圣经阅读

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

路得记线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

2:1

路得tī波阿斯ê田里拾麦穗

拿俄米有一个她ê丈夫ê亲人，to̍h是以利米勒ê亲族，伊ê名叫做波阿斯，是一个大好额ê人。
2:2 摩押ê chabó͘ kiáⁿ路得kā拿俄米讲：「Hō͘我去园里，我若tī啥人ê面前得tio̍h恩典，to̍h thang tī hitê人ê后面拾麦屑(sap)。」她ê ta-ke kā她讲：「我ê chabó͘ kiáⁿ，做你去。」
2:3 她to̍h去，到位了后，就tòe割麦ê人tī园里拾麦屑。她chiok tú好来到以利米勒ê亲族波阿斯ê一丘园。
2:4 波阿斯tùi伯利恒来，对割麦ê人讲：「愿上主kah lín同在。」In应讲：「愿上主kā你赐福。」
2:5 波阿斯问伊所派割麦ê头人讲：「Hitê是啥人ê chabó͘ kiáⁿ？」
2:6 割麦ê头人应讲：「Chitê是摩押ê chabó͘ kiáⁿ，kah拿俄米tùi摩押地tńg来ê。
2:7 她讲：『请你准我拾麦屑，tī割麦ê ê后面，tī麦捆中来拾。』所以，她to̍h来，tùi早起到taⁿ，tiāⁿ-tiāⁿ tòa chia teh拾，kantaⁿ tī厝内歇一时á。」
2:8 波阿斯kā路得讲：「我ê chabó͘ kiáⁿ，你tio̍h听，m̄ thang去别丘园拾麦屑，mā m̄ thang离开chia，tio̍h ánne kah我chiahê女婢做阵。
2:9 你tio̍h看in tī tó一丘teh收割，就tòe in去。我已经吩咐hiahê少年人m̄ thang摸tio̍h你。你若嘴干，to̍h去hiahê贮水ê器具hia，lim少年人所chhiūⁿ ê水。」
2:10 她to̍h仆tī土脚kā伊拜，kā伊讲：「我是外国人，ná ē tàng tī你ê面前得tio̍h恩典，你ná ē ánne teh kā我看顾？」
2:11 波阿斯应讲：「Tùi你ê丈夫死了后，见若你好款待你ê ta-ke ê tāichì，以及你离开父母kah你出世ê所在，来到你平时m̄ bat ê人民chia ê tāichì，人lóng有kā我讲明à。
2:12 愿上主报答你ê所做。你来歇tī上主—以色列上帝ê翼下，愿你得tio̍h他ê大赏赐。」
2:13 她讲：「我ê主，愿我tī你ê面前得tio̍h恩典。我虽然bē比得你ê女婢中ê一个，你iáu koh安慰我，对你ê女婢讲好话。」
2:14 食昼ê时，波阿斯kā她讲：「你来chia食饼，koh用你hit块饼来ùn醋。」她to̍h坐tī割麦ê人ê边a，伊the̍h烘好ê麦穗hō͘她。她食饱，iáu有chhun。她to̍h起来去拾麦屑。
2:15 波阿斯吩咐少年人讲：「她若tī kui捆ê中间拾麦屑，mā tio̍h容允她，m̄ thang hō͘她见笑；
2:16 mā tio̍h tùi kui捆ê抽淡薄，放tī地里hō͘她拾，m̄ thang kā她hoah。」
2:17 路得就ánne，tī园里拾麦屑；到ê-hng ê时，就phah她所拾ê麦屑，差不多有一伊法ê大麦。
2:18 她带她所拾ê入城，hō͘她ê ta-ke看，mā kā她食饱所chhun落来ê the̍h出来hō͘ ta-ke食。
2:19 Ta-ke问她讲：「你今á日tī tó位拾麦屑？Tī tó位做工？愿hitê看顾你ê得tio̍h福气。」她to̍h kā ta-ke讲她tī tó位做工，讲：「今á日，我tī hia做工，hitê人ê名叫做波阿斯。」
2:20 拿俄米kā她ê新妇讲：「愿伊得tio̍h上主赐福，to̍h是施恩hō͘活人kah死人无soah ・ê。」拿俄米koh讲：「Hitê人是咱ê亲人，是咱亲族ê一个，thang赎回咱ê产业。」
2:21 摩押ê chabó͘ kiáⁿ路得讲：「伊mā有kā我讲：『你tio̍h跟tòe我hiahê少年人，一直到in收割好势。』」
2:22 拿俄米kā伊ê新妇路得讲：「我ê chabó͘ kiáⁿ，你kah伊ê女婢出去，ánne是好；你无hō͘人看tio̍h你tī别人ê园teh拾麦屑。」
2:23 就ánne，她kah波阿斯ê女婢做伙拾麦屑，一直到大麦、小麦lóng收成了后。她犹原kah ta-ke做伙tòa。

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经越南圣经俄文圣经韩文圣经日语圣经藏语圣经武加大译本新武加大译本

各圣经译本着作权如版权说明。

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.