士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
14:1 参孙kah亭拿ê Cha-bó͘ gín-á
参孙落去亭拿，tī亭拿看tio̍h一个chabó͘ gín-á，to̍h是腓利士人ê chabó͘-kiáⁿ。
14:2 参孙上去kā伊ê老父kah老母讲：「我tī亭拿看tio̍h一个chabó͘ gín-á，是腓利士人ê chabó͘ kiáⁿ，愿lín kā我娶她来做bó͘。」
14:3 伊ê老父kah老母kā伊讲：「Tī你兄弟中ê chabó͘ gín-á á是tī咱人民中，kám无一个chabó͘ gín-á，致使你去tī无受割礼ê腓利士人中间娶bó͘？」参孙kā伊ê老父讲：「愿你kā我娶她，因为她是我kah意ê。」
14:4 总是，伊ê老父kah老母m̄知chitê tāichì是出tī上主，因为伊chhōe机会beh攻击腓利士。Hit时，腓利士人管辖以色列。
14:5 参孙kah伊ê父母落去亭拿，来到亭拿ê葡萄园，tú好有一只狮á豚 óa来对伊哮。
14:6 上主ê圣神大大临到参孙，伊ê手无ke-si，mā kā它拆裂，亲像拆裂山羊á ánne。伊mā无kā伊ê父母讲伊所行ê tāichì。
14:7 伊落去kah chabó͘ gín-á讲话，她是参孙所kah意ê。
14:8 Koh有hiah久，倒tńg来beh娶她，oat tùi路边beh看死去ê狮，看tio̍h有一巢蜂kah蜜tī狮ê身尸内底，
14:9 手去the̍h蜜to̍h行，ná行ná食，来到伊ê父母hia，to̍h kā蜜the̍h hō͘ in，in mā食；总是，无kā伊ê父母讲chitê蜜是tùi狮ê身尸the̍h出来ê。
14:10 伊ê老父落去到chabó͘ gín-á hia，参孙tī hia设宴席，因为平时少年人lóng有chit款ê风俗。
14:11 In看tio̍h参孙，to̍h chhōa三十个伴来陪伊。
14:12 参孙kā in讲：「我taⁿ beh出一个谜猜hō͘ lín，lín tī宴席ê七日内若猜出意思来kā我讲，我to̍h beh hō͘ lín三十领ê幼苎衫，三十套ê外衫；
14:13 lín若bē tàng kā我讲，lín to̍htioh8 hō͘我三十领ê幼苎衫，三十套 ê外衫。」In讲：「请出你ê谜猜hō͘阮听。」
14:14 伊to̍hka7 in讲：「Tùi食ê出食物，Τùi强ê出甜。」In三日内猜bē出。
14:15 到第七日，in kā参孙ê bó͘讲：「你tio̍h去làu你ê丈夫，hō͘伊kā谜猜ê意思kā阮讲，免得阮用火烧你kah lín老父ê厝。Lín请阮来，是beh抢阮á m̄是？」
14:16 参孙ê bó͘ tī伊ê面前啼哭，讲：「你是怨恨我，m̄是疼我，因为你出谜猜hō͘我本国ê人，mā无kā我讲明。」参孙应她讲：「我连老父老母都无kā in讲，kám thang kā你讲？」
14:17 Tī宴席ê七日内，她tī丈夫ê面前啼哭，到第七日to̍h kā她讲，因为她逼伊真thiám，伊ê bó͘ to̍h kā她本国ê人讲。
14:18 到第七日，日iáu未落山ê chìn前，城内ê人民kā参孙讲：「有啥物比蜜khah甜？有啥物比狮khah强？」参孙kā in讲：「Lín若m̄是用我ê牛种á犁田，我ê谜猜就猜bē出。」
14:19 上主ê圣神大大临到参孙，伊to̍h落去到亚实基伦，kā in中间thâi死三十人，kā in抢，kā hiahê衫hō͘猜tio̍h ê人。参孙大受气，to̍h chiūⁿ去in老父ê家。
14:20 参孙ê bó͘就嫁hō͘伊ê陪伴，to̍h是参孙kā伊当做朋友ê。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。