撒母耳记下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3:1 扫罗ê家kah大卫ê家交战真久。大卫ná强盛，扫罗ê家ná衰弱。
3:2 大卫ê众Kiáⁿ儿
大卫tī希伯仑生几nā个 kiáⁿ：大kiáⁿ暗嫩，是耶斯列人亚希暖所生ê；
3:3 第二个Ki-lī-ap，是bat做迦密人拿八ê bó͘亚比该所生ê；第三个押沙龙，是基述王Ta̍t-mái ê chabó͘ kiáⁿ玛迦ê kiáⁿ；
3:4 第四个A-to-nî-ngá，是哈及 ê kiáⁿ；第五个示法提雅，是A-bi-thal ê kiáⁿ；
3:5 第六个It-le-àm，是大卫ê bó͘ Í-kek-la̍h所生ê。Chiahê是大卫tī希伯仑所生ê kiáⁿ。
3:6 押尼珥投靠大卫
扫罗ê家kah大卫ê家交战ê时，押尼珥tī扫罗ê家kakī 强起来。
3:7 扫罗有一个妃，名叫做Li-chu-bah，是Ài-a ê chabó͘ kiáⁿ。伊施波设对押尼珥讲：「你ná ē kah我老父ê妃同房？」
3:8 押尼珥因为伊施波设ê话，to̍h真受气，讲：「我kám是偤大ê狗头？我好款待你ê老父扫罗ê家，kah伊ê兄弟朋友，无kā你交tī大卫ê手中，你今á日竟然因为chitê chabó͘人来kā我责备？
3:9 我若无照上主所对大卫chiùchōa ê来行tī伊，就愿上主加倍责罚押尼珥，
3:10 ē tùi扫罗ê家移徙国位，来建立大卫ê国位，hō͘伊治理以色列kah偤大，tùi但到别是巴。」
3:11 伊施波设因为惊押尼珥，无应kah半句话。
3:12 押尼珥为tio̍h本身差使者去见大卫讲：「Chitê所在属啥人？」Koh讲：「你kah我立约，我ê手beh帮赞你，hō͘以色列lóng归tī你。」
3:13 大卫讲：「好，我kah你立约。总是，我beh对你讨一项，to̍h是你来见我ê面hit时，若无kā扫罗ê chabó͘ kiáⁿ米甲chhōa来，一定bē tàng见我ê面。」
3:14 大卫to̍h差使者去见扫罗ê kiáⁿ伊施波设，讲：「你tio̍h kā我ê bó͘米甲还我，伊to̍h是我bat用腓利士人一百块阳物ê皮所聘定ê。」
3:15 伊施波设to̍h差人tùi她ê丈夫拉亿ê kiáⁿ Phàⁿ-thiat hia，kā她chhōa来。
3:16 她ê丈夫tòe她ê后面，ná行ná哮，kah伊来到Ba-hu-lîm。押尼珥kā伊讲：「你倒tńg去！」伊to̍h倒tńg去。
3:17 押尼珥kah以色列ê长老参详，讲：「Lín早前欣慕大卫做王来kā lín治理，
3:18 taⁿ tio̍h照ánne做chiah好。因为关系大卫ê tāichì上主bat讲：『我beh用我ê奴仆—大卫ê手救我ê子民—以色列人脱离腓利士人ê手，kah众对敌ê手。』」
3:19 押尼珥mā讲hō͘便雅悯人听，koh来到希伯仑，kā以色列人kah便雅悯全家一切所看做好ê，lóng讲hō͘大卫听。
3:20 押尼珥kah二十人来到希伯仑见大卫，大卫为tio̍h押尼珥，以及kah伊来ê人设宴席。
3:21 押尼珥kā大卫讲：「我beh起来，去招集以色列人民来见我ê主—我ê王，hō͘ in thang kah你立约，你to̍h thang做王，照心所意爱ê来管理。」大卫to̍h送押尼珥去，伊to̍h平安离开。
3:22 押尼珥Hông谋杀
大卫ê兵kah约押出军倒tńg来，带真chē抢ê物来。Hit时，押尼珥无tī希伯仑大卫hia，因为大卫已经送伊出去，伊mā平安离开。
3:23 约押kah tòe伊ê军队到位了后，有人通知约押讲：「尼珥ê kiáⁿ押尼珥来见王，王送伊去，伊mā平安离开。」
3:24 约押去见王讲：「你做啥物？你看，押尼珥来见你，你ná ē送伊去？Taⁿ伊离开去à！
3:25 你知尼珥ê kiáⁿ押尼珥来，是beh骗你，ài知你ê出kah你ê入，kah你一切所做ê tāichì。」
3:26 约押tùi大卫hia出来，to̍h差使者去jiok押尼珥，in to̍htui3西拉ê井kā伊chhōa tńg来，总是，大卫m̄知。
3:27 押尼珥倒tńg来到希伯仑，约押chhōa伊来到城门口，假beh偷偷á kah伊讲话，to̍h tī hia凿透伊ê腹肚，伊to̍h死。这是为tio̍h伊ê小弟亚撒黑hō͘伊thâi死。
3:28 后来，大卫听tio̍h，to̍h讲：「流尼珥ê kiáⁿ押尼珥ê血，chitê罪tī上主ê面前一定永远无归tī我kah我ê国。
3:29 愿hitê归tī约押ê头壳kah伊ê老父全家，koh愿约押ê家患tio̍h下身流脓ê，癞ko ê á是òa靠拐á ê，hō͘刀thâi死ê，无thang食ê，永远无断。
3:30 约押kah伊ê小弟亚比筛thâi死押尼珥，是因为伊tī基遍交战ê时，thâi死in ê小弟亚撒黑。
3:31 埋葬押尼珥
大卫kā约押kah tòe伊ê人民讲：「Lín tio̍h拆裂衫，縖麻布，tī押尼珥面前啼哭。」大卫王mā tòe tī伊ê棺材后面。
3:32 In kā押尼珥埋葬tī希伯仑。王óa近押尼珥ê墓来啼哭，众人mā lóng啼哭。
3:33 王为tio̍h押尼珥唱哀歌：押尼珥ná ē亲像戆人ê死？
3:34 你ê手无捆缚，你ê脚无锁链。你死，亲像人死tī pháiⁿ人ê面前。
3:35 就ánne，众人koh为tio̍h伊哀哭。日未落ê时，众人来劝大卫食饼，总是，大卫chiùchōa讲：「我若tī日未落ê chìn前食淡薄饼，á是食别项物，愿上主加倍责罚我！」
3:36 众人注意teh看，lóng看做是好。亲像凡若王所做ê，众人lóng看做是好。
3:37 Hit日，众人kah以色列人民chiah知，thâi死尼珥ê kiáⁿ押尼珥，lóng m̄是出tī王ê意思。
3:38 王kā伊ê人臣讲：「Lín kám m̄知今á日tī以色列中，死一个豪杰ê大伟人？
3:39 我虽然受抹油做王，今á日iáu是软弱；洗鲁雅ê kiáⁿ，chiahê人比我khah强。行pháiⁿ ê人，愿上主照伊ê pháiⁿ kā伊报应。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。