撒母耳记下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
2:1 大卫做偤大王
后来，大卫问上主讲：「我kám thang 上去偤大ê一个城？」上主kā伊讲：「Thang上去。」大卫讲：「我tio̍h上去tó位？」他讲：「去希伯仑。」
2:2 大卫to̍h kah伊两 个bó͘，to̍h是耶斯列人亚希暖kah迦密人bat做拿八ê bó͘ hitê名叫亚比该，lóng上去hia。
2:3 大卫mā hō͘跟tòe伊ê人kah in ta̍k人ê家眷lóng去，in to̍htoa3 tī希伯仑hiahê城。
2:4 偤大人来到，tī hia用油抹大卫，hō͘伊做偤大家ê王。 有人kā大卫讲：「埋葬扫罗ê是基列雅比ê人。」
2:5 大卫to̍h差使者去见基列雅比ê人，kā in讲：「愿上主赐福hō͘ lín，因为lín用chitê仁慈款待你ê主扫罗，kā伊埋葬。
2:6 愿上主用仁慈诚实kā lín款待，我mā beh报答lín chitê仁慈，因为lín有行chitê tāichì。
2:7 Lín ê手tio̍h giám硬，lín tio̍h勇敢，因为lín ê主扫罗已经死，偤大族mā有用油抹我做in ê王。」
2:8 伊施波设受设立做以色列王
扫罗ê军长尼珥ê kiáⁿ押尼珥bat kā扫罗ê kiáⁿ伊施波设chhōa过去玛哈念，
2:9 kā伊设立做王来治理基列、A-su-lī、耶斯列、以法连、便雅悯kah以色列ê群众。
2:10 扫罗ê kiáⁿ伊施波设起头做以色列王，hit时四十岁，坐位两年，独独偤大族跟tòe大卫。
2:11 大卫tī希伯仑做偤大族ê王，经过七年koh六月日。
2:12 以色列kah偤大ê交战
尼珥ê kiáⁿ押尼珥kah扫罗ê kiáⁿ伊施波设ê人臣，tùi玛哈念出来去基遍。
2:13 洗鲁雅ê kiáⁿ约押kah大卫ê人臣mā出来，tī基遍ê池边相tú ・tio̍h；in to̍h坐落来，一队坐tī池ê chit pêng，一队坐tī池ê hit-pêng。
2:14 押尼珥对约押讲：「请你hō͘少年人起来，tī咱ê面前滚笑。」约押讲：「Thang hō͘伊起来。」
2:15 Into̍h起来，照数额过去：属扫罗ê kiáⁿ伊施波设ê便雅悯人十二名，大卫ê人臣mā有十二名。
2:16 Ta̍k个khiú伊ê对面hitê人ê头壳，用刀凿伊对面hitê人ê脇下，做一下倒落去死。所以，基遍hit所在叫做Hi-lī-kah-hap-sò͘-lîm（注：希伯来文读音，意思是「剑场」。）。
2:17 Hit日ê交战真雄，押尼珥kah以色列人tī大卫ê兵ê面前khah输。
2:18 Tī hia有洗鲁雅三个kiáⁿ：约押、亚比筛kah亚撒黑。亚撒黑ê脚gâu走，ná亲像野鹿；
2:19 亚撒黑jiok押尼珥，无偏左无偏右，直直jiok tio̍h押尼珥。
2:20 押尼珥oa̍t头看，讲：「亚撒黑，是你á m̄是？」亚撒黑应讲：「是我。」
2:21 押尼珥kā伊讲：「你tio̍h oa̍t-tńg正pêng á是倒pêng，掠一个少年人，为你本身剥伊ê战衫。」总是，亚撒黑直直jiok伊，m̄肯oa̍t tńg来。
2:22 押尼珥koh kā亚撒黑讲：「你oa̍t tńg去，mài koh jiok我！我ná tio̍h kā你phah倒地？若ánne，我有啥物面子thang去见你ê阿兄约押？」
2:23 伊犹原m̄肯oa̍t-tńg去。押尼珥chiah用枪柄后ê刀凿入去伊ê腹肚，枪to̍h thàng过伊ê尻脊后，伊to̍h倒tī hia死去。见若来到亚撒黑倒teh死ê所在，to̍h lóng停脚。
2:24 约押kah亚比筛jiok押尼珥，in到Ki-a相对面ê A-má山，tī基遍旷野ê路，日to̍h落山。
2:25 便雅悯人聚集tòe押尼珥做一阵，khiā tī山顶。
2:26 押尼珥叫约押讲：「刀剑thâi人kám永无soah？你kám m̄知到尾ē有艰苦？你beh到tang时chiah hō͘人民tńg去，无koh jiok in ê兄弟？」
2:27 约押讲：「我kí永远活ê上主来chiùchōa，若m̄是你讲，早起人民to̍h tńg去，无jiok伊ê兄弟。」
2:28 就ánne，约押pûn哨角，众人to̍h khiā ・leh，无koh jiok以色列人，mā无koh交战。
2:29 押尼珥kah tòe伊ê人行kui暝，经过亚拉巴，过约旦河，tùi Pit-lûn过去到玛哈念。
2:30 约押无koh jiok押尼珥，to̍h tńg来，聚集众人。大卫ê兵减十九人kah亚撒黑。
2:31 总是，大卫ê兵phah死便雅悯人kah tòe押尼珥ê人，总共三百六十人。
2:32 In扛亚撒黑去伯利恒，kā伊埋葬tī in老父ê墓。约押kah tòe伊ê人行kui暝，来到希伯仑ê时，天tú-á光。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。