士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
16:1 参孙tī迦萨
参孙来到迦萨，tī hia看tio̍h一个妓女，就亲近她。
16:2 有人kā迦萨人讲：「参孙来到chia。」In就透暝kā伊围起来，tī城门当等伊，kui暝恬恬，讲：「到天光早起，咱to̍h thang kā伊thâi死。」
16:3 参孙困到半暝，tī半暝起来，kā城门ê门扇kah两支门框，以及门闩lóng拆起来，hē tī肩胛头顶，giâ到希伯仑对面ê山顶。
16:4 参孙kah大利拉
后来，参孙tī So-lia̍t山谷恋爱一个chabó͘人，她ê名叫做大利拉。
16:5 腓利士人hiahê首领去见hitê chabó͘人，对她讲：「你tio̍h làu参孙，看伊ê大气力在tī tó位，阮án怎chiah ē赢伊，thang kā伊缚起来hō͘伊困苦，阮to̍h ēta̍k人hō͘ 你一千一百银。」
16:6 大利拉kā参孙讲：「求你kā我讲，你ê大气力在tī tó位？Tio̍h án怎chiah ē tàng kā你缚起来，hō͘你困苦？」
16:7 参孙应讲：「人若用七条iáu未干，青ê藤á kā我缚，我to̍h ē软弱亲像别人。」
16:8 就ánne，腓利士人hiahê首领the̍h七条iáu未干，青ê藤á来，交hō͘ chabó͘人，她to̍h用hitê来缚参孙。
16:9 chabó͘人已经有埋伏人tī伊ê内房，chabó͘人讲：「参孙，腓利士人来beh掠你。」参孙to̍h chhoah断藤á，亲像chhoah断经过火ê麻丝，ánne，人犹原m̄知伊ê大气力。
16:10 大利拉kā参孙讲：「你骗我，对我讲白贼，taⁿ求你kā我讲，tio̍h án怎chiah ē tàng kā你缚起来？」
16:11 参孙应讲：「人若用m̄ bat用过ê新索á缚我，我to̍h ē软弱亲像别人。」
16:12 大利拉to̍h用新索á kā伊缚起来，对伊讲：「参孙ah，腓利士人来beh掠你！」Hit时，埋伏ê人bih tī内房，参孙to̍h chhoah断伊手骨里ê索á，亲像chhoah断一条线hiah简单。
16:13 大利拉kā参孙讲：「你到taⁿ iáu teh kā我骗，对我讲白贼。求你kā我讲，tio̍h án怎chiah ē tàng kā你缚起来？」参孙应讲：「你若用七股ê头毛kah纬线做伙织，to̍h ē。」
16:14 chabó͘人to̍h用钉á钉伊ê头毛，kā伊讲：「参孙，腓利士人来beh掠你！」参孙就醒，kā布机ê钉á kah纬线做一下拔出来。
16:15 大利拉kā伊讲：「你ê心无kah我结联，án怎讲你疼我？你已经骗我三pái，无kā我讲你ê气力在tī tó位。」
16:16 大利拉日日用话催伊，逼伊，致使伊ê心郁闷kah beh死。
16:17 to̍h kā伊ê心底所khǹg-ê lóng报伊知，kā伊讲：「永过m̄ bat有剃头刀临到我ê头壳，因为我tùi母胎就归上主做献身者；若kā我剃起来，我ê气力to̍h ē离开我，我to̍h ē软弱亲像别人。」
16:18 大利拉看tio̍h伊kā心底所khǹg-ê lóng kā她讲，to̍h差人叫腓利士人ê首领，kā in讲：「请lín chit pái koh起来，因为伊已经kā心底所khǹg-ê lóng kā我讲。」腓利士人ê首领上去chabó͘人hia，hitê银带tī手里。
16:19 她to̍h hō͘参孙困tī她ê脚头u，叫一个人来剃伊七股ê头毛。就ánne hō͘伊困苦，伊ê气力to̍h离开伊。
16:20 她讲：「参孙，腓利士人来beh掠你！」参孙困就醒，心内想讲：「我beh亲像以前几nā pái kakī 滚开」；总是，伊m̄知上主已经离开伊。
16:21 腓利士人kā伊掠起来，挖伊ê目chiu ，押伊来到迦萨，用铜链kā伊缚起来，伊to̍hti7监里挨磨。
16:22 M̄ koh，伊ê头毛受剃了后，koh渐渐长起来。
16:23 腓利士人hiahê首领聚集，beh献大祭hō͘ in ê神明大衮，mā beh宴乐，因为in讲：「咱ê神明kā咱ê对敌参孙交tī咱ê手à。」
16:24 人民看tio̍h参孙，to̍h oló in ê神明，讲：「咱ê对敌毁咱ê地，kohthâi死咱真chē人ê，taⁿ咱ê神明已经kā 伊交tī咱ê手。」
16:25 In宴乐ê时，to̍h讲：「叫参孙来，hō͘咱来kā伊弄chhitthô。」Into̍h叫参孙出监，伊to̍hhou7 in弄chhitthô，in hō͘伊khiā tī两支柱ê中间。
16:26 参孙kā牵伊ê手ê gín-á讲：「请你hō͘我摸tio̍h thuh厝ê柱，hō͘我thang óa靠 in。」
16:27 Hit时，厝内男女满满，腓利士人ê众首领mā lóng tī hia。厝顶男女差不多有三千人，看人teh弄参孙chhitthô。
16:28 参孙对上主祈祷讲：「至koân上主ah，求祢数念我，上主ah，求祢赐我尽chit pái ê气力，hō͘我为我ê两蕊目chiu ，对腓利士人做一下报仇。」
16:29 参孙就lám thuh hit间厝ê两支中柱来óa靠，正手lám一支，倒手lám一支。
16:30 参孙讲：「愿我kah腓利士人做伙死。」就尽力屈身，厝to̍h倒，来teh tī hiahê首领，kah tī hit内面ê群众。Án-ne，参孙死ê时所害死ê比活ê时所害死ê koh khah chē。
16:31 参孙ê兄弟kah伊ê老父全家，lóng落来收拾伊ê身尸，扛去埋葬tī琐拉kah以实陶ê中间，tī伊ê老父玛罗亚ê墓地。参孙做以色列ê士师二十年。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。