撒母耳记上 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3:1 上主对撒母耳显现
Gín-á撒母耳tī以利ê面前服事上主。当hiahê日，上主ê话真稀罕，无tiāⁿ-tiāⁿ 有启示。
3:2 有一日，以利困tī kakī ê所在，伊ê目chiu 已经雾，看bē明。
3:3 上主ê灯iáu未hoa，撒母耳已经tī上主ê殿，tī上主ê约柜hia teh困。
3:4 上主叫撒母耳，伊应讲：「我tī chia。」
3:5 to̍h行去到以利hia，讲：「我tī chia，因为你叫我。」以利讲：「我无叫你，你tńg去困。」伊to̍hkoh去困。
3:6 上主koh叫撒母耳，撒母耳起来，去以利hia，讲：「我tī chia，因为你叫我。」以利应讲：「我ê kiáⁿ，我无叫你，你thang koh去困。」
3:7 Hit时，撒母耳iáu m̄ bat上主，上主ê话bē kā伊启示。
3:8 上主第三pái叫撒母耳。撒母耳起来，去以利hia，讲：「我tī chia，因为你叫我。」以利chiah知，是上主teh叫gín-á。
3:9 就ánne，以利kā撒母耳讲：「你koh去困，他若koh叫你，你to̍h讲：『上主ah，请祢讲，祢ê奴仆teh听。」撒母耳to̍h去困tī伊ê所在。
3:10 上主koh来khiā ・leh，亲像前几pái teh叫：「撒母耳！撒母耳！」撒母耳应讲：「请讲，祢ê奴仆teh听。」
3:11 上主kā撒母耳讲：「你看，我tī以色列中beh行一项事，hō͘听tio̍h ê人，两 个耳孔会振动起来。
3:12 我关系以利ê家所讲ê，到hit日，头到尾我ētī伊ê身上应验。
3:13 我bat kā伊讲，我ē为tio̍h伊所知ê罪，永远审判伊ê家，因为伊ê kiáⁿ kakī 招来咒诅，伊mā无kā in禁止。
3:14 所以，我有对以利ê家chiùchōa讲：『以利ê家ê罪过，虽然献祭祀礼物，永远bē tàng赎罪。』」
3:15 撒母耳困到天光，to̍h开上主ê殿门。撒母耳m̄敢kā异象对以利讲。
3:16 以利叫撒母耳来，讲：「我ê kiáⁿ撒母耳！」撒母耳应讲：「我tī chia。」
3:17 以利讲：「上主对你讲啥物？求你m̄ thang对我隐瞒；你若kā他所kā你讲ê对我隐密一句，愿上主加倍kā你责罚。」
3:18 撒母耳to̍h kā hiahê话lóng kā伊讲，lóng无对伊隐瞒。以利讲：「是上主，愿他照他所看做好ê来行。」
3:19 撒母耳渐渐大汉，上主kah伊同在，hō͘伊所讲ê，无一句无应验。
3:20 Tùi但到别是巴，所有ê以色列人lóng知撒母耳hông设立做上主ê先知。
3:21 上主koh tī示罗显现，因为上主用上主ê话tī示罗对撒母耳显明。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。