创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
24:1 亚伯拉罕岁寿长，年老，上主tī一切ê tāichì lóng赐福hō͘亚伯拉罕。
24:2 亚伯拉罕对伊厝内管理全部产业ê老奴仆讲：「请kā你ê手hē tī我ê大腿下，
24:3 我beh叫你kí上主，to̍h是天ê上帝kah地ê上帝来chiùchōa。我tòa tī迦南人ê中间，你m̄ thang kā我ê kiáⁿ娶in ê chabó͘ kiáⁿ来做bó͘。
24:4 你tio̍h去我ê本地本族，kā我ê kiáⁿ以撒娶一个bó͘。」
24:5 奴仆应伊讲：「设使chabó͘ gín-á m̄肯tòe我来chit所在，我kám tio̍h kā你ê kiáⁿ带tńg去你所tùi hia出来ê所在？」
24:6 亚伯拉罕kā伊讲：「你tio̍h谨慎，m̄ thang chhōa我ê kiáⁿ tńg去hia。
24:7 天ê上帝bat chhōa我离开老父ê家kah我本族ê地。他对我讲话，mā对我chiùchōa讲：『我beh kā chitê地赏赐hō͘你ê kiáⁿ孙。』他ē差他ê使者tī你ê面前，你to̍h thang tùi hia kā我ê kiáⁿ娶一个bó͘。
24:8 设使chabó͘ gín-á m̄肯tòe你来，我kah你chiù ê choa7to̍h kah你无关系；总是，m̄ thang带我ê kiáⁿ tńg去hia。」
24:9 奴仆to̍h kā伊ê手hē tī主人亚伯拉罕ê大腿下，为tio̍h chitê tāichì对伊chiùchōa。
24:10 Hitê奴仆tùi伊主人ê骆驼中，取十只骆驼，koh带伊主人ta̍k种ê财宝，出发去米所波大米，来到拿福ê城。
24:11 日beh暗，众chabó͘ gín-á出来chhiūⁿ水；伊to̍hhou7骆驼跪tī城外ê井边。
24:12 伊讲：「我ê主人亚伯拉罕ê上帝—上主ah，求祢施恩hō͘我ê主人亚伯拉罕，hō͘我今á日有好机会。
24:13 我taⁿ khiā tī井边，城内人ê chabó͘ gín-á teh出来chhiūⁿ水。
24:14 我beh对一个chabó͘ gín-á讲：『请放落你ê水瓶，hō͘我lim水。』她若讲：『请lim，我mā beh hō͘你ê骆驼lim。』愿hitê chabó͘ gín-á是祢所定tio̍h beh hō͘祢ê奴仆以撒做bó͘ ê。Án-ne，我to̍h知祢施恩hō͘我ê主人。」
24:15 话讲iáu未soah，利百加肩胛头背水瓶出来。她是彼土利生ê，彼土利是亚伯拉罕ê小弟拿福ê bó͘密迦ê kiáⁿ。
24:16 Hitê chabó͘ gín-á面貌非常súi，iáu是在室女，mā m̄ bat有人亲近她。她落去井边，chhiūⁿ满她ê瓶to̍h起来。
24:17 奴仆走进前kā她迎接，讲：「求你kā瓶内ê水淡薄á hō͘我lim。」
24:18 Cha-bó͘ gín-á讲：「我ê主，请lim。」就赶紧kā水瓶放落来，the̍h tī手里，hō͘伊lim。
24:19 Hō͘伊lim了后，她koh讲：「我mā beh kā你ê骆驼chhiūⁿ水，hō͘ in lim够额。」
24:20 她就赶紧kā瓶内ê水piàⁿ tī槽里，koh走去井里chhiūⁿ水，hō͘伊所有ê骆驼lim水。
24:21 Hitê人注目kā她看，恬恬无讲话，ài beh知上主有赏赐伊顺序ê路á无。
24:22 骆驼lim了后，hitê人to̍htheh8一个金环，重半舍客勒，两 个金手环，重十舍客勒hō͘ hitê chabó͘ gín-á。
24:23 Hitê人讲：「你是啥人ê chabó͘ kiáⁿ？请kā我讲，lín老父ê家有所在thang hō͘阮歇á无？」
24:24 利百加to̍h kā伊讲：「我是密迦tùi 拿福所生ê kiáⁿ，彼土利ê chabó͘ kiáⁿ。」
24:25 Koh对伊讲：「阮有草料米粮充足，mā有所在thang hō͘你歇。」
24:26 Hitê人to̍hàⁿ头敬拜上主，讲：
24:27 「Tio̍h oló我ê主，亚伯拉罕ê上帝—上主，他用慈爱诚实款待我ê主人，lóng无停止。关系我，上主tī路上引chhōa我到我ê主人兄弟ê家。」
24:28 Cha-bó͘ gín-á走tńg去，照chiahê话kā in老母全家ê人讲。
24:29 利百加有一个阿兄，名叫做拉班，伊出去井边，来见hitê人。
24:30 伊看tio̍h hitê金环，koh看tio̍h手环tī in小妹ê手，mā听tio̍h in小妹利百加ê话，讲：「Hitê人对我讲ánne，ánne。」伊to̍h去hitê人hia，看tio̍h hitê人iáu khiā tī骆驼边，óa近水井。
24:31 to̍h kā伊讲：「你chitê得tio̍h上主赐福ê，请入来。你án怎khiā tī外面？我已经kā厝kah骆驼ê所在准备好势。」
24:32 Hitê人to̍h入去伊ê厝，伊to̍hthau2骆驼所载ê，koh用草粮饲骆驼，phâng水hō͘ hitê人kah跟tòe ê人洗脚。
