圣经阅读

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

撒母耳记上线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

1:1

以利加拿tī示罗

以法连山地ê La̍h-má-só-hui，有一个以法连人ê名叫做以利加拿，是So͘-hut ê玄孙，Thok-hō͘ ê干á孙，以利户ê孙，耶罗罕ê kiáⁿ。
1:2 伊有两个bó͘，一个名叫哈拿，一个名叫毗尼拿。毗尼拿有kiáⁿ儿，哈拿无kiáⁿ儿。
1:3 Chitê人ta̍k年tùi伊ê本城上去到示罗，beh敬拜，mā beh祭祀万军ê上主；以利两个kiáⁿ—何弗尼kah非尼哈 tī hia做上主ê祭司。
1:4 以利加拿献祭ê日，分祭肉hō͘伊ê bó͘毗尼拿kah伊ê kiáⁿ儿。
1:5 总是，分hō͘哈拿ê是双份，因为伊khah疼哈拿。M̄ koh，上主hō͘她bē怀胎。
1:6 Kah她做对头ê毗尼拿大大kā她刺激，beh hō͘她忧闷，因为上主hō͘她bē怀胎。
1:7 她去到上主ê殿ê时，以利加拿每年lóng ánne行，毗尼拿犹原kā她刺激，她就啼哭，soah m̄食饭。
1:8 她ê丈夫以利加拿kā她讲：「哈拿，你ná ē teh啼哭？Ná会m̄食饭？Ná会心忧闷？我对你kám无比十个kiáⁿ khah好？」
1:9

哈拿kah以利

In tī示罗lim食了后，哈拿to̍h起来。祭司以利tī上主殿ê门框边，坐tī伊ê位。
1:10 哈拿ê心内忧苦，对上主祈祷，soah来大啼哭。
1:11 她下愿，讲：「万军ê上主ah，祢若果然垂落看顾祢ê女婢ê艰难，koh数念我，无bē记得祢ê女婢，赏赐祢ê女婢生chapo͘ kiáⁿ，我beh hō͘伊归tī上主到一世人，剃头刀bē到伊ê头壳。」
1:12 哈拿tī上主ê面前直直祈祷ê时，以利注目看她ê嘴。
1:13 （Taⁿ哈拿心内恬恬求，只有嘴唇振动，无听tio̍h声，所以，以利掠做她是teh酒醉。）
1:14 以利kā她讲：「你beh醉到tang时？你m̄ thang koh lim酒。」
1:15 哈拿应讲：「我ê主，m̄是ánne。我是心内忧苦ê chabó͘人，薄酒厚酒我lóng无lim，独独tī上主ê面前吐出心情，
1:16 m̄ thang掠你ê女婢做pháiⁿ德行ê chabó͘人，因为我到taⁿ lóng是对我ê大忧闷kah受激气来讲。」
1:17 以利应她讲：「你thang平安tńg去，愿以色列ê上帝允准你所对他求ê！」
1:18 哈拿讲：「愿你ê女婢tī你ê面前得tio̍h恩典。」Cha-bó͘人to̍h tńg去，来lim食，to̍h无koh再带忧容。
1:19

撒母耳ê出世kah献身

隔tńg工，in早早起来，tī上主ê面前敬拜了后，to̍h tńg去拉玛，到伊ê家。以利加拿kah伊ê bó͘哈拿同房，上主数念哈拿，
1:20 哈拿就怀孕。到时to̍h生一个kiáⁿ，kā伊号名叫做撒母耳，讲：「这是我tùi上主求ê。」
1:21 以利加拿kah伊ê全家lóng上去，to̍h用ta̍k年ê祭祀kah伊所下ê愿献hō͘上主。
1:22 总是，哈拿无上去，kā她ê丈夫讲：「Thèng候gín-á断奶，我to̍h chhōa伊tńg去，hō͘伊朝见上主，永远tiàm tī hia。」
1:23 她ê丈夫以利加拿kā她讲：「照你所看做好ê来行，thang thèng候gín-á断奶。总是，愿上主应验他ê话。」就ánne，chabó͘人tī厝内io kiáⁿ，到断奶。
1:24 Kā gín-á断奶了后，to̍h chhōa伊做伙去示罗，到上主ê殿，koh带三只牛káng，一伊法ê幼面粉，一皮袋酒。Hit时，gín-á iáu细汉。
1:25 Inthâi一只牛káng，to̍h chhōa gín-á到以利ê面前。
1:26 Cha-bó͘人对以利讲：「我ê主ah，我kí祢ê活命来chiùchōa，我ê主ah，早前khiā tī祢chia，祈求上主ê hitê chabó͘人to̍h是我。
1:27 我求ài得tio̍h chitê gín-á，上主已经赏赐我所对他求ê。
1:28 所以，我用chitê gín-á还上主，hō͘伊一世人归属上主。」她to̍h tī hia敬拜上主。

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本

各圣经译本着作权如版权说明。

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.