撒母耳记上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
30:1 大卫kah亚玛力人相thâi
第三日，大卫kah tòe伊ê人来到洗革拉。亚玛力人已经侵犯南方kah洗革拉，mā phah洗革拉，用火烧hitê城。
30:2 掠城内ê chabó͘人，无论大细，无thâi死kah半个，kantaⁿ kā in掠去。
30:3 大卫kah tòe伊ê人来到hitê城，看tio̍h城已经hō͘火烧去，in ê bó͘ kah kiáⁿ儿lóng hō͘ in掠去。
30:4 大卫kah tòe伊ê人to̍h开声哮，哮到无力thang哮。
30:5 大卫ê两 个bó͘，耶斯列人亚希暖kah bat做迦密人拿八ê bó͘亚比该，mā hō͘ in掠去。
30:6 大卫真tio̍h急，因为众人讲tio̍h用石头kā大卫tìm死。人人为tio̍h in ê kiáⁿ儿真烦恼，总是，大卫óa靠上主—伊ê上帝，kakī 坚固。
30:7 大卫kā亚希米勒ê kiáⁿ，祭司亚比亚他，讲：「请你kā我带祭司服来。」亚比亚他就带祭司服来到大卫hia。
30:8 大卫问上主讲：「我jiok chitê军队，jiokē tio̍h á-bē？」上主讲：「你tio̍h去jiok in，因为稳当jiokē tio̍h，mā稳当ē kā in lóng救tńg来。」
30:9 大卫to̍h kah tòe伊ê六百人到Pí-so ê溪，留teh ê人歇tī hia。
30:10 总是，大卫kah四百人去jiok，有两百人厌倦，bē tàng 过Pí-so ê溪，就留tī hia。
30:11 In tī田野tú tio̍h一个埃及人，to̍h kā伊chhōa来到大卫hia；the̍h饼hō͘伊，伊to̍h食，phâng水hō͘伊lim，
30:12 koh hō͘伊一块无花果饼，两葩葡萄干。伊食了后，精神回复，因为伊三日三暝无食饼koh无lim水。
30:13 大卫问伊讲：「你属啥人？Tùi tó位来？」伊应讲：「我是埃及ê少年人，是亚玛力人ê奴仆，因为我三日前破病，我ê主人to̍h kā我放sak。
30:14 阮侵犯基利提ê南pêng，kah属偤大ê地，kah迦勒地ê南pêng，koh用火烧洗革拉。」
30:15 大卫问伊讲：「你ēchhōa我到hitê军队hia á-bē？」伊应讲：「你tio̍h kā我kí上主来chiùchōa，bē kā我thâi死，mā bē kā我交tī我ê主人ê手，我to̍h ē chhōa你落去到hitê军队hia。」
30:16 伊chhōa大卫落去ê时，看tio̍h in四散tī全地，lim食koh跳舞，因为tùi腓利士地kah偤大地所抢ê物真chē。
30:17 大卫kā in phah，tùi黄昏暗到隔tńg工ê-hng，只有四百个骑骆驼ê少年人走去，以外无kah一个人走离开。
30:18 亚玛力人所抢去ê财物，大卫lóng救倒tńg来，大卫mā救伊ê两 个bó͘ tńg来。
30:19 见若亚玛力人所抢去ê，无论大细，kiáⁿ儿、财物，大卫lóng带倒tńg来，无失落kah一个。
30:20 大卫koh抢所有ê羊群kah牛群，kā in赶tī chengseⁿ ê头前，讲：「这是大卫取来ê。」
30:21 大卫来到hiahê厌倦bē tàng跟tòe大卫去soah留tī Pí-so溪ê两百人hia。In出来迎接大卫kah tòe伊ê人民。大卫进前到人民hia，kā in请安。
30:22 Kah大卫去ê人，其中有pháiⁿ人kah匪类讲：「因为in无kah咱去，咱所救倒tńg ê物，一定无beh分hō͘ in，kantaⁿ kā in ta̍k人ê bó͘ kah kiáⁿ儿hō͘ in，hō͘ in chhōa去。」
30:23 大卫讲：「兄弟，m̄ thang kā上主所赏赐hō͘咱ê物ánne做，因为他保护咱，kā攻击咱ê军队交tī咱ê手中。
30:24 Chitê tāichì啥人ē遵thàn lín？顾守杂物ê人所得tio̍h ê份额tio̍h亲像出阵ê人ê份额，大家tio̍h平分。」
30:25 Tùi hit日以后，大卫设立chitê做以色列ê律例kah法度，一直到今á日。
30:26 大卫来到洗革拉ê时，tùi所抢ê物ê中间the̍h kóa起来，寄去送hō͘伊ê朋友偤大ê长老，讲：「你看，chiahê是tùi上主ê对敌抢来ê，送hō͘ lín做礼物。」
30:27 to̍h是送hō͘ tòa tī伯特利ê，tòa tī南方ê拉末ê，tòa tī Ia-thel ・ê，
30:28 tòa tī亚罗珥ê，tòa tī Sek-boa̍t ・ê，tòa tī E-si-te-mo͘h ・ê，
30:29 tòa tī La-hat-le̍k ê，tòa tī耶拉篾人chiahê城ê，tòa tī基尼人hiahê城ê，
30:30 tòa tī何珥玛ê，tòa tī Ko-la̍h-san ê，tòa tī A-that ê，
30:31 tòa tī希伯仑ê，以及大卫kah tòe伊ê人平时所往来ê所在，lóng有分（pun）hō͘ in。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。