民数记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
22:1 摩押王召见巴兰
以色列人出发,扎营tī摩押ê平原,tī约旦河外,耶利哥城ê对面。
22:2 西拨ê kiáⁿ巴力看tio̍h以色列人对亚摩利人所行一切ê tāichì。
22:3 摩押真惊hiahê人民,因为in真chē,摩押因为以色列人民,心to̍h tio̍h急。
22:4 摩押kā米甸ê长老讲:「Taⁿ chit群人beh全部食咱四箍围所有ê,亲像牛食田里ê草一样。」Hit时,西拨 ê kiáⁿ巴勒做摩押王。
22:5 伊差使者去大河边ê Pî-toat,到比珥ê kiáⁿ巴兰ê本所在叫伊来,讲:「你看,有一个民族tùi埃及出来;你看,in jia满地面,mā tòa tī我ê对面。
22:6 Taⁿ请你来,kā我咒诅chiahê人民,因为in比我khah强;kiámchhái我ēphah赢in,kā in赶出chitê所在;因为我知你所祝福ê,to̍h得tio̍h福气,你所咒诅ê,就受咒诅。」
22:7 摩押长老kah米甸ê长老to̍h出发,手带卜卦ê礼,去到巴兰 hia,kā巴勒ê话对伊讲。
22:8 伊对in讲:「今暝lín歇chia;照上主所吩咐我ê,我ē kā lín回覆。」摩押ê首领就歇tī巴兰hia。
22:9 上帝临到巴兰,问伊讲:「kah你tòa做伙hiahê人是啥人?」
22:10 巴兰应上帝讲:「是摩押王西拨 ê kiáⁿ差人来到我chia,讲:
22:11 『你看,有人民tùi埃及出来,jia满地面;请你来替我kā in咒诅,kiámchhái我ēthâi赢in,kā in赶出去。』」
22:12 上帝对巴兰讲:「你m̄ thang kah in去,mā m̄ thang咒诅chiahê人民,因为in是得tio̍h福气ê。」
22:13 巴兰透早起来,对巴勒ê首领讲:「Lín tńg去lín ê所在,因为上主m̄准我kah lín去。」
22:14 摩押ê首领to̍h起来,tńg去巴勒hia,讲:「巴兰m̄肯kah阮来。」
22:15 巴勒koh差首领,比以前khah chē,khah尊贵ê。
22:16 In到巴兰hia,对伊讲:「西拨 ê kiáⁿ巴勒ánne讲:『求你m̄ thang hō͘啥物tāichì阻挡你无来我chia。
22:17 因为我beh hō͘你得tio̍h极大ê尊贵。见若你对我讲啥物,我ē照ánne行;所以,请你来,kā我咒诅chiahê人民。』」
22:18 巴兰对巴勒chiahê人臣讲:「巴勒若用满厝ê金银hō͘我,我mā m̄敢pôaⁿ过我ê上帝ê诫命,来加减行。
22:19 请lín今暝koh歇chia,thèng候我看上主ēkoh kā我讲啥物。」
22:20 Hit暝,上帝临到巴兰hia,讲:「Chiahê人若来叫你,你to̍h起来kah伊去,总是,我所kā你讲ê,你tio̍h遵thàn。
22:21 巴兰早起起来,准备驴á,kah摩押ê首领做伙去。
22:22 巴兰kah伊ê驴á
上帝因为巴兰去,就受气;上主ê使者khiā tī路里来kā伊抵敌;伊骑驴á,两 个奴仆跟tòe伊。
22:23 驴á看tio̍h上主ê使者khiā tī路里,手里拔刀;驴a2to̍h对路里siám入去园内;巴兰就phah驴á beh hō͘伊归原路。
22:24 上主ê使者to̍h khiā tī葡萄园ê狭路,chit pêng有墙,hit-pêng mā有墙。
22:25 驴á看tio̍h上主ê使者,就闪óa hitê墙,kā巴兰ê脚kheh tī墙里;巴兰to̍h koh kā它phah。
22:26 上主ê使者koh进前去,khiā tī狭狭ê所在,双pêng无路thang oat。
22:27 驴á看tio̍h上主ê使者,to̍h仆tī巴兰ê下底,巴兰受气,to̍h用拐á phah驴á。
22:28 上主开驴á ê嘴,驴á对巴兰讲:「我对你做啥物,你竟然phah我三pái?」
22:29 巴兰对驴á讲:「因为你kā我戏弄;我恨手里无刀;若有,我to̍hē kā你thâi死。」
22:30 驴á对巴兰讲:「我kám m̄是你ê驴á,你一生所骑ê?我平时kám bat对你ánne做?」巴兰讲:「M̄-bat。」
22:31 Hit时,上主开巴兰ê目chiu ,伊to̍h看tio̍h上主ê使者khiā tī路里,手拔刀;巴兰就àⁿ头仆tī地里。
22:32 上主ê使者对伊讲:「你ná ē三pái phah你ê驴á?你看,我出来抵敌你,因为你tī我ê面前所行ê是悖逆。
22:33 驴á看tio̍h我,就闪避我三pái;设使驴á无闪避我,我已经kā你thâi死,hō͘驴á活leh。」
22:34 巴兰对上主ê使者讲:「我有犯罪à,我m̄知你khiā tī路里阻挡我;你若无欢喜我去,我to̍h倒tńg去。」
22:35 上主ê使者对巴兰讲:「你kah chiahê人去!总是,你只有thang讲我所beh对你讲ê。」巴兰to̍h kah巴勒ê首领做伙去。
22:36 巴勒欢迎巴兰
巴勒听tio̍h巴兰来,to̍h去摩押城kā伊迎接;chitê城是tī边界ê极头,tī亚嫩ê边á。
22:37 巴勒对巴兰讲:「我kám m̄是迫切差人到你hia去叫你?你ná ē无来我chia?我kám bē真正hō͘你尊贵?」
22:38 巴兰应巴勒讲:「我taⁿ来到你chia,我kám有权thang讲啥物?上帝用啥物话交带我,我to̍hánne讲。」
22:39 巴兰kah巴勒做伙行,来到Ki-lia̍t-ô͘-só。
22:40 巴勒thâi牛羊献祭,to̍h送hō͘ 巴兰以及kah伊tī hia ê首领。
22:41 巴兰第一pái ê预言
到隔工早起,巴勒chhōa 巴兰到巴勒ê高位;巴兰tùi hia看以色列人民极头ê所在。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。