约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
4:1 取石做记念
人民全部过约旦河了后，上主to̍h吩咐约书亚，讲：
4:2 「Tio̍h tùi人民中拣选十二个人，每支族一个人，
4:3 命令in讲：『Lín tùi hia，tùi约旦河中，祭司ê脚tiāⁿ-tiāⁿ khiā ê所在，取十二块石头，带来kah lín做伙过去，hē tī lín今暝beh歇困ê所在。』」
4:4 约书亚就照伊tùi以色列人中所准备ê hit十二个人，每支族一个人，lóng叫in来。
4:5 约书亚to̍h kā in讲：「Lín过去tī上主—lín ê上帝约柜ê头前，到约旦河中，照以色列人支族ê数额，ta̍k人取一块石头giâ tī肩胛头。
4:6 Lín thang用chitê tī lín中间做证据。日后lín ê kiáⁿ孙若问lín讲：『Chiahê石头，对lín来讲有啥物意义？』
4:7 Lin2to̍h thang对in讲：『是因为以前约旦河ê水，tī上主ê约柜前截断；约柜过约旦河ê时，约旦河ê水截断。Chiahê石头beh成做以色列人永远ê记念。』」
4:8 以色列人照约书亚所命令ê来行，照以色列人支族ê数额，tùi约旦河中取十二块石头，lóng照上主对约书亚所讲ê。In就带hiahê石头过去，到in歇困ê所在，就hē tī hia。
4:9 约书亚另外用十二块石头khiā tī约旦河中，to̍h是tī扛约柜ê祭司脚khiā ・leh ê所在；到今á日，hiahê石iáu koh tī hia。
4:10 扛约柜ê祭司khiā tī约旦河中，thèng候上主命令约书亚对人民讲ê tāichì做了后，是照摩西所命令约书亚一切ê话，人民就赶紧过去。
4:11 所有ê人民全部过去，上主ê约柜kah祭司to̍h tī人民ê面前过去。
4:12 流便人、迦得人、玛拿西半支族ê人，lóng照摩西所对in讲ê，带军器tī以色列人ê头前过去。
4:13 差不多有四万人lóng准备交战，tī上主ê面前过去，到耶利哥城ê平原，准备好势teh beh交战。
4:14 当hit日，上主hō͘约书亚tī以色列人民ê目chiu 前做大。Τī伊一生ê日子，人民敬畏伊，亲像早前敬畏摩西。
4:15 上主吩咐约书亚讲：
4:16 「你tio̍h命令扛法柜ê祭司，tùi约旦河起来。」
4:17 约书亚to̍h命令祭司讲：「Lín tùi约旦河起来。」
4:18 扛上主约柜ê祭司tùi约旦河起来，祭司ê脚掌tútú踏tio̍h干地ê时，约旦河ê水就流到原位，照原来涨满双pêng ê岸。
4:19 正月初十，人民tùi约旦河起来，就扎营tī吉甲，tī耶利哥城东pêng ê境界。
4:20 In tùi约旦河所取hit十二块石头，约书亚to̍h kā in chhāi tī 吉甲，
4:21 然后对以色列人讲：「日后lín ê kiáⁿ孙若问in ê老父讲：
4:22 『Chiahê石头有啥物意义？』Hit时，lín tio̍h报lín ê kiáⁿ知，讲：『以色列人bat行干地，过chitê约旦河；
4:23 因为上主—lín ê上帝tī lín ê头前hō͘约旦河ê水干去，thèng候lín过来，亲像上主—lín ê上帝以前tī红海所做ê，to̍h是hō͘水tī咱ê头前干去，thèng候咱过来。
4:24 Án-ne beh hō͘地chiūⁿê万民lóng知上主ê手有大能力，mā beh hō͘ lín永远敬畏上主—lín ê上帝。』」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。