约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
23:1 约书亚ê遗言
上主已经hō͘以色列人安静，无kah四箍围所有ê对敌交战，已经经过真chē日，约书亚mā年老，有岁à。
23:2 Hit时，约书亚to̍h叫以色列人民、in ê长老kah in ê族长、in ê审判官、in ê官长，所有ê人lóng来，对in讲：「我已经岁寿chē年老。
23:3 上主—lín ê上帝因为lín ê缘故，对hiahê国所行一切ê tāichì，lín有看tio̍h，因为替lín交战ê是上主—lín ê上帝。
23:4 所chhun chiahê国，以及我所消灭ê hiahê国，tùi约旦河到大海，ǹg日落ê所在，我已经分hō͘ lín ta̍k支族做产业。
23:5 上主—lín ê上帝ē tùi lín ê面前kā in赶走，mā beh tùi lín ê头前kā in赶散，lín to̍h ē得tio̍h in ê地做产业，照上主—lín ê上帝所对lín讲ê。
23:6 「所以，lín tio̍h大大壮胆，执守来行摩西律法ê册一切所记载ê，m̄ thang离开他来偏左á是偏右。
23:7 Τī lín中间所chhun hiahê国，lín m̄ thang kah伊参插，m̄ thang提起in hiahê神明ê名，m̄ thang hō͘人kí in来chiùchōa，mā m̄ thang kā伊服事，m̄ thang kā伊跪拜；
23:8 总是，tio̍h照lín到今á日所行ê，kah上主—lín ê上帝结联。
23:9 因为上主已经用大koh强ê国kā in tùi lín ê面前赶出去，到今á日，lóng无一个人ē tàng tī lín ê面前khiā-tiâu。
23:10 Lín一个人beh赶逐一千人，因为替lín交战ê是上主—lín ê上帝，照他所对lín讲ê。
23:11 Lín tio̍h kakī 大大谨慎，疼上主—lín ê上帝。
23:12 「Lín若略á倒退，kah存tī lín中间所chhun hiahê人民结联，kah in结亲，做伙往来，
23:13 lín tio̍h确实知，上主—lín ê上帝一定无beh koh kā hiahê人民tùi lín ê面前赶出去；总是，in beh成做lín ê罗网活tauh，phah lín身躯ê棰，目chiu 内ê刺，一直到lín tī上主—lín ê上帝所赏赐hō͘ lín chitê好ê地灭亡。
23:14 「你看，我今á日beh行世间人所tio̍h行ê路，lín一心一意知影，上主—lín ê上帝所应允赐福hō͘ lín ê话，无一句落空，lóng tī lín ê身上应验，其中无落空kah一项。
23:15 上主—lín ê上帝所应允一切ê福气，án怎临到lín ê，上主mā beh照ánne hō͘ ta̍k种ê灾祸临到tī lín中间，一直到他tī上主—lín ê上帝所赏赐hō͘ lín chitê好ê地kā lín灭亡。
23:16 Lín若违背上主—lín ê上帝所命令lín ê约，去服事别个神明，kā伊跪拜，上主ê受气to̍h ē对lín发出，lín会真紧tī他所赏赐hō͘ lín好ê地灭亡。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。