圣经阅读

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

撒母耳记上线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

13:1

抵抗腓利士人

扫罗tú-á坐位ê时XX岁，做以色列王X2年ê时，（注：XX kah X2：学者认为chit两个数字tī希伯来文抄本中受损或遗失，无法度复原；因为原文照字面读分别只有「一岁」kah「两年」。），
13:2 伊to̍h为kakī tùi以色列中拣三千人，二千人跟tòe扫罗tī密抹kah伯特利山，一千跟tòe约拿单tī便雅悯ê基比亚；其他ê人，伊差in tńg去ta̍k人ê布棚。
13:3 约拿单phah迦巴腓利士人ê军营，腓利士人听tio̍h。扫罗就pûn哨角tī全地，意思是叫希伯来人lóng tio̍h听。
13:4 以色列人民听tio̍h扫罗phah腓利士人ê军营，koh听tio̍h以色列人hō͘腓利士人讨厌，人民to̍h来跟tòe扫罗，聚集tī吉甲。
13:5 腓利士人聚集beh kah以色列人交战，有车三万台，马兵六千，步兵亲像海边ê沙hiah chē，to̍h起来tī伯亚文东pêng ê密抹扎营。
13:6 以色列人看tio̍h kakī 危急，因为人民受窘迫，kakī 就bih tī山洞、树林、石穴，险要ê所在kah深坑。
13:7 Mā有希伯来人过约旦河来到迦特kah基列地。扫罗iáu koh tī吉甲，人民lóng phi̍h-phi̍h chhoah来跟tòe伊。
13:8 扫罗照撒母耳所定tio̍h ê日期，thèng候七日。撒母耳iáu未来吉甲，人民to̍h离开伊四散去。
13:9 扫罗讲：「Kā烧祭kah谢恩祭带来我chia。」伊to̍h献烧祭。
13:10 伊献烧祭tú-á了后，你看，撒母耳到à，扫罗出去kā伊迎接，beh kā伊请安。
13:11 撒母耳讲：「你做啥物tāichì？」扫罗讲：「因为我看tio̍h人民四散离开我，你mā无照所定tio̍h ê日期到，而且腓利士人已经聚集tī密抹。
13:12 所以，我讲：腓利士人ē到吉甲来攻击我，我koh iáu未求上主施恩，我to̍h勉强献烧祭。」
13:13 撒母耳对扫罗讲：「你做戆事à，因为你无遵守上主—你ê上帝所命令你ê诫命。若是有守，上主to̍h ētī以色列中坚固你ê王位到永远。
13:14 Taⁿ你ê王位无久长，上主已经chhōe tio̍h合他ê心意ê一个人，而且上主mā定tio̍h伊来做他ê子民ê头，因为你无遵守上主所命令你ê。」
13:15 撒母耳to̍h起来，tùi吉甲上去便雅悯ê基比亚。扫罗点算tòe伊ê人，差不多有六百人。
13:16 扫罗kah伊ê kiáⁿ约拿单，以及tòe in ê人，lóng tòa tī便雅悯ê 迦巴；总是，腓利士人扎营tī密抹。
13:17 有抢劫ê tùi腓利士ê军营中出来，分做三队：一队oat tùi俄弗拉ê路，到书亚ê地去，
13:18 koh一队oat tùi Pek-hô-lûn ê路去；koh一队oat tùi Che-pho-im ê山谷对面地界ê路，ǹg旷野去。
13:19 Hit时，以色列全地无一个phah铁师傅，因为腓利士人讲，恐惊希伯来人制造剑kah枪。
13:20 以色列人ē kā伊ê犁、耙、斧头kah锄头磨利，ta̍k人tio̍h落去腓利士人hia。
13:21 若beh鑢（lè）锄头、犁、三齿ê叉、斧头kah赶牛ê铁刺，tio̍h一pim ê工钱。
13:22 所以，到交战ê日，tòe扫罗kah约拿单ê人无kah一个人手里有剑有枪ê，kantaⁿ扫罗kah伊ê kiáⁿ约拿单有。
13:23 腓利士防守ê兵出去到密抹ê关口。

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本

各圣经译本着作权如版权说明。

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.