申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
27:1 Tī石碑写上主ê律法
摩西kah以色列chiahê长老命令人民讲:「Lín tio̍h守我今á日所命令lín一切ê诫命。
27:2 Lín过约旦河,来到上主—你ê上帝所赏赐hō͘你ê地,hit日tio̍h khiā几块大石,用灰kā它抹。
27:3 你过去了后,tio̍h写chitê律法kah一切ê话tī hit顶面,thang hō͘你入去上主—你ê上帝所赏赐hō͘你ê地,to̍h是流奶kah蜜ê地,照上主你祖先ê上帝所应允你ê。
27:4 Lín过约旦河了后,to̍h tio̍h tī以巴路山khiā我今á日所命令lín hiahê石,用灰kā它抹。
27:5 Tī hia tio̍h为上主—你ê上帝起一座坛,to̍h是石头ê坛,tī hit顶面m̄ thang动tio̍h铁器。
27:6 Τio̍h用无过phah ê石头起上主—你ê上帝ê坛,tī hit顶面tio̍h献烧祭hō͘上主—你ê上帝。
27:7 Koh tio̍h献谢恩祭,mā tī hia食,tī上主—你ê上帝ê面前欢喜。
27:8 你tio̍h kā chitê律法一切ê话,tī hiahê石里写明。」
27:9 摩西kah祭司利未人,吩咐以色列人民讲:「以色列人,lín tio̍h恬恬来听,今á日你成做上主—你ê上帝ê子民。
27:10 所以,tio̍h遵thàn上主—你ê上帝ê话,行他ê诫命律例,to̍h是我今á日所命令你ê。」
27:11 违背诫命Tio̍h受咒诅
当hit日,摩西命令人民讲:
27:12 「Lín过约旦河了后,西缅、利未、偤大、以萨迦、约瑟、便雅悯,chiahê支族tio̍h khiā tī Ki-lī-sim山来祝福人民。
27:13 流便、迦得、亚设、西布伦、但、拿弗他利,chiahê支族,tio̍h khiā tī以巴路山来宣布咒诅。
27:14 利未人tio̍h大声对以色列人民讲:
27:15 「『见若人制造偶像,刻ê á是铸ê,上主所讨厌ê,to̍h是师傅ê手所做ê,chhāi tī偷偷á ê所在,hitê人tio̍h受咒诅!』「人民lóng tio̍h应讲:『阿们!』
27:16 「『看轻老父á是老母ê,tio̍h受咒诅!』「人民lóng tio̍h讲:『阿们!』
27:17 「『移徙厝边ê界址ê,tio̍h受咒诅!』「人民lóng tio̍h讲:『阿们!』
27:18 「『Hō͘ chheⁿmê ・ê行m̄ tio̍h路ê,tio̍h受咒诅!』「人民lóng tio̍h讲:『阿们!』
27:19 「『审判来冤枉出外人kah孤儿、寡妇ê,tio̍h受咒诅!』「人民lóng tio̍h讲:『阿们!』
27:20 「『kah老父ê后bó͘同房ê tio̍h受咒诅!因为伊有掀开伊ê老父ê衫á裾。』「人民lóng tio̍h讲:『阿们!』
27:21 「『无论kah啥物兽交合ê,lóng tio̍h受咒诅!』「人民lóng tio̍h讲:『阿们!』
27:22 「『人kah siâng父ê姊妹á是siâng母ê姊妹同房,hitê人tio̍h受咒诅!』「人民lóng tio̍h讲:『阿们!』
27:23 「『Kah丈姆同房ê tio̍h受咒诅!』「人民lóng tio̍h讲:『阿们!』
27:24 「『暗中phah死厝边ê tio̍h受咒诅!』「人民lóng tio̍h讲:『阿们!』
27:25 「『接受人ê乌纱来害死无罪ê人ê tio̍h受咒诅!』「人民lóng tio̍h讲:『阿们!』
27:26 「『无坚守chiahê律法ê话来行ê tio̍h受咒诅!』「人民lóng tio̍h讲:『阿们!』」
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。