约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
22:1 约书亚遣送东pêng支族ê人Tńg去故乡
Hit时，约书亚叫流便人、迦得人kah玛拿西半支族ê人来，
22:2 对in讲：「上帝ê奴仆摩西所命令lín ê，lín lóng遵守，我所命令lín ê，lín mā lóng遵thàn。
22:3 Lín chiah chē日lóng无离开lín ê兄弟，一直到今á日，lín mā有守上主—lín ê上帝所命令lín tio̍h守ê。
22:4 Taⁿ上主—lín ê上帝照他所应允ê，hō͘ lín兄弟得tio̍h平安，taⁿ lín thang倒tńg去lín ê布棚，到上帝ê奴仆摩西tī约旦河hit-pêng所赐hō͘ lín做产业ê地。
22:5 总是，lín迫切tio̍h谨慎，遵thàn上帝ê奴仆摩西所命令lín ê诫命律法，疼上主—lín ê上帝，行他一切ê道路，守他ê诫命，kah他结联，尽心尽性服事他。」
22:6 就ánne，约书亚kā in祝福，差in去，in to̍htng2去in ê布棚。
22:7 玛拿西半支族，摩西已经tī巴珊分业hō͘ in；iáu半支族约书亚tī约旦河hit-pêng西pêng，tī in兄弟中间分业hō͘ in。约书亚差in tńg去布棚ê时，kā in祝福，
22:8 koh kā in吩咐讲：「Lín tio̍h带真chē财物，真chē chengseⁿ，kah银、金、铜、铁，kah真chē衫裤，tńg去lín ê布棚，kā lín所抢对敌ê战利品，kah lín ê兄弟做伙分。
22:9 就ánne，流便人、迦得人、玛拿西半支族ê人，tùi迦南地ê示罗出发，离开以色列人，beh tńg去in得tio̍h基列地，to̍h是照上主托摩西所命令ê，得tio̍h做产业ê地。
22:10 约旦河边ê祭坛
流便人、迦得人kah玛拿西半支族，到约旦河边一带ê迦南地，to̍h tī近约旦河hia，起一座坛，hitê坛起了真大。
22:11 以色列人听tio̍h讲：「你看，流便人、迦得人kah玛拿西半支族有tī迦南地ê头前起一座坛，约旦河ê边á，以色列人过去ê所在。」
22:12 以色列人听tio̍h，以色列全会众lóng聚集tī示罗，beh上去kah in交战。
22:13 以色列人差祭司以利亚撒ê kiáⁿ非尼哈去基列地见流便人、迦得人kah玛拿西半支族；
22:14 koh差十个首领kah伊去，to̍h是以色列ta̍k支族ta̍k族一个首领，ta̍k人tī以色列军队中做族长。
22:15 In到基列地，见tio̍h流便人、迦得人kah 玛拿西半支族，对in讲：
22:16 「上主ê全会众ánne讲，lín悖逆以色列ê上帝，今á日oa̍t-tńg身无koh tòe上主，为kakī 起一座坛，致使今á日悖逆上主，犯tio̍h这到底是啥物罪？
22:17 早前对比珥ê罪，咱kám iáu掠做是小khóa？虽然瘟疫临到上主ê会众，到今á日咱iáu未清气。
22:18 Lín今á日竟然oa̍t-tńg身无koh tòe上主！Lín今á日悖逆上主，明á载他ē对以色列ê全会众受气。
22:19 Lín所得tio̍h做产业ê地，若无清气，to̍h thang过来上主ê地ê产业，to̍h是上主ē幕所tiàm ê所在，tī阮中间得tio̍h业。总是，m̄ thang悖逆上主，mā m̄ thang悖逆阮，m̄ thang tī上主—咱ê上帝ê坛以外，为kakī koh起坛。
22:20 早前谢拉ê干á孙亚干，kám无tī hitê应该献ê物犯罪，to̍h有受气临到tī以色列ê全会众？Hitê人tī伊所犯ê罪，m̄ nā伊kakī 一个人死。」
22:21 就ánne，流便人、迦得人kah玛拿西半支族应以色列军队ê头人讲：
22:22 「全能ê上帝—上主！全能ê上帝—上主！他知，以色列mā ē知，阮若有悖逆ê意思á是悖逆上主，(今á日无救阮)，
22:23 为kakī 起坛，beh oa̍t-tńg身无koh tòe上主，á是beh tī hit顶面献烧祭、素祭kah谢恩祭，上主ē kā罪归hō͘伊。
22:24 阮做chitê tāichì是为tio̍h提防chiah刁工做，是恐惊后日lín ê kiáⁿ孙会对阮ê kiáⁿ孙讲：『Lín kah上主—以色列ê上帝有啥物关系？
22:25 流便人kah迦得人，上主tī lín kah阮ê中间设chitê约旦河做界限，taⁿ lín无份tī上主。』Án-ne，lín ê kiáⁿ孙to̍h ēhō͘阮ê kiáⁿ孙无koh敬畏上主。
22:26 所以，阮做伙讲：『Taⁿ咱tio̍h为kakī 起一座坛，m̄是为tio̍h烧祭，mā m̄是为tio̍h别种ê祭，
22:27 to̍h是为tio̍h lín kah阮ê中间，以及lín kah阮后代ê中间做证据，hō͘阮thang tī上主ê面前，用阮ê烧祭、谢恩祭kah别种祭来服事他，免得lín ê kiáⁿ孙后日对阮ê kiáⁿ孙讲：『Lín tī上主内面无份。』
22:28 所以，阮讲：『别日in若对阮á是阮ê后代ánne讲，阮thang应讲：Lín thang看上主ê坛ê款式，to̍h是阮ê祖先早前所起ê，m̄是为tio̍h烧祭kah别种ê祭，to̍h是为tio̍h beh做lín kah阮中间ê证据。』
22:29 阮tī上主—咱ê上帝ê会幕前以外，另外koh起一座坛，为tio̍h烧祭、素祭kah别种ê祭，来悖逆上主，今á日oa̍t-tńg身无koh tòe上主，阮绝对无chit款意思。」
22:30 祭司非尼哈kah会中hiahê首领，以及kah伊做伙来到以色列中ê军队ê头人，to̍h是kah伊做伙来ê，听tio̍h流便人、迦得人kah玛拿西人所讲ê话，to̍h lóng掠做是好。
22:31 祭司以利亚撒ê kiáⁿ非尼哈对流便人、迦得人kah玛拿西人讲：「今á日，阮知上主tī咱ê中间，因为lín无犯tio̍h chitê罪来得罪上主。Τaⁿ lín有救以色列人脱离上主ê手。」
22:32 祭司以利亚撒ê kiáⁿ非尼哈kah hiahê首领，离别流便人、迦得人，tùi基列地tńg去迦南地，到以色列人hia，kā in回覆。
22:33 以色列人掠chitê tāichì做好，就ánne，以色列人oló上主，无koh提起beh上去kah流便人、迦得人交战，来毁坏in所tòa ê地。
22:34 流便人kah迦得人kā hitê坛叫做证据，因为讲，chitê坛tī咱中间证明上主是上帝。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。