撒母耳记上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
12:1 撒母耳离开前ê苦劝
撒母耳kā以色列人民讲：「见若lín对我所讲ê话，我lóng有听tio̍h，设立一个王来管lín。
12:2 你看，taⁿ有一个王行tī lín ê面前。我已经老ā，头毛mā白，我ê kiáⁿ lóng tī lín chia。我tùi少年到taⁿ，lóng行tī lín ê面前。
12:3 我tī chia，lín tio̍h tī上主ê面前kah他所抹油ê ê面前，kā我做见证。我有牵啥人ê牛？牵啥人ê驴á？欺负啥人？压制啥人？对啥人ê手接受人ê乌纱，致使遮我ê目chiu ？若有，我ē还lín。」
12:4 民众讲：「你m̄ bat欺负阮，m̄ bat压制阮，mā m̄ bat tùi人ê手the̍h啥物物。」
12:5 撒母耳kā in讲：「Lín tī我ê手无chhōe tio̍h啥物物，今á日上主对lín做见证，他所抹油ê，mā做见证。」 In讲：「愿他做见证。」
12:6 撒母耳kā人民讲：「早前设立摩西kah亚伦ê，chhōa lín ê祖先出埃及ê是上主。
12:7 Taⁿ lín tio̍h khiā ・leh，我beh tī上主ê面前kah lín辩论上主对lín kah lín ê祖先所行一切公义ê tāichì。
12:8 早前雅各来到埃及，lín ê祖先mā有求叫上主，hit时，上主to̍h差摩西kah亚伦chhōa lín ê祖先出埃及，hō͘ in tòa tī chitê所在。
12:9 总是，in bē记得上主—in ê上帝，他to̍h kā in卖hō͘ 夏琐ê军长西西拉ê手，kah腓利士人ê手，kah摩押王ê手，一直到hiahê人来kā in攻击。
12:10 In求叫上主讲：『阮有罪à，因为阮有离开上主，去服事巴力kah亚斯她录。Taⁿ求祢救阮脱离阮对敌ê手，阮beh服事祢。』
12:11 上主to̍h差耶路巴力、Be-tàn、耶弗他kah撒母耳，来救lín脱离四箍围对敌ê手，lín chiah平安tòa落去。
12:12 Lín看tio̍h亚扪人ê王拿辖来kā lín攻击，to̍h对我讲：『M̄-lah，阮定tio̍h beh一个王来管理阮。』其实上主—lín ê上帝to̍h是lín ê王。
12:13 Taⁿ看lín所拣所求ê王tī chia，你看，上主已经设立王来管lín。
12:14 Lín若敬畏上主，服事他，听他ê话，无违背上主ê命令，lín kah kā lín管辖ê王mā顺服上主—lín ê上帝to̍h好。
12:15 设使lín m̄遵thàn上主ê话，违背上主ê命令，上主ê手就ē kā lín攻击，亲像早前攻击lín ê祖先ánne。
12:16 Taⁿ lín tio̍h khiā ・leh，来看上主tī lín ê目chiu 前所beh行ê大事。
12:17 今á日kám m̄是割小麦ê时？我求上主，他ē起雷落雨，hō͘ lín mā知mā看出，lín为kakī 求设立王ê tāichì，tī上主ê面前所犯ê罪是真大。」
12:18 就ánne，撒母耳求叫上主，上主to̍h tī chit日起雷落雨，众人to̍h真惊上主kah撒母耳。
12:19 人民kā撒母耳讲：「求你替你chiahê奴仆求上主—你ê上帝，免得阮死亡，因为阮为kakī 求一个王，真正是tī罪ê顶面加添罪。」
12:20 撒母耳kā人民讲：「M̄免惊，lín虽然行chitê pháiⁿ，总是，m̄ thang偏离无tòe上主，独独tio̍h尽心服事上主。
12:21 M̄-thang偏离，因为偏离to̍h是遵thàn虚假ê物，无利益，mā无拯救ê，因为in是虚假。
12:22 上主为tio̍h kakī ê大名，一定无弃sak他ê子民，因为上主欢喜kā lín当做他ê子民。
12:23 讲到我替lín祈祷，绝对无停soah，致使得罪上主，我ē用好koh正直ê路kā lín指示。
12:24 独独lín tio̍h敬畏上主，诚心实意服事他，因为lín tio̍h ē记得他为lín所做ê tāichì有gōa大。
12:25 Lín若犹原做pháiⁿ，lín kah lín ê王会做一下灭亡。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。