申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
17:1 「见若有破相á是有啥物pháiⁿ样ê牛羊，你m̄ thang献祭hō͘上主—你ê上帝，因为这是上主—你ê上帝所讨厌ê。
17:2 Tī lín中间，tī上主—你ê上帝所赏赐hō͘你hiahê城ê中间，若tú tio̍h有人，á是男，á是女，行上主—你ê上帝所看做是pháiⁿ ê，违背他ê约，
17:3 去服事别个神明来kā伊敬拜，á是日，á是月，á是天顶ê万象，是我所m̄ bat命令ê；
17:4 若有人kā你讲，你mā已经有听tio̍h，to̍h tio̍h详细探听；你看，果然有影，实在有chitê可恶ê tāichì行tī以色列中，
17:5 你tio̍h kā行chitê pháiⁿ事ê chapo͘人，á是chabó͘人拖到城门外，用石头tìm hitê chapo͘人á是chabó͘人，tio̍h hō͘伊/她死。
17:6 Tio̍h凭两 个见证á是三个见证ê嘴，应该死ê tio̍h hō͘伊死；若凭一个人ê嘴做见证，to̍h m̄ thang hō͘伊死。
17:7 见证ê tio̍h做头下手kā伊tìm，然后众人mā下手hō͘伊死。Αń-neto̍h ē tàng tùi lín中间除去hitê pháiⁿ。
17:8 你城门内若有冤家ê tāichì，á是因为流血，á是因为相告，á是因为相phah，是你所bē了解thang判断ê，你to̍h tio̍h起来，去上主—你ê上帝所beh拣选ê所在。
17:9 去见祭司利未人kah当时ê审判官来问in，inē kā判词指示你。
17:10 In tī上主所beh拣选ê所在指示你ê判词，你tio̍h照ánne行，见若是in所教示你ê，你tio̍h执守来照ánne行。
17:11 Τio̍h照in所beh教示你法度ê宗旨，mā tio̍h照in所kā你讲ê判断来行；in所指示你ê判词，你m̄ thang偏左á是偏右。
17:12 若有人硬硬beh行，m̄听祭司，to̍h是tī hia khiā-teh来服事上主—你ê上帝ê，á是m̄听审判官，to̍h tio̍h hō͘ hitê人死；ánne你to̍h ē tàng tùi以色列中除去hitê pháiⁿ。
17:13 人民lóng ē听tio̍h来惊，无koh硬硬beh行。」
17:14 设立王ê规定
「你到上主—你ê上帝所赏赐hō͘你ê地，得tio̍h hit所在来tòa ê时，若讲：『我beh设立王来做我ê头，亲像我四箍围ê列国ánne。』
17:15 你一定tio̍h设立上主—你ê上帝所拣选ê人做王，做你ê头。Tio̍h tùi你ê兄弟中设立一个人做王，做你ê头；外国人，m̄是你ê兄弟ê，你m̄ thang设立伊做你ê头。
17:16 总是，王m̄ thang为tio̍h kakī 加添真chē只马，mā m̄ thang为tio̍h beh加添khah chē只马，hō͘人民tńg去埃及，因为上主bat命令lín讲：『Lín mài-koh tùi hit条路tńg去。』
17:17 伊mā m̄ thang为kakī 娶真chē后妃，恐惊伊ê心偏邪；伊mā m̄ thang为本身积聚真chē金银。
17:18 伊坐伊ê国位ê时，tio̍h用一本册抄写chitê律法，tio̍h tùi存tī祭司利未人ê面前ê hit本来抄。
17:19 Hit本tio̍h hē tī伊hia，一世人tio̍h读，thang学习敬畏上主—伊ê上帝，tio̍h执守chitê律法所有ê话kah chiahê律例，来照ánne行。
17:20 免得伊骄傲来看轻兄弟，koh免得伊偏左偏右，来离开chitê诫命；thang hō͘伊kah伊ê kiáⁿ孙tī以色列中ê国位久长。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。