民数记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
34:1 上主赐迦南地ê境界
上主吩咐摩西讲：
34:2 「你tio̍h命令以色列人，kā in讲：Lín到迦南地ê时，to̍h是归hō͘ lín做产业ê迦南，照她四箍围ê地：
34:3 lín ê南方tio̍h tùi寻ê旷野沿以东ê边界，lín ê南界tio̍h tùi盐海东pêng ê极头。
34:4 Lín ê界tio̍h到A-khek-la̍h-piⁿ ê山坪ê南pêng，续到寻，直直thàng到加低斯巴尼亚 ê南pêng，koh thàng到Hap-sat-a-ta̍t，续到Ap-bûn。
34:5 Chitê境界tio̍h tùi Ap-bûn oat到埃及ê溪，thàng到海为止。
34:6 「西pêng tio̍h用大海做界，这to̍h是lín西pêng ê界。
34:7 「Lín北pêng ê界tio̍h tùi大海，划到何珥山。
34:8 Tùi何珥山划到哈马ê路口，thàng到Che-ta̍t。
34:9 Koh thàng到Se-húi-lûn，一直到Hap-sat-í-lân为止，这beh做lín北pêng ê界。
34:10 「Lín tio̍h tùi Hap-sat-í-lân，划到Sī-hoan做lín东pêng ê界。
34:11 Chitê界tio̍h tùi Sī-hoan落去到A-iân东pêng ê利比拉，koh落去到基尼烈湖ê东pêng。
34:12 Chitê界tio̍h落去到约旦河，thàng到盐海为止。Chit四箍围ê界内beh做lín ê地。」
34:13 摩西命令以色列人讲：「这是照lín所拈阄做teh beh续接做业ê地，上主所命令hō͘九个支族koh半支族ê。
34:14 因为流便kiáⁿ孙ê支族照in ê宗族，koh有迦得kiáⁿ孙ê支族照in ê宗族，已经得tio̍h产业；玛拿西半支族mā有得tio̍h。
34:15 Chit两支族，koh有半支族，已经tī约旦河外，耶利哥城ê东pêng，ǹg日出ê所在得tio̍h产业。」
34:16 负责分地ê首领
上主koh吩咐摩西讲：
34:17 「Beh kā lín分地做产业ê人ê名字记tī下底：是祭司以利亚撒kah嫩ê kiáⁿ约书亚。
34:18 Lín tio̍h tùi ta̍k支族拣一个首领，分hitê地做产业。
34:19 Chiahê人ê名记tī下底：偤大ê支族，有耶孚尼ê kiáⁿ迦勒。
34:20 西缅kiáⁿ孙ê支族，有亚米忽ê kiáⁿ Sa-mú-el。
34:21 便雅悯ê支族，有Ki-su-lûn ê kiáⁿ Í-lī-ta̍t。
34:22 但ê kiáⁿ孙ê支族，有首领Iok-lī ê kiáⁿ布基。
34:23 约瑟ê kiáⁿ孙，玛拿西kiáⁿ孙ê支族，有首领以笏 ê kiáⁿ Hàn-liap。
34:24 以法连kiáⁿ孙ê支族，有首领Li̍p-hut-tàn ê kiáⁿ Ke-mu-el。
34:25 西布伦kiáⁿ孙ê支族，有首领Phàⁿ-la̍p ê kiáⁿ I-lī-sat-hoan。
34:26 以萨迦kiáⁿ孙ê支族，有首领A-chàn ê kiáⁿ Phàⁿ-thiah。
34:27 亚设kiáⁿ孙ê支族，有首领Sī-lô-bí ê kiáⁿ A-hi-hut。
34:28 拿弗他利kiáⁿ孙ê支族，有首领亚米忽ê kiáⁿ Pí-tāi-hek。
34:29 Chiahê人to̍h是上主所命令tī迦南地kā产业分hō͘以色列人ê。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。