士师记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
13:1 参孙ê出世
以色列人koh行上主所看做pháiⁿ ê tāichì，上主kā in交tī腓利士人ê手中四十年。
13:2 Hit时，有一个琐拉人，是但ê族，名叫做玛罗亚，伊ê bó͘无怀孕，无生。
13:3 上主ê使者对hitê chabó͘人显现，kā她讲：「你平时无怀孕，无生，taⁿ你ē怀孕生一个kiáⁿ。
13:4 所以，你tio̍h细腻，薄酒厚酒lóng m̄ thang lim，无清气ê物mā lóng m̄ thang食。
13:5 因为你怀孕beh生一个kiáⁿ，剃头毛ê刀m̄ thang到tī伊ê头壳，因为chitê gín-á tùi胎里就归上主做献身者（注：原译本音译做「拿细耳/ Ná-sè-jíⁿ人。」），伊beh做救以色列ê头一站，脱离腓利士人ê手。」
13:6 chabó͘人来kā她ê丈夫讲：「有一个上主ê人来到我chia，伊ê容貌亲像上主使者ê容貌，真thang惊。我无问伊tùi tó位来，伊mā无kā我讲伊ê名，
13:7 总是，伊kā我讲：『你怀孕会生一个kiáⁿ，所以，薄酒厚酒lóng m̄ thang lim，无清气ê物mā lóng m̄ thang食，因为chitê gín-á tùi胎里到伊死ê日，lóng beh归上主做献身者ê人。』」
13:8 玛罗亚to̍h求上主讲：「主ah，求祢hō͘祢所差上主ê人koh来阮chia，thang教示阮án怎来款待chitê beh生ê kiáⁿ。」
13:9 上主听玛罗亚ê话；chabó͘人坐tī田里ê时，上主ê使者koh来到她hia，总是，她ê丈夫玛罗亚无kah她做伙。
13:10 chabó͘人赶紧走去报她ê丈夫，kā伊讲：「Hit日来我chia hitê人koh对我出现。」
13:11 玛罗亚起来tòe伊ê bó͘去到hitê人hia，kā伊讲：「Bat kah chitê chabó͘人讲话ê，kám是你？」伊讲：「是我。」
13:12 玛罗亚讲：「愿你ê话应验，chitê gín-á tio̍h照啥物法度，阮tio̍h对伊án怎行？」
13:13 上主ê使者对玛罗亚讲：「我kā chabó͘人所讲一切ê tāichì，她lóng tio̍h 斟酌。
13:14 见若葡萄所出ê，她m̄ thang食，薄酒厚酒lóng m̄ thang lim，一切无清气ê物mā m̄ thang食。见若我所命令ê，她lóng tio̍h遵守。」
13:15 玛罗亚对上主ê使者讲：「请你hō͘我kā你留teh，阮thang kā你准备一只山羊á。」
13:16 上主ê使者kā玛罗亚讲：「你虽然留我，我m̄食你ê物，你若准备烧祭，to̍h tio̍h献hō͘上主。」因为玛罗亚m̄知伊是上主ê使者。
13:17 玛罗亚kā上主ê使者讲：「你名叫做啥物？到你ê话应验ê时，阮thang尊敬你。」
13:18 上主ê使者kā伊讲：「你ná ē问我ê名？我ê名是奇妙ê。」
13:19 玛罗亚kā一只山羊á kah素祭，hē tī石磐顶来献hō͘上主。使者行奇怪ê tāichì，玛罗亚kah伊ê bó͘有看tio̍h。
13:20 因为火焰tùi坛顶chhèng上天ê时，上主ê使者tī坛顶ê火焰中mā上去。玛罗亚kah伊ê bó͘看tio̍h，to̍h仆落去土脚。
13:21 上主ê使者无koh出现hō͘玛罗亚kah伊ê bó͘看，玛罗亚 chiah知伊是上主ê使者。
13:22 玛罗亚kā伊ê bó͘讲：「咱一定ē死，因为咱有看tio̍h上主。」
13:23 伊ê bó͘ to̍h kā伊讲：「上主若beh hō͘咱死，一定无对咱ê手接纳烧祭kah素祭，koh无kā chiahê一切ê tāichì指示咱，chit时mā无kā咱讲chitê tāichì。」
13:24 后来，chabó͘人生一个kiáⁿ，to̍h kā伊号名叫做参孙。Gín-á大汉，上主kā伊赐福。
13:25 Tī Ma-hat-nî-tàn，to̍h是琐拉kah以实陶ê中间，上主ê圣神第一pái kā伊感动。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。