24:33 然后kā食物排tī伊ê面前，beh hō͘伊食。总是，伊讲：「我无beh食，tio̍h thèng候我讲明我ê使命。」拉班讲：「请你讲。」
24:34 伊to̍h讲：「我是亚伯拉罕ê奴仆。
24:35 上主大大赐福hō͘我ê主人，hō͘伊兴旺，koh hō͘伊羊、牛、银、金、奴仆、女婢、骆驼kah驴。
24:36 我ê主人ê bó͘撒拉，年老ê时，kā我ê主人生一个kiáⁿ；我ê主人mā kā一切所有ê hō͘ chitê kiáⁿ。
24:37 我ê主人kah我chiùchōa讲：『我tòa迦南人ê 所在，你m̄ thang kā我ê kiáⁿ娶in ê chabó͘ kiáⁿ做bó͘。
24:38 你tio̍h去我ê老父ê家，我ê本族hia，kā我ê kiáⁿ娶一个bó͘。』
24:39 我对我ê主人讲：『恐惊chabó͘ gín-á m̄肯tòe我来。』
24:40 伊to̍hka7我讲：『我所服事ê上主ē差他ê使者kah你做伙去，hō͘你有顺序ê路，你to̍h thang tùi我ê宗族，我ê父ê家，kā我ê kiáⁿ娶一个bó͘。
24:41 只要你去到我ê本族hia，to̍h算你已经实行你ê chiùchōa；in若m̄ hō͘你，我kah你chiù ê chōa，mā kah你无关系。』
24:42 今á日，我来到井边，讲：『我ê主人亚伯拉罕ê上帝—上主ah，祢若肯，求祢hō͘我所行ê路顺序。』
24:43 我taⁿ khiā tī水井边，对一个出来chhiūⁿ水ê chabó͘ gín-á讲：『请你kā你瓶里ê水淡薄á hō͘我lim；
24:44 她若讲：做你lim，我mā beh为你ê骆驼chhiūⁿ水，愿hitê chabó͘ gín-á做上主所定tio̍h beh hō͘我ê主人ê kiáⁿ做bó͘ ê。
24:45 我心内ê话讲iáu未了，利百加to̍h出来，肩胛头顶背水瓶，落去井边chhiūⁿ水。我to̍h kā她讲：『请你hō͘我lim。』
24:46 她就赶紧tùi肩胛头顶放落水瓶，讲：「请lim，我mā beh hō͘你ê骆驼lim。』我to̍hlim，她mā hō͘我ê骆驼lim。
24:47 我koh问她讲：『你是啥人ê chabó͘ kiáⁿ？』她应讲：『我是密迦tùi拿福所生ê kiáⁿ—彼土利ê chabó͘ kiáⁿ。』我to̍h kā金环挂tī她ê鼻，kā手环挂tī她ê手。
24:48 我to̍hàⁿ头拜上主，oló我ê主亚伯拉罕ê上帝—上主，因为他chhōa我行tú好ê路，hō͘我得tio̍h我ê主ê小弟ê chabó͘孙，来hō͘伊ê kiáⁿ做bó͘。
24:49 Taⁿ lín若beh用慈爱kah诚实款待我ê主人，to̍h kā我答应；若m̄，mā kā我讲，hō͘我thang知tio̍h ǹg左á是ǹg右。」
24:50 拉班kah彼土利应讲：「Tāi-chì出tī上主，阮bē tàng对你讲好á是m̄好。
24:51 你看，利百加tī你ê面前，你thang kā她chhōa去，照上主所讲ê，hō͘你ê主人ê kiáⁿ做bó͘。」
24:52 亚伯拉罕ê奴仆听tio̍h in chiahê话，就ǹg上主仆tī地里。
24:53 Hit时，奴仆the̍h出银器、金器kah衫裤送利百加，koh kā宝物送她ê阿兄kah老母。
24:54 奴仆kah tòe伊ê人lim食、歇暝。透早起来，to̍h讲：「请差我tńg去我ê主人hia。」
24:55 利百加ê阿兄kah老母讲：「请容允chabó͘ gín-á kah阮koh tòa几工，siāng少十工，然后她to̍h thang去。」
24:56 M̄ koh，仆人讲：「M̄-thang阻挡我，上主已经hō͘我顺序ê路。请差我去，hō͘我tńg去我ê主人hia。」
24:57 In讲：「阮叫chabó͘ gín-á来，探她ê话意。」
24:58 Into̍h叫利百加来，问她讲：「你beh kah chitê人去无？」她讲：「我beh去。」
24:59 Into̍h差小妹利百加kah她ê奶母，kah亚伯拉罕ê奴仆，以及tòe伊ê人去。
24:60 Into̍h kā利百加祝福，对她讲：「阮小妹，愿你做千万人ê老母，愿你ê kiáⁿ孙得tio̍h对敌ê城门。」
24:61 利百加kah她ê女婢起来，骑骆驼tòe hitê人；奴仆to̍h chhōa利百加去。
24:62 以撒tòa tī南地，hit时已经tùi Pí-jíⁿ-la̍h-hái-lâi ê路来。
24:63 日beh暗，以撒出来tī田里，恬恬teh想。伊gia̍h头一下看，看tio̍h骆驼来。
24:64 利百加看tio̍h以撒，to̍h tùi骆驼顶落来。
24:65 问hitê奴仆讲：「Tī田里行来迎接咱ê是啥人？」奴仆讲：「是我ê主人。」利百加就the̍h帕来罩面。
24:66 奴仆kā所发生一切ê tāichì kā以撒讲。
24:67 以撒就牵利百加入去伊ê老母撒拉ê布棚，娶伊做bó͘，koh真疼她。以撒tùi老母死后，到chit时chiah得tio̍h安慰。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。