创世记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
18:1 上帝应允亚伯拉罕生kiáⁿ
上主tī幔利ê橡树hia，对亚伯拉罕出现。Hit时，日当热，亚伯拉罕坐tī布棚门口，
18:2 gia̍h头起来看，看tio̍h三个人tī对面teh khiā。伊一下看tio̍h，to̍h tùi布棚门口，走去kā in迎接，
18:3 仆tī地里，讲：「我ê主，我若tī祢ê面前得tio̍h恩典，求你m̄ thang离开祢ê奴仆做你去。
18:4 容允我the̍h淡薄á水hō͘ lín洗脚，请歇困tī树脚。
18:5 我koh the̍h淡薄á饼hō͘ lín做点心，然后chiah 进前去。Lín既然来到阮chia，请接受lín ê奴仆ê款待。」In讲：「Τhang照你ê话去行。」
18:6 亚伯拉罕赶紧入去布棚，见tio̍h撒拉，讲：「你赶紧用三人份ê好面粉，nóa做饼。」
18:7 亚伯拉罕koh走到牛群ê所在，牵一只chíⁿ koh好ê牛á来，交hō͘奴仆，伊to̍h赶紧去准备。
18:8 亚伯拉罕koh the̍h奶油kah奶，kah所准备ê牛á来，排tī in ê面前，kakī tī树脚khiā tī in ê身边，in to̍h食。
18:9 In问伊讲：「你ê bó͘撒拉tī tó位？」伊应讲：「Tī布棚内。」
18:10 In中间一个讲：「时间到，我一定ēkoh来你chia；你ê bó͘撒拉会生一个kiáⁿ。」撒拉tī后面布棚门口ê所在teh听。
18:11 亚伯拉罕kah撒拉ê年岁已经老，撒拉ê月经mā已经停。
18:12 撒拉心内笑讲：「我已经衰lám，我ê主mā老ā，kám iáu有chit款ê欢喜？」
18:13 上主对亚伯拉罕讲：「撒拉是án怎teh笑，讲：『我已经老ā，kám真正iáu会生kiáⁿ？』
18:14 上主kám有做bē到ê tāichì？时间若到，明年ê chit时，我ēkoh来你chia，撒拉会生一个kiáⁿ。」
18:15 撒拉惊一下，m̄承认，讲：「我无笑。」Hitê人讲：「无影，你实在有笑。」
18:16 亚伯拉罕为所多玛哀求
Hiahê人to̍h tùi hia起来，ǹg所多玛去，亚伯拉罕mā kah in做伙行，beh送in一站。
18:17 上主讲：「我所beh做ê tāichì，kám thang对亚伯拉罕掩盖？
18:18 因为亚伯拉罕一定ē成做强大ê国，地chiūⁿ万国ē因为伊来得tio̍h福气。
18:19 我kah伊深交，是beh hō͘伊命令伊ê kiáⁿ kah伊ê家眷，hō͘ in久长守上主ê道理，秉公行义；thang hō͘上主指亚伯拉罕所应允ê话，lóng归hō͘伊。」
18:20 上主讲：「所多玛kah蛾摩拉喝喊 ê声真大，in ê罪恶实在重。
18:21 我taⁿ beh落去，看in所行ê，是m̄是有全部kah我所听ê仝款；若无仝款，我mā ē知。」
18:22 Hiahê人tùi hia oa̍t-tńg身，ǹg所多玛去；亚伯拉罕iáu khiā tī上主ê面前。
18:23 亚伯拉罕行óa来，讲：「好人kah pháiⁿ人，祢kám lóng beh剿灭？
18:24 设使城内有五十个好人，祢kám犹原beh剿灭hit所在？Kám无beh为tio̍h城内chit五十个好人来kā in赦免？
18:25 愿祢绝对无ánne行，kā好人kah pháiⁿ人做一下害死；致使好人kah pháiⁿ人相同。愿祢绝对无ánne行；审判全地ê主kám无行公义？」
18:26 上主讲：「我若tī所多玛城内有tú tio̍h五十个好人，我to̍h为tio̍h in ê缘故来宽容hit所在。」
18:27 亚伯拉罕应讲：「我虽然是火灰土沙粉，iáu koh敢对主讲话。
18:28 设使chiahê五十个好人欠五个，祢kámē因为欠五个，来剿灭全城？」上主讲：「我tī hia若tú tio̍h有四十五个，mā无beh剿灭。」
18:29 亚伯拉罕koh对他讲：「设使tī hia tú tio̍h四十个neh？」上主讲：「为tio̍h chiahê四十个ê缘故，我mā无beh做chitê tāichì。」
18:30 亚伯拉罕koh讲：「求主m̄ thang受气，我beh koh讲，设使tī hia若tú tio̍h三十个neh？」上主讲：「我tī hia若tú tio̍h有三十个，我mā无beh做chitê tāichì。」
18:31 亚伯拉罕讲：「我iáu koh敢对主讲：设使tī hia有tú tio̍h二十个neh？」上主讲：「为tio̍h chiahê二十个ê缘故，我mā无beh kā in剿灭。」
18:32 亚伯拉罕讲：「求主m̄ thang受气，我koh讲一pái：设使tī hia 有tú tio̍h十个neh？」上主讲：「为tio̍h chiahê十个ê缘故，我mā无beh kā in剿灭。」
18:33 上主kah亚伯拉罕讲了后，to̍h chiūⁿ天去；亚伯拉罕mā tńg去伊ê所在。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。