撒母耳记上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
22:1 残杀祭司
大卫to̍h离开hia，走到亚杜兰ê洞。伊ê兄弟kah伊ê老父全家听tio̍h，to̍h lóng落去到伊hia。
22:2 见若迫害ê，欠债ê，心内郁卒ê，lóng聚集到伊hia；大卫to̍h做in ê头，óa伊ê差不多有四百人。
22:3 大卫tùi hia去摩押ê米斯巴，kā摩押王讲：「求你容允我ê老父kah我ê老母出来，tiàm lín chia tòa，thèng候到我明白上主ē kā我án怎行。」
22:4 伊chhōa in到摩押王ê面前。大卫tòa tī山寨ê时chūn，伊ê父母mā tòa tī摩押王hia。
22:5 先知迦得kā大卫讲：「你m̄ thang tòa tī城堡，tio̍h去偤大地。」大卫to̍h离开hia，去到Hap-lia̍t ê树林。
22:6 扫罗残杀祭司
扫罗tī基比亚ê拉玛，坐tī垂丝柳ê树脚，手里gia̍h枪，众人臣围tī伊ê左右。扫罗听tio̍h讲大卫kah tòe ê人hō͘人tú tio̍h，
22:7 伊to̍hka7围伊ê人臣讲：「便雅悯人，lín tio̍h听，耶西ê kiáⁿ kámē kā田kah葡萄园hō͘ lín ta̍k人？Kám会设立lín ta̍k人做营长，连长？
22:8 Lín竟然做伙计谋攻击我！我ê kiáⁿ bat kah耶西ê kiáⁿ结约，无人报我知；lín中间无一个人可怜我；我ê kiáⁿ煽动我ê人臣攻击我，当等我，亲像今á日ê款，lín lóng无报我知。」
22:9 Hit时，以东人多益khiā tī扫罗人臣ê中间，kā伊讲：「我bat看tio̍h耶西ê kiáⁿ去到挪伯，来到亚希突ê kiáⁿ亚希米勒hia。
22:10 亚希米勒替伊问上主，koh hō͘伊食物，mā用腓利士人歌利亚ê刀hō͘伊。」
22:11 王to̍h差人去召亚希突ê kiáⁿ，祭司亚希米勒，kah伊老父全家，to̍h是tòa tī 挪伯hiahê祭司，in to̍hlong2来王hia。
22:12 扫罗讲：「亚希突ê kiáⁿ，你tio̍h听。」亚希米勒应讲：「我ê主，我tī chia。」
22:13 扫罗kā伊讲：「Lín án怎kah耶西ê kiáⁿ计谋beh来攻击我？你竟然kā饼kah刀hō͘伊，koh替伊问上主，hō͘伊起来攻击我，当等我，亲像今á日ê款？」
22:14 亚希米勒应王讲：「你ê人臣中间，啥人ē比得大卫ê尽忠？伊是王ê kiáⁿ婿，koh做你ê参谋，mā tī你ê厝内是尊贵ê。
22:15 我kám是tùi今á日chiah替伊问上主？我绝对无hit款意思，请王m̄ thang kā啥物归tī奴仆kah我ê老父全家，因为chiahê所有ê tāichì，无论大细，你ê奴仆lóng m̄知。」
22:16 王讲：「亚希米勒，你kah你ê老父全家lóng一定tio̍h死。」
22:17 王命令左右ê侍卫讲：「Lín oa̍t tńg去thâi上主ê祭司，因为in mā帮赞大卫，koh因为in知大卫逃走，竟然无报我知。」总是，王ê人臣m̄肯伸手phah死上主ê祭司。
22:18 王kā多益讲：「你oa̍t tńg去phah hiahê祭司。」以东人多益to̍h oa̍t tńg去phah祭司，hit日，thâi死穿幼苎布ê祭司八十五人。
22:19 Koh用刀phah祭司ê城—挪伯其中ê男女、gín-á、食奶ê婴á kah牛、驴、羊，lóng用刀thâi死。
22:20 亚希突ê kiáⁿ亚希米勒有一个kiáⁿ，名叫做亚比亚他，脱离走去tòe大卫。
22:21 亚比亚他kā大卫讲：「扫罗有thâi死上主ê祭司。」
22:22 大卫kā亚比亚他讲：「Hit日，以东人多益tī hia，我知伊一定ē kā扫罗讲。你ê老父全家失落性命，lóng是因为我ê缘故。
22:23 你tio̍h kah我tòa，m̄免惊，因为siàu想我ê性命ê to̍h是siàu想你ê性命；你kah我tòa，ē得tio̍h保全。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。