⁿ，讲：「Chit-má我beh oló上主。」所以，她kā伊ê名叫做偤大。然后她to̍h停止，无koh生。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。